Read in తెలుగు / ಕನ್ನಡ / தமிழ் / देवनागरी / English (IAST)
తరేయుస్సంసారం కథమగతపారం సురజనాః
కథం భావాత్మానం హరిమనుసరేయుశ్చ సరసాః |
కథం వా మాహాత్మ్యం నిజహృది నయేయుర్వ్రజభువాం
భవేదావిర్భావో యది న భువి వాగీశ భవతః || ౧ ||
శ్రయేయుస్సన్మార్గం కథమనుభవేయుస్సుఖకరం
కథం వా సర్వస్వం నిజమహహ కుర్యుశ్చ సఫలం |
త్యజేయుః కర్మాదేః ఫలమపి కథం దుఃఖసహితాః
భవేదావిర్భావో యది న భువి వాగీశ భవతః || ౨ ||
వదేయుస్సద్వాదం కథమపహరేయుశ్చ కుమతిం
కథం వా సద్బుద్ధిం భగవతి విదధ్యుః కృతిధియః |
కథం లోకాస్తాపం సపది శమయేయుశ్శమయుతా
భవేదావిర్భావో యది న భువి వాగీశ భవతః || ౩ ||
వ్రజేయుర్విశ్వాసం పరమఫలనిస్సాధనపథే
కథం వేదాలోకాజ్జగతి విచరేయుర్గతభయాః |
కథం లీలాస్సర్వాస్సదసి కథయేయుః ప్రముదితా
భవేదావిర్భావో యది న భువి వాగీశ భవతః || ౪ ||
స్మరేయుస్సద్భావం కథమఖిలలీలాముతవిభో
రసం తత్వం రూపే కథమపి చ జానీయురఖిలాః |
కథం వా గాయేయుర్గణ గణమిహా లౌకికరసా
భవేదావిర్భావో యది న భువి వాగీశ భవతః || ౫ ||
పఠేయుః శ్రీకృష్ణోదితమథపురాణం నియమితాః
కథం తస్యాప్యర్థం నిజహృదిధరేయుర్ధృతియుతాః |
కథం వా గోపీశం సదయముపజేపుః ఫలతయా
భవేదావిర్భావో యది న భువి వాగీశ భవతః || ౬ ||
వహేయుస్స్వం ధర్మం కథమితరసంబంధరహితం
సహేయుః పారుష్యం కథమసురసంబంధివచసాం |
దహేయుస్స్వాన్దోషాన్ కథమిహ వినా సాధనబలం
భవేదావిర్భావో యది న భువి వాగీశ భవతః || ౭ ||
జయేయుర్దుర్జేయాన్ దనుజమనుజాతానపి కథం
కథం వా మార్గీయం ఫలముపదిశేయుశ్చ పరమం |
కథం వైగచ్ఛేయుశ్శరణమతిభావేన సతతం
భవేదావిర్భావో యది న భువి వాగీశ భవతః || ౮ ||
ఇతి శ్రీహరిరాయాచార్య విరచితం శ్రీవల్లభభావాష్టకమ్ |
మరిన్ని శ్రీ కృష్ణ స్తోత్రాలు చూడండి.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.