Narayaneeyam Dasakam 100 – நாராயணீயம் ஶததமத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → ஶததமத³ஶகம்

நாராயணீயம் ஶததமத³ஶகம் (100) – ப⁴க³வத꞉ கேஶாதி³பாத³வர்ணநம்

அக்³ரே பஶ்யாமி தேஜோ நிபி³ட³தரகலாயாவளீலோப⁴நீயம்
பீயூஷாப்லாவிதோ(அ)ஹம் தத³நு தது³த³ரே தி³வ்யகைஶோரவேஷம் ।
தாருண்யாரம்ப⁴ரம்யம் பரமஸுக²ரஸாஸ்வாத³ரோமாஞ்சிதாங்கை³-
-ராவீதம் நாரதா³த்³யைவிளஸது³பநிஷத்ஸுந்த³ரீமண்ட³லைஶ்ச ॥ 100-1 ॥

நீலாப⁴ம் குஞ்சிதாக்³ரம் க⁴நமமலதரம் ஸம்யதம் சாருப⁴ங்க்³யா
ரத்நோத்தம்ஸாபி⁴ராமம் வலயிதமுத³யச்சந்த்³ரகை꞉ பிஞ்ச²ஜாலை꞉ ।
மந்தா³ரஸ்ரங்நிவீதம் தவ ப்ருது²கப³ரீபா⁴ரமாலோகயே(அ)ஹம்
ஸ்நிக்³த⁴ஶ்வேதோர்த்⁴வபுண்ட்³ராமபி ச ஸுலலிதாம் பா²லபா³லேந்து³வீதீ²ம் ॥ 100-2 ॥

ஹ்ருத்³யம் பூர்ணாநுகம்பார்ணவம்ருது³ளஹரீசஞ்சலத்³ப்⁴ரூவிளாஸை-
-ராநீலஸ்நிக்³த⁴பக்ஷ்மாவளிபரிலஸிதம் நேத்ரயுக்³மம் விபோ⁴ தே ।
ஸாந்த்³ரச்சா²யம் விஶாலாருணகமலத³ளாகாரமாமுக்³த⁴தாரம்
காருண்யாளோகலீலாஶிஶிரிதபு⁴வநம் க்ஷிப்யதாம் மய்யநாதே² ॥ 100-3 ॥

உத்துங்கோ³ள்லாஸிநாஸம் ஹரிமணிமுகுரப்ரோல்லஸத்³க³ண்ட³பாலீ-
-வ்யாளோலத்கர்ணபாஶாஞ்சிதமகரமணீகுண்ட³லத்³வந்த்³வதீ³ப்ரம் ।
உந்மீலத்³த³ந்தபங்க்திஸ்பு²ரத³ருணதரச்சா²யபி³ம்பா³த⁴ராந்த꞉
ப்ரீதிப்ரஸ்யந்தி³மந்த³ஸ்மிதமது⁴ரதரம் வக்த்ரமுத்³பா⁴ஸதாம் மே ॥ 100-4 ॥

பா³ஹுத்³வந்த்³வேந ரத்நோஜ்ஜ்வலவலயப்⁴ருதா ஶோணபாணிப்ரவாளே-
-நோபாத்தாம் வேணுநாலீம் ப்ரஸ்ருதநக²மயூகா²ங்கு³ளீஸங்க³ஶாராம் ।
க்ருத்வா வக்த்ராரவிந்தே³ ஸுமது⁴ரவிகஸத்³ராக³முத்³பா⁴வ்யமாநை꞉
ஶப்³த³ப்³ரஹ்மாம்ருதைஸ்த்வம் ஶிஶிரிதபு⁴வநை꞉ ஸிஞ்ச மே கர்ணவீதீ²ம் ॥ 100-5 ॥

உத்ஸர்பத் கௌஸ்துப⁴ஶ்ரீததிபி⁴ரருணிதம் கோமளம் கண்ட²தே³ஶம்
வக்ஷ꞉ ஶ்ரீவத்ஸரம்யம் தரளதரஸமுத்³தீ³ப்ரஹாரப்ரதாநம் ।
நாநாவர்ணப்ரஸூநாவளிகிஸலயிநீம் வந்யமாலாம் விளோல-
-ல்லோலம்பா³ம் லம்ப³மாநாமுரஸி தவ ததா² பா⁴வயே ரத்நமாலாம் ॥ 100-6 ॥

அங்கே³ பஞ்சாங்க³ராகை³ரதிஶயவிகஸத் ஸௌரபா⁴க்ருஷ்டலோகம்
லீநாநேகத்ரிலோகீவிததிமபி க்ருஶாம் பி³ப்⁴ரதம் மத்⁴யவல்லீம் ।
ஶக்ராஶ்மந்யஸ்ததப்தோஜ்ஜ்வலகநகநிப⁴ம் பீதசேலம் த³தா⁴நம்
த்⁴யாயாமோ தீ³ப்தரஶ்மிஸ்பு²டமணிரஶநாகிங்கிணீமண்டி³தம் த்வாம் ॥ 100-7 ॥

ஊரூ சாரூ தவோரூ க⁴நமஸ்ருணருசௌ சித்தசோரௌ ரமாயா꞉
விஶ்வக்ஷோப⁴ம் விஶங்க்ய த்⁴ருவமநிஶமுபௌ⁴ பீதசேலாவ்ருதாங்கௌ³ ।
ஆநம்ராணாம் புரஸ்தாந்ந்யஸநத்⁴ருதஸமஸ்தார்த²பாலீஸமுத்³க³-
-ச்சா²யம் ஜாநுத்³வயம் ச க்ரமப்ருது²லமநோஜ்ஞே ச ஜங்கே⁴ நிஷேவே ॥ 100-8 ॥

மஞ்ஜீரம் மஞ்ஜுநாதை³ரிவ பத³ப⁴ஜநம் ஶ்ரேய இத்யாளபந்தம்
பாதா³க்³ரம் ப்⁴ராந்திமஜ்ஜத் ப்ரணதஜநமநோமந்த³ரோத்³தா⁴ரகூர்மம் ।
உத்துங்கா³தாம்ரராஜந்நக²ரஹிமகரஜ்யோத்ஸ்நயா சா(ஆ)ஶ்ரிதாநாம்
ஸந்தாபத்⁴வாந்தஹந்த்ரீம் ததிமநுகலயே மங்க³ளாமங்கு³ளீநாம் ॥ 100-9 ॥

யோகீ³ந்த்³ராணாம் த்வத³ங்கே³ஷ்வதி⁴கஸுமது⁴ரம் முக்திபா⁴ஜாம் நிவாஸோ
ப⁴க்தாநாம் காமவர்ஷத்³யுதருகிஸலயம் நாத² தே பாத³மூலம் ।
நித்யம் சித்தஸ்தி²தம் மே பவநபுரபதே க்ருஷ்ண காருண்யஸிந்தோ⁴
ஹ்ருத்வா நிஶ்ஶேஷதாபாந் ப்ரதி³ஶது பரமாநந்த³ஸந்தோ³ஹலக்ஷ்மீம் ॥ 100-10 ॥

அஜ்ஞாத்வா தே மஹத்த்வம் யதி³ஹ நிக³தி³தம் விஶ்வநாத² க்ஷமேதா²꞉
ஸ்தோத்ரம் சைதத் ஸஹஸ்ரோத்தரமதி⁴கதரம் த்வத்ப்ரஸாதா³ய பூ⁴யாத் ।
த்³வேதா⁴ நாராயணீயம் ஶ்ருதிஷு ச ஜநுஷா ஸ்துத்யதாவர்ணநேந
ஸ்பீ²தம் லீலாவதாரைரித³மிஹ குருதாமாயுராரோக்³யஸௌக்²யம் ॥ 100-11 ॥

இதி ஶததமத³ஶகம் ஸமாப்தம் ।

இதி மேல்பத்தூர் ஶ்ரீநாராயணப⁴ட்டதிரிவர்யவிரசிதம் நாராயணீயம் ஸ்தோத்ரம் ஸமாப்தம் ॥

---

ஸம்பூர்ண நாராயணீயம் பார்க்க.