Narayaneeyam Dasakam 43 – நாராயணீயம் த்ரிசத்வாரிம்ஶத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → த்ரிசத்வாரிம்ஶத³ஶகம்

நாராயணீயம் த்ரிசத்வாரிம்ஶத³ஶகம் (43) – த்ருணாவர்தவத⁴

த்வாமேகதா³ கு³ருமருத்புரநாத² வோடு⁴ம்
கா³டா⁴தி⁴ரூட⁴க³ரிமாணமபாரயந்தீ ।
மாதா நிதா⁴ய ஶயநே கிமித³ம் ப³தேதி
த்⁴யாயந்த்யசேஷ்டத க்³ருஹேஷு நிவிஷ்டஶங்கா ॥ 43-1 ॥

தாவத்³விதூ³ரமுபகர்ணிதகோ⁴ரகோ⁴ஷ-
-வ்யாஜ்ரும்பி⁴பாம்ஸுபடலீபரிபூரிதாஶ꞉ ।
வாத்யாவபு꞉ ஸ கில தை³த்யவரஸ்த்ருணாவ-
-ர்தாக்²யோ ஜஹார ஜநமாநஸஹாரிணம் த்வாம் ॥ 43-2 ॥

உத்³தா³மபாம்ஸுதிமிராஹ்ருதத்³ருஷ்டிபாதே
த்³ரஷ்டும் கிமப்யகுஶலே பஶுபாலலோகே ।
ஹா பா³லகஸ்ய கிமிதி த்வது³பாந்தமாப்தா
மாதா ப⁴வந்தமவிளோக்ய ப்⁴ருஶம் ருரோத³ ॥ 43-3 ॥

தாவத் ஸ தா³நவவரோ(அ)பி ச தீ³நமூர்தி-
-ர்பா⁴வத்கபா⁴ரபரிதா⁴ரணலூநவேக³꞉ ।
ஸங்கோசமாப தத³நு க்ஷதபாம்ஸுகோ⁴ஷே
கோ⁴ஷே வ்யதாயத ப⁴வஜ்ஜநநீநிநாத³꞉ ॥ 43-4 ॥

ரோதோ³பகர்ணநவஶாது³பக³ம்ய கே³ஹம்
க்ரந்த³த்ஸு நந்த³முக²கோ³பகுலேஷு தீ³ந꞉ ।
த்வாம் தா³நவஸ்த்வகி²லமுக்திகரம் முமுக்ஷு-
-ஸ்த்வய்யப்ரமுஞ்சதி பபாத வியத்ப்ரதே³ஶாத் ॥ 43-5 ॥

ரோதா³குலாஸ்தத³நு கோ³பக³ணா ப³ஹிஷ்ட²-
-பாஷாணப்ருஷ்ட²பு⁴வி தே³ஹமதிஸ்த²விஷ்ட²ம் ।
ப்ரைக்ஷந்த ஹந்த நிபதந்தமமுஷ்யவக்ஷ-
-ஸ்யக்ஷீணமேவ ச ப⁴வந்தமலம் ஹஸந்தம் ॥ 43-6 ॥

க்³ராவப்ரபாதபரிபிஷ்டக³ரிஷ்ட²தே³ஹ-
-ப்⁴ரஷ்டாஸுது³ஷ்டத³நுஜோபரி த்⁴ருஷ்டஹாஸம் ।
ஆக்⁴நாநமம்பு³ஜகரேண ப⁴வந்தமேத்ய
கோ³பா த³து⁴ர்கி³ரிவராதி³வ நீலரத்நம் ॥ 43-7 ॥

ஏகைகமாஶு பரிக்³ருஹ்ய நிகாமநந்த³-
-ந்நந்தா³தி³கோ³பபரிரப்³த⁴விசும்பி³தாங்க³ம் ।
ஆதா³துகாமபரிஶங்கிதகோ³பநாரீ-
-ஹஸ்தாம்பு³ஜப்ரபதிதம் ப்ரணுமோ ப⁴வந்தம் ॥ 43-8 ॥

பூ⁴யோ(அ)பி கிந்நு க்ருணும꞉ ப்ரணதார்திஹாரீ
கோ³விந்த³ ஏவ பரிபாலயதாத் ஸுதம் ந꞉ ।
இத்யாதி³ மாதரபித்ருப்ரமுகை²ஸ்ததா³நீம்
ஸம்ப்ரார்தி²தஸ்த்வத³வநாய விபோ⁴ த்வமேவ ॥ 43-9 ॥

வாதாத்மகம் த³நுஜமேவமயி ப்ரதூ⁴ந்வந்
வாதோத்³ப⁴வாந் மம க³தா³ந் கிமு நோ து⁴நோஷி ।
கிம் வா கரோமி புநரப்யநிலாலயேஶ
நிஶ்ஶேஷரோக³ஶமநம் முஹுரர்த²யே த்வாம் ॥ 43-10 ॥

இதி த்ரிசத்வாரிம்ஶத³ஶகம் ஸமாப்தம் ।

---

ஸம்பூர்ண நாராயணீயம் பார்க்க.