Srimad Bhagavadgita Chapter 8 – அஷ்டமோ(அ)த்⁴யாய꞉ – அக்ஷரப்³ரஹ்மயோக³꞉

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீமத்³ப⁴க³வத்³கீ³தா → 8. அக்ஷரப்³ரஹ்மயோக³꞉

அர்ஜுந உவாச ।
கிம் தத்³ப்³ரஹ்ம கிமத்⁴யாத்மம் கிம் கர்ம புருஷோத்தம ।
அதி⁴பூ⁴தம் ச கிம் ப்ரோக்தமதி⁴தை³வம் கிமுச்யதே ॥ 1 ॥

அதி⁴யஜ்ஞ꞉ கத²ம் கோ(அ)த்ர தே³ஹே(அ)ஸ்மின் மது⁴ஸூத³ந ।
ப்ரயாணகாலே ச கத²ம் ஜ்ஞேயோ(அ)ஸி நியதாத்மபி⁴꞉ ॥ 2 ॥

ஶ்ரீப⁴க³வாநுவாச ।
அக்ஷரம் ப்³ரஹ்ம பரமம் ஸ்வபா⁴வோ(அ)த்⁴யாத்மமுச்யதே ।
பூ⁴தபா⁴வோத்³ப⁴வகரோ விஸர்க³꞉ கர்மஸஞ்ஜ்ஞித꞉ ॥ 3 ॥

அதி⁴பூ⁴தம் க்ஷரோ பா⁴வ꞉ புருஷஶ்சாதி⁴தை³வதம் ।
அதி⁴யஜ்ஞோ(அ)ஹமேவாத்ர தே³ஹே தே³ஹப்⁴ருதாம் வர ॥ 4 ॥

அந்தகாலே ச மாமேவ ஸ்மரன் முக்த்வா களேவரம் ।
ய꞉ ப்ரயாதி ஸ மத்³பா⁴வம் யாதி நாஸ்த்யத்ர ஸம்ஶய꞉ ॥ 5 ॥

யம் யம் வாபி ஸ்மரன் பா⁴வம் த்யஜத்யந்தே களேவரம் ।
தம் தமேவைதி கௌந்தேய ஸதா³ தத்³பா⁴வபா⁴வித꞉ ॥ 6 ॥

தஸ்மாத் ஸர்வேஷு காலேஷு மாமநுஸ்மர யுத்⁴ய ச ।
மய்யர்பிதமநோபு³த்³தி⁴ர்மாமேவைஷ்யஸ்யஸம்ஶயம் ॥ 7 ॥

அப்⁴யாஸயோக³யுக்தேந சேதஸா நாந்யகா³மிநா ।
பரமம் புருஷம் தி³வ்யம் யாதி பார்தா²நுசிந்தயன் ॥ 8 ॥

கவிம் புராணமநுஶாஸிதார-
-மணோரணீயாம்ஸமநுஸ்மரேத்³ய꞉ ।
ஸர்வஸ்ய தா⁴தாரமசிந்த்யரூப-
-மாதி³த்யவர்ணம் தமஸ꞉ பரஸ்தாத் ॥ 9 ॥

ப்ரயாணகாலே மநஸா(அ)சலேந
ப⁴க்த்யா யுக்தோ யோக³ப³லேந சைவ ।
ப்⁴ருவோர்மத்⁴யே ப்ராணமாவேஶ்ய ஸம்யக்
ஸ தம் பரம் புருஷமுபைதி தி³வ்யம் ॥ 10 ॥

யத³க்ஷரம் வேத³விதோ³ வத³ந்தி
விஶந்தி யத்³யதயோ வீதராகா³꞉ ।
யதி³ச்ச²ந்தோ ப்³ரஹ்மசர்யம் சரந்தி
தத்தே பத³ம் ஸங்க்³ரஹேண ப்ரவக்ஷ்யே ॥ 11 ॥

ஸர்வத்³வாராணி ஸம்யம்ய மநோ ஹ்ருதி³ நிருத்⁴ய ச ।
மூர்த்⁴ந்யாதா⁴யாத்மந꞉ ப்ராணமாஸ்தி²தோ யோக³தா⁴ரணாம் ॥ 12 ॥

ஓமித்யேகாக்ஷரம் ப்³ரஹ்ம வ்யாஹரன் மாமநுஸ்மரன் ।
ய꞉ ப்ரயாதி த்யஜன் தே³ஹம் ஸ யாதி பரமாம் க³திம் ॥ 13 ॥

அநந்யசேதா꞉ ஸததம் யோ மாம் ஸ்மரதி நித்யஶ꞉ ।
தஸ்யாஹம் ஸுலப⁴꞉ பார்த² நித்யயுக்தஸ்ய யோகி³ந꞉ ॥ 14 ॥

மாமுபேத்ய புநர்ஜந்ம து³꞉கா²லயமஶாஶ்வதம் ।
நாப்நுவந்தி மஹாத்மாந꞉ ஸம்ஸித்³தி⁴ம் பரமாம் க³தா꞉ ॥ 15 ॥

ஆப்³ரஹ்மபு⁴வநால்லோகா꞉ புநராவர்திநோ(அ)ர்ஜுந ।
மாமுபேத்ய து கௌந்தேய புநர்ஜந்ம ந வித்³யதே ॥ 16 ॥

ஸஹஸ்ரயுக³பர்யந்தமஹர்யத்³ப்³ரஹ்மணோ விது³꞉ ।
ராத்ரிம் யுக³ஸஹஸ்ராந்தாம் தே(அ)ஹோராத்ரவிதோ³ ஜநா꞉ ॥ 17 ॥

அவ்யக்தாத்³வ்யக்தய꞉ ஸர்வா꞉ ப்ரப⁴வந்த்யஹராக³மே ।
ராத்ர்யாக³மே ப்ரளீயந்தே தத்ரைவாவ்யக்தஸஞ்ஜ்ஞகே ॥ 18 ॥

பூ⁴தக்³ராம꞉ ஸ ஏவாயம் பூ⁴த்வா பூ⁴த்வா ப்ரளீயதே ।
ராத்ர்யாக³மே(அ)வஶ꞉ பார்த² ப்ரப⁴வத்யஹராக³மே ॥ 19 ॥

பரஸ்தஸ்மாத்து பா⁴வோ(அ)ந்யோ(அ)வ்யக்தோ(அ)வ்யக்தாத் ஸநாதந꞉ ।
ய꞉ ஸ ஸர்வேஷு பூ⁴தேஷு நஶ்யத்ஸு ந விநஶ்யதி ॥ 20 ॥

அவ்யக்தோ(அ)க்ஷர இத்யுக்தஸ்தமாஹு꞉ பரமாம் க³திம் ।
யம் ப்ராப்ய ந நிவர்தந்தே தத்³தா⁴ம பரமம் மம ॥ 21 ॥

புருஷ꞉ ஸ பர꞉ பார்த² ப⁴க்த்யா லப்⁴யஸ்த்வநந்யயா ।
யஸ்யாந்த꞉ஸ்தா²நி பூ⁴தாநி யேந ஸர்வமித³ம் ததம் ॥ 22 ॥

யத்ர காலே த்வநாவ்ருத்திமாவ்ருத்திம் சைவ யோகி³ந꞉ ।
ப்ரயாதா யாந்தி தம் காலம் வக்ஷ்யாமி ப⁴ரதர்ஷப⁴ ॥ 23 ॥

அக்³நிர்ஜ்யோதிரஹ꞉ ஶுக்ல꞉ ஷண்மாஸா உத்தராயணம் ।
தத்ர ப்ரயாதா க³ச்ச²ந்தி ப்³ரஹ்ம ப்³ரஹ்மவிதோ³ ஜநா꞉ ॥ 24 ॥

தூ⁴மோ ராத்ரிஸ்ததா² க்ருஷ்ண꞉ ஷண்மாஸா த³க்ஷிணாயநம் ।
தத்ர சாந்த்³ரமஸம் ஜ்யோதிர்யோகீ³ ப்ராப்ய நிவர்ததே ॥ 25 ॥

ஶுக்லக்ருஷ்ணே க³தீ ஹ்யேதே ஜக³த꞉ ஶாஶ்வதே மதே ।
ஏகயா யாத்யநாவ்ருத்திமந்யயா(ஆ)வர்ததே புந꞉ ॥ 26 ॥

நைதே ஸ்ருதீ பார்த² ஜாநன் யோகீ³ முஹ்யதி கஶ்சந ।
தஸ்மாத் ஸர்வேஷு காலேஷு யோக³யுக்தோ ப⁴வார்ஜுந ॥ 27 ॥

வேதே³ஷு யஜ்ஞேஷு தப꞉ஸு சைவ
தா³நேஷு யத் புண்யப²லம் ப்ரதி³ஷ்டம் ।
அத்யேதி தத்ஸர்வமித³ம் விதி³த்வா
யோகீ³ பரம் ஸ்தா²நமுபைதி சாத்³யம் ॥ 28 ॥

இதி ஶ்ரீமத்³ப⁴க³வத்³கீ³தாஸூபநிஷத்ஸு ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருஷ்ணார்ஜுநஸம்வாதே³ அக்ஷரப்³ரஹ்மயோகோ³ நாமாஷ்டமோ(அ)த்⁴யாய꞉ ॥ 8 ॥

நவமோ(அ)த்⁴யாய꞉ – ராஜவித்³யா ராஜகு³ஹ்யயோக³꞉ >>

---

ஸம்பூர்ண ஶ்ரீமத்³ப⁴க³வத்³கீ³தா பார்க்க.

Did you see any mistake/variation in the content above? Click here to report mistakes and corrections in Stotranidhi content.