Sundarakanda Sarga (Chapter) 32 – ஸும்த³ரகாம்ட³ த்³வாத்ரிம்ஶ꞉ ஸர்க³꞉ (32)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே ஸுந்த³ரகாண்ட³ → ஸும்த³ரகாம்ட³ த்³வாத்ரிம்ஶ꞉ ஸர்க³꞉ (32)

॥ ஸீதாவிதர்க꞉ ॥

தத꞉ ஶாகா²ந்தரே லீநம் த்³ருஷ்ட்வா சலிதமாநஸா ।
வேஷ்டிதார்ஜுநவஸ்த்ரம் தம் வித்³யுத்ஸங்கா⁴தபிங்க³ளம் ॥ 1 ॥

ஸா த³த³ர்ஶ கபிம் தத்ர ப்ரஶ்ரிதம் ப்ரியவாதி³நம் ।
பு²ல்லாஶோகோத்கராபா⁴ஸம் தப்தசாமீகரேக்ஷணம் ॥ 2 ॥

[* ஸா(அ)த² த்³ருஷ்ட்வா ஹரிஶ்ரேஷ்ட²ம் விநீதவத³வஸ்தி²தம் । *]
மைதி²லீ சிந்தயாமாஸ விஸ்மயம் பரமம் க³தா ।
அஹோ பீ⁴மமித³ம் ரூபம் வாநரஸ்ய து³ராஸத³ம் ॥ 3 ॥

து³ர்நிரீக்ஷ்யமிதி ஜ்ஞாத்வா புநரேவ முமோஹ ஸா ।
விளலாப ப்⁴ருஶம் ஸீதா கருணம் ப⁴யமோஹிதா ॥ 4 ॥

ராமராமேதி து³꞉கா²ர்தா லக்ஷ்மணேதி ச பா⁴மிநீ ।
ருரோத³ ப³ஹுதா⁴ ஸீதா மந்த³ம் மந்த³ஸ்வரா ஸதீ ॥ 5 ॥

ஸா தம் த்³ருஷ்ட்வா ஹரிஶ்ரேஷ்ட²ம் விநீதவது³பஸ்தி²தம் ।
மைதி²லீ சிந்தயாமாஸ ஸ்வப்நோ(அ)யமிதி பா⁴மிநீ ॥ 6 ॥

ஸா வீக்ஷமாணா ப்ருது²பு⁴க்³நவக்த்ரம்
ஶாகா²ம்ருகே³ந்த்³ரஸ்ய யதோ²க்தகாரம் ।
த³த³ர்ஶ பிங்கா³தி⁴பதேரமாத்யம்
வாதாத்மஜம் பு³த்³தி⁴மதாம் வரிஷ்ட²ம் ॥ 7 ॥

ஸா தம் ஸமீக்ஷ்யைவ ப்⁴ருஶம் விஸஞ்ஜ்ஞா
க³தாஸுகல்பேவ ப³பூ⁴வ ஸீதா ।
சிரேண ஸஞ்ஜ்ஞாம் ப்ரதிலப்⁴ய பூ⁴யோ
விசிந்தயாமாஸ விஶாலநேத்ரா ॥ 8 ॥

ஸ்வப்நே மயா(அ)யம் விக்ருதோ(அ)த்³ய த்³ருஷ்ட꞉
ஶாகா²ம்ருக³꞉ ஶாஸ்த்ரக³ணைர்நிஷித்³த⁴꞉ ।
ஸ்வஸ்த்யஸ்து ராமாய ஸலக்ஷ்மணாய
ததா² பிதுர்மே ஜநகஸ்ய ராஜ்ஞ꞉ ॥ 9 ॥

ஸ்வப்நோ(அ)பி நாயம் ந ஹி மே(அ)ஸ்தி நித்³ரா
ஶோகேந து³꞉கே²ந ச பீடி³தாயா꞉ ।
ஸுக²ம் ஹி மே நாஸ்தி யதோ(அ)ஸ்மி ஹீநா
தேநேந்து³பூர்ணப்ரதிமாநநேந ॥ 10 ॥

ராமேதி ராமேதி ஸதை³வ பு³த்³த்⁴யா
விசிந்த்ய வாசா ப்³ருவதீ தமேவ ।
தஸ்யாநுரூபாம் ச கதா²ம் தமர்த²-
-மேவம் ப்ரபஶ்யாமி ததா² ஶ்ருணோமி ॥ 11 ॥

அஹம் ஹி தஸ்யாத்³ய மநோப⁴வேந
ஸம்பீடி³தா தத்³க³தஸர்வபா⁴வா ।
விசிந்தயந்தீ ஸததம் தமேவ
ததை²வ பஶ்யாமி ததா² ஶ்ருணோமி ॥ 12 ॥

மநோரத²꞉ ஸ்யாதி³தி சிந்தயாமி
ததா²பி பு³த்³த்⁴யா ச விதர்கயாமி ।
கிம் காரணம் தஸ்ய ஹி நாஸ்தி ரூபம்
ஸுவ்யக்தரூபஶ்ச வத³த்யயம் மாம் ॥ 13 ॥

நமோ(அ)ஸ்து வாசஸ்பதயே ஸவஜ்ரிணே
ஸ்வயம்பு⁴வே சைவ ஹுதாஶநாய ச ।
அநேந சோக்தம் யதி³த³ம் மமாக்³ரதோ
வநௌகஸா தச்ச ததா²(அ)ஸ்து நாந்யதா² ॥ 14 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ த்³வாத்ரிம்ஶ꞉ ஸர்க³꞉ ॥ 32 ॥

ஸுந்த³ரகாண்ட³ த்ரயஸ்த்ரிம்ஶ꞉ ஸர்க³꞉ (33)>>

---

ஸம்பூர்ண வால்மீகி ஸுந்த³ரகாண்ட³ம் பார்க்க.

Did you see any mistake/variation in the content above? Click here to report mistakes and corrections in Stotranidhi content.