Narayaneeyam Dasakam 82 – நாராயணீயம் த்³வ்யஶீதிதமத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → த்³வ்யஶீதிதமத³ஶகம்

நாராயணீயம் த்³வ்யஶீதிதமத³ஶகம் (82) – பா³ணாஸுரயுத்³த⁴ம் ததா² ந்ருக³ஶாபமோக்ஷம்

ப்ரத்³யும்நோ ரௌக்மிணேய꞉ ஸ க²லு தவ கலா ஶம்ப³ரேணாஹ்ருதஸ்தம்
ஹத்வா ரத்யா ஸஹாப்தோ நிஜபுரமஹரத்³ருக்மிகந்யாம் ச த⁴ந்யாம் ।
தத்புத்ரோ(அ)தா²நிருத்³தோ⁴ கு³ணநிதி⁴ரவஹத்³ரோசநாம் ருக்மிபௌத்ரீம்
தத்ரோத்³வாஹே க³தஸ்த்வம் ந்யவதி⁴ முஸலிநா ருக்ம்யபி த்³யூதவைராத் ॥ 82-1 ॥

பா³ணஸ்ய ஸா ப³லிஸுதஸ்ய ஸஹஸ்ரபா³ஹோ-
-ர்மாஹேஶ்வரஸ்ய மஹிதா து³ஹிதா கிலோஷா ।
த்வத்பௌத்ரமேநமநிருத்³த⁴மத்³ருஷ்டபூர்வம்
ஸ்வப்நே(அ)நுபூ⁴ய ப⁴க³வந் விரஹாதுரா(அ)பூ⁴த் ॥ 82-2 ॥

யோகி³ந்யதீவ குஶலா க²லு சித்ரளேகா²
தஸ்யா꞉ ஸகீ² விளிக²தீ தருணாநஶேஷாந் ।
தத்ராநிருத்³த⁴முஷயா விதி³தம் நிஶாயா-
-மாநேஷ்ட யோக³ப³லதோ ப⁴வதோ நிகேதாத் ॥ 82-3 ॥

கந்யாபுரே த³யிதயா ஸுக²மாரமந்தம்
சைநம் கத²ஞ்சந ப³ப³ந்து⁴ஷி ஶர்வப³ந்தௌ⁴ ।
ஶ்ரீநாரதோ³க்ததது³த³ந்தது³ரந்தரோஷை-
-ஸ்த்வம் தஸ்ய ஶோணிதபுரம் யது³பி⁴ர்ந்யருந்தா⁴꞉ ॥ 82-4 ॥

புரீபால꞉ ஶைலப்ரியது³ஹித்ருநாதோ²(அ)ஸ்ய ப⁴க³வாந்
ஸமம் பூ⁴தவ்ராதைர்யது³ப³லமஶங்கம் நிருருதே⁴ ।
மஹாப்ராணோ பா³ணோ ஜ²டிதி யுயுதா⁴நேந யுயுதே⁴
கு³ஹ꞉ ப்ரத்³யும்நேந த்வமபி புரஹந்த்ரா ஜக⁴டிஷே ॥ 82-5 ॥

நிருத்³தா⁴ஶேஷாஸ்த்ரே முமுஹுஷி தவாஸ்த்ரேண கி³ரிஶே
த்³ருதா பூ⁴தா பீ⁴தா꞉ ப்ரமத²குலவீரா꞉ ப்ரமதி²தா꞉ ।
பராஸ்கந்த³த் ஸ்கந்த³꞉ குஸுமஶரபா³ணைஶ்ச ஸசிவ꞉
ஸ கும்பா⁴ண்டோ³ பா⁴ண்ட³ம் நவமிவ ப³லேநாஶு பி³பி⁴தே³ ॥ 82-6 ॥

சாபாநாம் பஞ்சஶத்யா ப்ரஸப⁴முபக³தே சி²ந்நசாபே(அ)த² பா³ணே
வ்யர்தே² யாதே ஸமேதோ ஜ்வரபதிரஶநைரஜ்வரி த்வஜ்ஜ்வரேண ।
ஜ்ஞாநீ ஸ்துத்வாத² த³த்த்வா தவ சரிதஜுஷாம் விஜ்வரம் ஸ ஜ்வரோ(அ)கா³த்
ப்ராயோ(அ)ந்தர்ஜ்ஞாநவந்தோ(அ)பி ச ப³ஹுதமஸா ரௌத்³ரசேஷ்டா ஹி ரௌத்³ரா꞉ ॥ 82-7 ॥

பா³ணம் நாநாயுதோ⁴க்³ரம் புநரபி⁴பதிதம் த³ர்பதோ³ஷாத்³விதந்வந்
நிர்லூநாஶேஷதோ³ஷம் ஸபதி³ பு³பு³து⁴ஷா ஶங்கரேணோபகீ³த꞉ ।
தத்³வாசா ஶிஷ்டபா³ஹுத்³விதயமுப⁴யதோ நிர்ப⁴யம் தத்ப்ரியம் தம்
முக்த்வா தத்³த³த்தமாநோ நிஜபுரமக³ம꞉ ஸாநிருத்³த⁴꞉ ஸஹோஷ꞉ ॥ 82-8 ॥

முஹுஸ்தாவச்ச²க்ரம் வருணமஜயோ நந்த³ஹரணே
யமம் பா³லாநீதௌ த³வத³ஹநபாநே(அ)நிலஸக²ம் ।
விதி⁴ம் வத்ஸஸ்தேயே கி³ரிஶமிஹ பா³ணஸ்ய ஸமரே
விபோ⁴ விஶ்வோத்கர்ஷீ தத³யமவதாரோ ஜயதி தே ॥ 82-9 ॥

த்³விஜருஷா க்ருகலாஸவபுர்த⁴ரம்
ந்ருக³ந்ருபம் த்ரிதி³வாலயமாபயந் ।
நிஜஜநே த்³விஜப⁴க்திமநுத்தமா-
-முபதி³ஶந் பவநேஶ்வர பாஹி மாம் ॥ 82-10 ॥

இதி த்³வ்யஶீதிதமத³ஶகம் ஸமாப்தம் ।

---

ஸம்பூர்ண நாராயணீயம் பார்க்க.