Narayaneeyam Dasakam 29 – நாராயணீயம் ஏகோனத்ரிம்ஶத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → ஏகோனத்ரிம்ஶத³ஶகம்

நாராயணீயம் ஏகோனத்ரிம்ஶத³ஶகம் (29) – மோஹின்யவதாரம் ஆதி³

உத்³க³ச்ச²தஸ்தவ கராத³ம்ருதம் ஹரத்ஸு
தை³த்யேஷு தானஶரணானனுனீய தே³வான் ।
ஸத்³யஸ்திரோத³தி⁴த² தே³வ ப⁴வத்ப்ரபா⁴வா-
-து³த்³யத்ஸ்வயூத்²யகலஹா தி³திஜா ப³பூ⁴வு꞉ ॥ 29-1 ॥

ஶ்யாமாம் ருசா(அ)பி வயஸா(அ)பி தனும் ததா³னீம்
ப்ராப்தோ(அ)ஸி துங்க³குசமண்ட³லப⁴ங்கு³ராம் த்வம் ।
பீயூஷகும்ப⁴கலஹம் பரிமுச்ய ஸர்வே
த்ருஷ்ணாகுலா꞉ ப்ரதியயுஸ்த்வது³ரோஜகும்பே⁴ ॥ 29-2 ॥

கா த்வம் ம்ருகா³க்ஷி விப⁴ஜஸ்வ ஸுதா⁴மிமாமி-
-த்யாரூட⁴ராக³விவஶானபி⁴யாசதோ(அ)மூன் ।
விஶ்வஸ்யதே மயி கத²ம் குலடாஸ்மி தை³த்யா
இத்யாளபன்னபி ஸுவிஶ்வஸிதானதானீ꞉ ॥ 29-3 ॥

மோதா³த்ஸுதா⁴கலஶமேஷு த³த³த்ஸு ஸா த்வம்
து³ஶ்சேஷ்டிதம் மம ஸஹத்⁴வமிதி ப்³ருவாணா ।
பங்க்திப்ரபே⁴த³விநிவேஶிததே³வதை³த்யா
லீலாவிளாஸக³திபி⁴꞉ ஸமதா³꞉ ஸுதா⁴ம் தாம் ॥ 29-4 ॥

அஸ்மாஸ்வியம் ப்ரணயினீத்யஸுரேஷு தேஷு
ஜோஷம் ஸ்தி²தேஷ்வத² ஸமாப்ய ஸுதா⁴ம் ஸுரேஷு ।
த்வம் ப⁴க்தலோகவஶகோ³ நிஜரூபமேத்ய
ஸ்வர்பா⁴னுமர்த⁴பரிபீதஸுத⁴ம் வ்யலாவீ꞉ ॥ 29-5 ॥

த்வத்த꞉ ஸுதா⁴ஹரணயோக்³யப²லம் பரேஷு
த³த்த்வா க³தே த்வயி ஸுரை꞉ க²லு தே வ்யக்³ருஹ்ணன் ।
கோ⁴ரே(அ)த² மூர்ச²தி ரணே ப³லிதை³த்யமாயா-
-வ்யாமோஹிதே ஸுரக³ணே த்வமிஹாவிராஸீ꞉ ॥ 29-6 ॥

த்வம் காலனேமிமத² மாலிமுகா²ன் ஜக⁴ந்த²
ஶக்ரோ ஜகா⁴ன ப³லிஜம்ப⁴வலான் ஸபாகான் ।
ஶுஷ்கார்த்³ரது³ஷ்கரவதே⁴ நமுசௌ ச லூனே
பே²னேன நாரத³கி³ரா ந்யருணோ ரணம் த்வம் ॥ 29-7 ॥

யோஷாவபுர்த³னுஜமோஹனமாஹிதம் தே
ஶ்ருத்வா விளோகனகுதூஹலவான் மஹேஶ꞉ ।
பூ⁴தை꞉ ஸமம் கி³ரிஜயா ச க³த꞉ பத³ம் தே
ஸ்துத்வா(அ)ப்³ரவீத³பி⁴மதம் த்வமதோ² திரோதா⁴꞉ ॥ 29-8 ॥

ஆராமஸீமனி ச கந்து³ககா⁴தலீலா-
-லோலாயமானநயனாம் கமனீம் மனோஜ்ஞாம் ।
த்வாமேஷ வீக்ஷ்ய விக³ளத்³வஸனாம் மனோபூ⁴-
-வேகா³த³னங்க³ரிபுரங்க³ ஸமாலிலிங்க³ ॥ 29-9 ॥

பூ⁴யோ(அ)பி வித்³ருதவதீமுபதா⁴வ்ய தே³வோ
வீர்யப்ரமோக்ஷவிகஸத்பரமார்த²போ³த⁴꞉ ।
த்வன்மானிதஸ்தவ மஹத்த்வமுவாச தே³வ்யை
தத்தாத்³ருஶஸ்த்வமவ வாதநிகேதநாத² ॥ 29-10 ॥

இதி ஏகோனத்ரிம்ஶத³ஶகம் ஸமாப்தம் ॥

---

ஸம்பூர்ண நாராயணீயம் பார்க்க.