Kishkindha Kanda Sarga 14 – கிஷ்கிந்தா⁴காண்ட³ சதுர்த³ஶ꞉ ஸர்க³꞉ (14)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ சதுர்த³ஶ꞉ ஸர்க³꞉ (14)

॥ ஸுக்³ரீவக³ர்ஜநம் ॥

ஸர்வே தே த்வரிதம் க³த்வா கிஷ்கிந்தா⁴ம் வாலிபாலிதாம் ।
வ்ருக்ஷைராத்மாநமாவ்ருத்ய வ்யதிஷ்ட²ந் க³ஹநே வநே ॥ 1 ॥

விஸார்ய ஸர்வதோ த்³ருஷ்டிம் காநநே காநநப்ரிய꞉ । [விசார்ய]
ஸுக்³ரீவோ விபுலக்³ரீவ꞉ க்ரோத⁴மாஹாரயத்³ப்⁴ருஶம் ॥ 2 ॥

தத꞉ ஸ நிநத³ம் கோ⁴ரம் க்ருத்வா யுத்³தா⁴ய சாஹ்வயத் ॥
பரிவாரை꞉ பரிவ்ருதோ நாதை³ர்பி⁴ந்த³ந்நிவாம்ப³ரம் ॥ 3 ॥

க³ர்ஜந்நிவ மஹாமேகோ⁴ வாயுவேக³புரஸ்ஸர꞉ ।
அத² பா³லார்கஸத்³ருஶோ த்³ருப்தஸிம்ஹக³திஸ்ததா³ ॥ 4 ॥

த்³ருஷ்ட்வா ராமம் க்ரியாத³க்ஷம் ஸுக்³ரீவோ வாக்யமப்³ரவீத் ।
ஹரிவாகு³ரயா வ்யாப்தாம் தப்தகாஞ்சநதோரணாம் ॥ 5 ॥

ப்ராப்த꞉ ஸ்ம த்⁴வஜயந்த்ராட்⁴யாம் கிஷ்கிந்தா⁴ம் வாலிந꞉ புரீம் ।
ப்ரதிஜ்ஞா யா த்வயா வீர க்ருதா வாலிவதே⁴ புரா ॥ 6 ॥

ஸப²லாம் தாம் குரு க்ஷிப்ரம் லதாம் கால இவாக³த꞉ ।
ஏவமுக்தஸ்து த⁴ர்மாத்மா ஸுக்³ரீவேண ஸ ராக⁴வ꞉ ॥ 7 ॥

தமதோ²வாச ஸுக்³ரீவம் வசநம் ஶத்ருஸூத³ந꞉ ।
க்ருதாபி⁴ஜ்ஞாநசிஹ்நஸ்த்வமநயா க³ஜஸாஹ்வயா ॥ 8 ॥

லக்ஷ்மணேந ஸமுத்பாட்ய யைஷா கண்டே² க்ருதா தவ ।
ஶோப⁴ஸே ஹ்யதி⁴கம் வீர லதயா கண்ட²ஸக்தயா ॥ 9 ॥

விபரீத இவாகாஶே ஸூர்யோ நக்ஷத்ரமாலயா ।
அத்³ய வாலிஸமுத்த²ம் தே ப⁴யம் வைரம் ச வாநர ॥ 10 ॥

ஏகேநாஹம் ப்ரமோக்ஷ்யாமி பா³ணமோக்ஷேண ஸம்யுகே³ ।
மம த³ர்ஶய ஸுக்³ரீவ வைரிணம் ப்⁴ராத்ருரூபிணம் ॥ 11 ॥

வாலீ விநிஹதோ யாவத்³வநே பாம்ஸுஷு வேஷ்டதே ।
யதி³ த்³ருஷ்டிபத²ம் ப்ராப்தோ ஜீவந் ஸ விநிவர்ததே ॥ 12 ॥

ததோ தோ³ஷேண மா க³ச்சே²த் ஸத்³யோ க³ர்ஹேச்ச மா ப⁴வாந் ।
ப்ரத்யக்ஷம் ஸப்த தே ஸாலா மயா பா³ணேந தா³ரிதா꞉ ॥ 13 ॥

தேநாவேஹி ப³லேநாத்³ய வாலிநம் நிஹதம் மயா ।
அந்ருதம் நோக்தபூர்வம் மே வீர க்ருச்ச்²ரே(அ)பி திஷ்ட²தா ॥ 14 ॥

த⁴ர்மலோப⁴பரீதேந ந ச வக்ஷ்யே கத²ஞ்சந ।
ஸப²லாம் ச கரிஷ்யாமி ப்ரதிஜ்ஞாம் ஜஹி ஸம்ப்⁴ரமம் ॥ 15 ॥

ப்ரஸூதம் கலமம் க்ஷேத்ரே வர்ஷேணேவ ஶதக்ரது꞉ ।
ததா³ஹ்வாநநிமித்தம் த்வம் வாலிநோ ஹேமமாலிந꞉ ॥ 16 ॥

ஸுக்³ரீவ குரு தம் ஶப்³த³ம் நிஷ்பதேத்³யேந வாநர꞉ ।
ஜிதகாஶீ ப³லஶ்லாகீ⁴ த்வயா சாத⁴ர்ஷித꞉ புரா ॥ 17 ॥

நிஷ்பதிஷ்யத்யஸங்கே³ந வாலீ ஸ ப்ரியஸம்யுக³꞉ ।
ரிபூணாம் த⁴ர்ஷணம் ஶூரா மர்ஷயந்தி ந ஸம்யுகே³ ॥ 18 ॥

ஜாநந்தஸ்து ஸ்வகம் வீர்யம் ஸ்த்ரீஸமக்ஷம் விஶேஷத꞉ ।
ஸ து ராமவச꞉ ஶ்ருத்வா ஸுக்³ரீவோ ஹேமபிங்க³ள꞉ ॥ 19 ॥

நநர்த³ க்ரூரநாதே³ந விநிர்பி⁴ந்த³ந்நிவாம்ப³ரம் ।
தஸ்ய ஶப்³தே³ந வித்ரஸ்தா கா³வோ யாந்தி ஹதப்ரபா⁴꞉ ॥ 20 ॥

ராஜதோ³ஷபராம்ருஷ்டா꞉ குலஸ்த்ரிய இவாகுலா꞉ ।
த்³ரவந்தி ச ம்ருகா³꞉ ஶீக்⁴ரம் ப⁴க்³நா இவ ரணே ஹயா꞉ ।
பதந்தி ச க²கா³ பூ⁴மௌ க்ஷீணபுண்யா இவ க்³ரஹா꞉ ॥ 21 ॥

தத꞉ ஸ ஜீமூதக³ணப்ரணாதோ³
நாத³ம் ஹ்யமுஞ்சத்த்வரயா ப்ரதீத꞉ ।
ஸூர்யாத்மஜ꞉ ஶௌர்யவிவ்ருத்³த⁴தேஜா꞉
ஸரித்பதிர்வா(அ)நிலசஞ்சலோர்மி꞉ ॥ 22 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ சதுர்த³ஶ꞉ ஸர்க³꞉ ॥ 14 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.