Narayaneeyam Dasakam 98 – நாராயணீயம் அஷ்டனவதிதமத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → அஷ்டனவதிதமத³ஶகம்

நாராயணீயம் அஷ்டநவதிதமத³ஶகம் (98) – நிஷ்களப்³ரஹ்மோபாஸநம்

யஸ்மிந்நேதத்³விபா⁴தம் யத இத³மப⁴வத்³யேந சேத³ம் ய ஏத-
-த்³யோ(அ)ஸ்மாது³த்தீர்ணரூப꞉ க²லு ஸகலமித³ம் பா⁴ஸிதம் யஸ்ய பா⁴ஸா ।
யோ வாசாம் தூ³ரதூ³ரே புநரபி மநஸாம் யஸ்ய தே³வா முநீந்த்³ரா꞉
நோ வித்³யுஸ்தத்த்வரூபம் கிமு புநரபரே க்ருஷ்ண தஸ்மை நமஸ்தே ॥ 98-1 ॥

ஜந்மாதோ² கர்ம நாம ஸ்பு²டமிஹ கு³ணதோ³ஷாதி³கம் வா ந யஸ்மிந்
லோகாநாமூதயே ய꞉ ஸ்வயமநுப⁴ஜதே தாநி மாயாநுஸாரீ ।
பி³ப்⁴ரச்ச²க்தீரரூபோ(அ)பி ச ப³ஹுதரரூபோ(அ)வபா⁴த்யத்³பு⁴தாத்மா
தஸ்மை கைவல்யதா⁴ம்நே பரரஸபரிபூர்ணாய விஷ்ணோ நமஸ்தே ॥ 98-2 ॥

நோ திர்யஞ்சம் ந மர்த்யம் ந ச ஸுரமஸுரம் ந ஸ்த்ரியம் நோ புமாம்ஸம்
ந த்³ரவ்யம் கர்மஜாதிம் கு³ணமபி ஸத³ஸத்³வாபி தே ரூபமாஹு꞉ ।
ஶிஷ்டம் யத்ஸ்யாந்நிஷேதே⁴ ஸதி நிக³மஶதைர்லக்ஷணாவ்ருத்திதஸ்தத்
க்ருச்ச்²ரேணாவேத்³யமாநம் பரமஸுக²மயம் பா⁴தி தஸ்மை நமஸ்தே ॥ 98-3 ॥

மாயாயாம் பி³ம்பி³தஸ்த்வம் ஸ்ருஜஸி மஹத³ஹங்காரதந்மாத்ரபே⁴தை³-
-ர்பூ⁴தக்³ராமேந்த்³ரியாத்³யைரபி ஸகலஜக³த்ஸ்வப்நஸங்கல்பகல்பம் ।
பூ⁴ய꞉ ஸம்ஹ்ருத்ய ஸர்வம் கமட² இவ பதா³ந்யாத்மநா காலஶக்த்யா
க³ம்பீ⁴ரே ஜாயமாநே தமஸி விதிமிரோ பா⁴ஸி தஸ்மை நமஸ்தே ॥ 98-4 ॥

ஶப்³த³ப்³ரஹ்மேதி கர்மேத்யணுரிதி ப⁴க³வந் கால இத்யாளபந்தி
த்வாமேகம் விஶ்வஹேதும் ஸகலமயதயா ஸர்வதா² கல்ப்யமாநம் ।
வேதா³ந்தைர்யத்து கீ³தம் புருஷபரசிதா³த்மாபி⁴த⁴ம் தத்து தத்த்வம்
ப்ரேக்ஷாமாத்ரேண மூலப்ரக்ருதிவிக்ருதிக்ருத் க்ருஷ்ண தஸ்மை நமஸ்தே ॥ 98-5 ॥

ஸத்வேநாஸத்தயா வா ந ச க²லு ஸத³ஸத்வேந நிர்வாச்யரூபா
த⁴த்தே யாஸாவவித்³யா கு³ணப²ணிமதிவத்³விஶ்வத்³ருஶ்யாவபா⁴ஸம் ।
வித்³யாத்வம் ஸைவ யாதா ஶ்ருதிவசநலவைர்யத்க்ருபாஸ்யந்த³ளாபே⁴
ஸம்ஸாராரண்யஸத்³யஸ்த்ருடநபரஶுதாமேதி தஸ்மை நமஸ்தே ॥ 98-6 ॥

பூ⁴ஷாஸு ஸ்வர்ணவத்³வா ஜக³தி க⁴டஶராவாதி³கே ம்ருத்திகாவ-
-த்தத்த்வே ஸஞ்சிந்த்யமாநே ஸ்பு²ரதி தத³து⁴நாப்யத்³விதீயம் வபுஸ்தே ।
ஸ்வப்நத்³ரஷ்டு꞉ ப்ரபோ³தே⁴ திமிரளயவிதௌ⁴ ஜீர்ணரஜ்ஜோஶ்ச யத்³வ-
-த்³வித்³யாளாபே⁴ ததை²வ ஸ்பு²டமபி விகஸேத் க்ருஷ்ண தஸ்மை நமஸ்தே ॥ 98-7 ॥

யத்³பீ⁴த்யோதே³தி ஸூர்யோ த³ஹதி ச த³ஹநோ வாதி வாயுஸ்ததா²ந்யே
யத்³பீ⁴தா꞉ பத்³மஜாத்³யா꞉ புநருசிதப³லீநாஹரந்தே(அ)நுகாலம் ।
யேநைவாரோபிதா꞉ ப்ராங்நிஜபத³மபி தே ச்யாவிதாரஶ்ச பஶ்சாத்
தஸ்மை விஶ்வம் நியந்த்ரே வயமபி ப⁴வதே க்ருஷ்ண குர்ம꞉ ப்ரணாமம் ॥ 98-8 ॥

த்ரைலோக்யம் பா⁴வயந்தம் த்ரிகு³ணமயமித³ம் த்ர்யக்ஷரஸ்யைகவாச்யம்
த்ரீஶாநாமைக்யரூபம் த்ரிபி⁴ரபி நிக³மைர்கீ³யமாநஸ்வரூபம் ।
திஸ்ரோ(அ)வஸ்தா² வித³ந்தம் த்ரியுக³ஜநிஜுஷம் த்ரிக்ரமாக்ராந்தவிஶ்வம்
த்ரைகால்யே பே⁴த³ஹீநம் த்ரிபி⁴ரஹமநிஶம் யோக³பே⁴தை³ர்ப⁴ஜே த்வாம் ॥ 98-9 ॥

ஸத்யம் ஶுத்³த⁴ம் விபு³த்³த⁴ம் ஜயதி தவ வபுர்நித்யமுக்தம் நிரீஹம்
நிர்த்³வந்த்³வம் நிர்விகாரம் நிகி²லகு³ணக³ணவ்யஞ்ஜநாதா⁴ரபூ⁴தம் ।
நிர்மூலம் நிர்மலம் தந்நிரவதி⁴மஹிமோல்லாஸி நிர்லீநமந்த-
-ர்நிஸ்ஸங்கா³நாம் முநீநாம் நிருபமபரமாநந்த³ஸாந்த்³ரப்ரகாஶம் ॥ 98-10 ॥

து³ர்வாரம் த்³வாத³ஶாரம் த்ரிஶதபரிமிலத் ஷஷ்டிபர்வாபி⁴வீதம்
ஸம்ப்⁴ராம்யத் க்ரூரவேக³ம் க்ஷணமநு ஜக³தா³ச்சி²த்³ய ஸந்தா⁴வமாநம் ।
சக்ரம் தே காலரூபம் வ்யத²யது ந து மாம் த்வத்பதை³காவளம்ப³ம்
விஷ்ணோ காருண்யஸிந்தோ⁴ பவநபுரபதே பாஹி ஸர்வாமயௌகா⁴த் ॥ 98-11 ॥

இதி அஷ்டநவதிதமத³ஶகம் ஸமாப்தம் ।

---

ஸம்பூர்ண நாராயணீயம் பார்க்க.