Narayaneeyam Dasakam 42 – நாராயணீயம் த்³விசத்வாரிம்ஶத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → த்³விசத்வாரிம்ஶத³ஶகம்

நாராயணீயம் த்³விசத்வாரிம்ஶத³ஶகம் (42) – ஶகடாஸுரவத⁴

கதா³பி ஜந்மர்க்ஷதி³நே தவ ப்ரபோ⁴
நிமந்த்ரிதஜ்ஞாதிவதூ⁴மஹீஸுரா ।
மஹாநஸஸ்த்வாம் ஸவிதே⁴ நிதா⁴ய ஸா
மஹாநஸாதௌ³ வவ்ருதே வ்ரஜேஶ்வரீ ॥ 42-1 ॥

ததோ ப⁴வத்த்ராணநியுக்தபா³லக-
-ப்ரபீ⁴திஸங்க்ரந்த³நஸங்குலாரவை꞉ ।
விமிஶ்ரமஶ்ராவி ப⁴வத்ஸமீபத꞉
பரிஸ்பு²டத்³தா³ருசடச்சடாரவ꞉ ॥ 42-2 ॥

ததஸ்ததா³கர்ணநஸம்ப்⁴ரமஶ்ரம-
-ப்ரகம்பிவக்ஷோஜப⁴ரா வ்ரஜாங்க³நா꞉ ।
ப⁴வந்தமந்தர்த³த்³ருஶு꞉ ஸமந்ததோ
விநிஷ்பதத்³தா³ருணதா³ருமத்⁴யக³ம் ॥ 42-3 ॥

ஶிஶோரஹோ கிம் கிமபூ⁴தி³தி த்³ருதம்
ப்ரதா⁴வ்ய நந்த³꞉ பஶுபாஶ்ச பூ⁴ஸுரா꞉ ।
ப⁴வந்தமாலோக்ய யஶோத³யா த்⁴ருதம்
ஸமாஶ்வஸந்நஶ்ருஜலார்த்³ரளோசநா꞉ ॥ 42-4 ॥

கஸ்கோ நு கௌதஸ்குத ஏஷ விஸ்மயோ
விஶங்கடம் யச்ச²கடம் விபாடிதம் ।
ந காரணம் கிஞ்சிதி³ஹேதி தே ஸ்தி²தா꞉
ஸ்வநாஸிகாத³த்தகராஸ்த்வதீ³க்ஷகா꞉ ॥ 42-5 ॥

குமாரகஸ்யாஸ்ய பயோத⁴ரார்தி²ந꞉
ப்ரரோத³நே லோலபதா³ம்பு³ஜாஹதம் ।
மயா மயா த்³ருஷ்டமநோ விபர்யகா³-
-தி³தீஶ தே பாலகபா³லகா ஜகு³꞉ ॥ 42-6 ॥

பி⁴யா ததா³ கிஞ்சித³ஜாநதாமித³ம்
குமாரகாணாமதிது³ர்க⁴டம் வச꞉ ।
ப⁴வத் ப்ரபா⁴வாவிது³ரைரிதீரிதம்
மநாகி³வாஶங்க்யத த்³ருஷ்டபூதநை꞉ ॥ 42-7 ॥

ப்ரவாளதாம்ரம் கிமித³ம் பத³ம் க்ஷதம்
ஸரோஜரம்யௌ நு கரௌ விராஜிதௌ ।
இதி ப்ரஸர்பத்கருணாதரங்கி³தா-
ஸ்த்வத³ங்க³மாபஸ்ப்ருஶுரங்க³நாஜநா꞉ ॥ 42-8 ॥

அயே ஸுதம் தே³ஹி ஜக³த்பதே꞉ க்ருபா-
-தரங்க³பாதாத்பரிபாதமத்³ய மே ।
இதி ஸ்ம ஸங்க்³ருஹ்ய பிதா த்வத³ங்க³கம்
முஹுர்முஹு꞉ ஶ்லிஷ்யதி ஜாதகண்டக꞉ ॥ 42-9 ॥

அநோநிலீந꞉ கில ஹந்துமாக³த꞉
ஸுராரிரேவம் ப⁴வதா விஹிம்ஸித꞉ ।
ரஜோ(அ)பி நோ த்³ருஷ்டமமுஷ்ய தத்கத²ம்
ஸ ஶுத்³த⁴ஸத்த்வே த்வயி லீநவாந் த்⁴ருவம் ॥ 42-10 ॥

ப்ரபூஜிதைஸ்தத்ர ததோ த்³விஜாதிபி⁴-
-ர்விஶேஷதோ லம்பி⁴தமங்க³ளாஶிஷ꞉ ।
வ்ரஜம் நிஜைர்பா³ல்யரஸைர்விமோஹயந்
மருத்புராதீ⁴ஶ ருஜாம் ஜஹீஹி மே ॥ 42-11 ॥

இதி த்³விசத்வாரிம்ஶத³ஶகம் ஸமாப்தம் ।

---

ஸம்பூர்ண நாராயணீயம் பார்க்க.