Narayaneeyam Dasakam 86 – நாராயணீயம் ஷட³ஶீதிதமத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → ஷட³ஶீதிதமத³ஶகம்

நாராயணீயம் ஷட³ஶீதிதமத³ஶகம் (86) – ஸால்வவத⁴-மஹாபா⁴ரதயுத்³த⁴ம்

ஸால்வோ பை⁴ஷ்மீவிவாஹே யது³ப³லவிஜிதஶ்சந்த்³ரசூடா³த்³விமாநம்
விந்த³ந் ஸௌப⁴ம் ஸ மாயீ த்வயி வஸதி குரும்ஸ்த்வத்புரீமப்⁴யபா⁴ங்க்ஷீத் ।
ப்ரத்³யும்நஸ்தம் நிருந்த⁴ந் நிகி²லயது³ப⁴டைர்ந்யக்³ரஹீது³க்³ரவீர்யம்
தஸ்யாமாத்யம் த்³யுமந்தம் வ்யஜநி ச ஸமர꞉ ஸப்தவிம்ஶத்யஹாந்தம் ॥ 86-1 ॥

தாவத்த்வம் ராமஶாலீ த்வரிதமுபக³த꞉ க²ண்டி³தப்ராயஸைந்யம்
ஸௌபே⁴ஶம் தம் ந்யருந்தா⁴꞉ ஸ ச கில க³த³யா ஶார்ங்க³மப்⁴ரம்ஶயத் தே ।
மாயாதாதம் வ்யஹிம்ஸீத³பி தவ புரதஸ்தத்த்வயாபி க்ஷணார்த⁴ம்
நாஜ்ஞாயீத்யாஹுரேகே ததி³த³மவமதம் வ்யாஸ ஏவ ந்யஷேதீ⁴த் ॥ 86-2 ॥

க்ஷிப்த்வா ஸௌப⁴ம் க³தா³சூர்ணிதமுத³கநிதௌ⁴ மங்க்ஷு ஸால்வே(அ)பி சக்ரே-
-ணோத்க்ருத்தே த³ந்தவக்த்ர꞉ ப்ரஸப⁴மபி⁴பதந்நப்⁴யமுஞ்சத்³க³தா³ம் தே ।
கௌமோத³க்யா ஹதோ(அ)ஸாவபி ஸுக்ருதநிதி⁴ஶ்சைத்³யவத் ப்ராபதை³க்யம்
ஸர்வேஷாமேஷ பூர்வம் த்வயி த்⁴ருதமநஸாம் மோக்ஷணார்தோ²(அ)வதார꞉ ॥ 86-3 ॥

த்வய்யாயாதே(அ)த² ஜாதே கில குருஸத³ஸி த்³யூதகே ஸம்யதாயா꞉
க்ரந்த³ந்த்யா யாஜ்ஞஸேந்யா꞉ ஸகருணமக்ருதா²ஶ்சேலமாலாமநந்தாம் ।
அந்நாந்தப்ராப்தஶர்வாம்ஶஜமுநிசகிதத்³ரௌபதீ³சிந்திதோ(அ)த²
ப்ராப்த꞉ ஶாகாந்நமஶ்நந் முநிக³ணமக்ருதா²ஸ்த்ருப்திமந்தம் வநாந்தே ॥ 86-4 ॥

யுத்³தோ⁴த்³யோகே³(அ)த² மந்த்ரே மிலதி ஸதி வ்ருத꞉ ப²ல்கு³நேந த்வமேக꞉
கௌரவ்யே த³த்தஸைந்ய꞉ கரிபுரமக³மோ தூ³த்யக்ருத் பாண்ட³வார்த²ம் ।
பீ⁴ஷ்மத்³ரோணாதி³மாந்யே தவ க²லு வசநே தி⁴க்க்ருதே கௌரவேண
வ்யாவ்ருண்வந் விஶ்வரூபம் முநிஸத³ஸி புரீம் க்ஷோப⁴யித்வா(ஆ)க³தோ(அ)பூ⁴꞉ ॥ 86-5 ॥

ஜிஷ்ணோஸ்த்வம் க்ருஷ்ண ஸூத꞉ க²லு ஸமரமுகே² ப³ந்து⁴கா⁴தே த³யாளும்
கி²ந்நம் தம் வீக்ஷ்ய வீரம் கிமித³மயி ஸகே² நித்ய ஏகோ(அ)யமாத்மா ।
கோ வத்⁴ய꞉ கோ(அ)த்ர ஹந்தா ததி³ஹ வத⁴பி⁴யம் ப்ரோஜ்ஜ்²ய மய்யர்பிதாத்மா
த⁴ர்ம்யம் யுத்³த⁴ம் சரேதி ப்ரக்ருதிமநயதா² த³ர்ஶயந் விஶ்வரூபம் ॥ 86-6 ॥

ப⁴க்தோத்தம்ஸே(அ)த² பீ⁴ஷ்மே தவ த⁴ரணிப⁴ரக்ஷேபக்ருத்யைகஸக்தே
நித்யம் நித்யம் விபி⁴ந்த³த்யவநிப்⁴ருத³யுதம் ப்ராப்தஸாதே³ ச பார்தே² ।
நிஶ்ஶஸ்த்ரத்வப்ரதிஜ்ஞாம் விஜஹத³ரிவரம் தா⁴ரயந் க்ரோத⁴ஶாலீ-
-வாதா⁴வந் ப்ராஞ்ஜலிம் தம் நதஶிரஸமதோ² வீக்ஷ்ய மோதா³த³பாகா³꞉ ॥ 86-7 ॥

யுத்³தே⁴ த்³ரோணஸ்ய ஹஸ்திஸ்தி²ரரணப⁴க³த³த்தேரிதம் வைஷ்ணவாஸ்த்ரம்
வக்ஷஸ்யாத⁴த்த சக்ரஸ்த²கி³தரவிமஹா꞉ ப்ரார்த³யத் ஸிந்து⁴ராஜம் ।
நாகா³ஸ்த்ரே கர்ணமுக்தே க்ஷிதிமவநமயந் கேவலம் க்ருத்தமௌளிம்
தத்ரே தத்ரா(அ)பி பார்த²ம் கிமிவ ந ஹி ப⁴வாந் பாண்ட³வாநாமகார்ஷீத் ॥ 86-8 ॥

யுத்³தா⁴தௌ³ தீர்த²கா³மீ ஸ க²லு ஹலத⁴ரோ நைமிஶக்ஷேத்ரம்ருச்ச²-
-ந்நப்ரத்யுத்தா²யி ஸூதக்ஷயக்ருத³த² ஸுதம் தத்பதே³ கல்பயித்வா ।
யஜ்ஞக்⁴நம் ப³ல்வலம் பர்வணி பரித³ளயந் ஸ்நாததீர்தோ² ரணாந்தே
ஸம்ப்ராப்தோ பீ⁴மது³ர்யோத⁴நரணமஶமம் வீக்ஷ்ய யாத꞉ புரீம் தே ॥ 86-9 ॥

ஸம்ஸுப்தத்³ரௌபதே³யக்ஷபணஹததி⁴யம் த்³ரௌணிமேத்ய த்வது³க்த்யா
தந்முக்தம் ப்³ராஹ்மமஸ்த்ரம் ஸமஹ்ருத விஜயோ மௌளிரத்நம் ச ஜஹ்ரே ।
உச்சி²த்த்யை பாண்ட³வாநாம் புநரபி ச விஶத்யுத்தராக³ர்ப⁴மஸ்த்ரே
ரக்ஷந்நங்கு³ஷ்ட²மாத்ர꞉ கில ஜட²ரமகா³ஶ்சக்ரபாணிர்விபோ⁴ த்வம் ॥ 86-10 ॥

த⁴ர்மௌக⁴ம் த⁴ர்மஸூநோரபி⁴த³த⁴த³கி²லம் ச²ந்த³ம்ருத்யு꞉ ஸ பீ⁴ஷ்ம-
-ஸ்த்வாம் பஶ்யந் ப⁴க்திபூ⁴ம்நைவ ஹி ஸபதி³ யயௌ நிஷ்களப்³ரஹ்மபூ⁴யம் ।
ஸம்யாஜ்யாதா²ஶ்வமேதை⁴ஸ்த்ரிபி⁴ரதிமஹிதைர்த⁴ர்மஜம் பூர்ணகாமம்
ஸம்ப்ராப்தோ த்³வாரகாம் த்வம் பவநபுரபதே பாஹி மாம் ஸர்வரோகா³த் ॥ 86-11 ॥

இதி ஷட³ஶீதிதமத³ஶகம் ஸமாப்தம் ।

---

ஸம்பூர்ண நாராயணீயம் பார்க்க.