Read in తెలుగు / ಕನ್ನಡ / தமிழ் / देवनागरी / English (IAST)
కైలాసాచలమధ్యగం పురవహం శాంతం త్రినేత్రం శివం
వామస్థా కవచం ప్రణమ్య గిరిజా భూతిప్రదం పృచ్ఛతి |
దేవీ శ్రీబగలాముఖీ రిపుకులారణ్యాగ్నిరూపా చ యా
తస్యాశ్చాపవిముక్త మంత్రసహితం ప్రీత్యాఽధునా బ్రూహి మామ్ || ౧ ||
శ్రీశంకర ఉవాచ |
దేవీ శ్రీభవవల్లభే శృణు మహామంత్రం విభూతిప్రదం
దేవ్యా వర్మయుతం సమస్తసుఖదం సామ్రాజ్యదం ముక్తిదమ్ |
తారం రుద్రవధూం విరించిమహిలా విష్ణుప్రియా కామయు-
-క్కాంతే శ్రీబగలాననే మమ రిపూన్నాశాయ యుగ్మంత్వితి || ౨ ||
ఐశ్వర్యాణి పదం చ దేహి యుగలం శీఘ్రం మనోవాంఛితం
కార్యం సాధయ యుగ్మయుక్ఛివవధూ వహ్నిప్రియాంతో మనుః |
కంసారేస్తనయం చ బీజమపరాశక్తిశ్చ వాణీ తథా
కీలం శ్రీమితి భైరవర్షిసహితం ఛందో విరాట్ సంయుతమ్ || ౩ ||
స్వేష్టార్థస్య పరస్య వేత్తి నితరాం కార్యస్య సంప్రాప్తయే
నానాసాధ్యమహాగదస్య నియతన్నాశాయ వీర్యాప్తయే |
ధ్యాత్వా శ్రీబగలాననామనువరం జప్త్వా సహస్రాఖ్యకం
దీర్ఘైః షట్కయుతైశ్చ రుద్రమహిలాబీజైర్విన్యాస్యాంగకే || ౪ ||
ధ్యానమ్ |
సౌవర్ణాసనసంస్థితాం త్రినయనాం పీతాంశుకోలాసినీం
హేమాభాంగరుచిం శశాంకముకుటాం స్రక్చంపకస్రగ్యుతామ్ |
హస్తైర్మద్గరపాశబద్ధరసనాం సంబిభ్రతీం భూషణ-
-వ్యాప్తాంగీం బగలాముఖీం త్రిజగతాం సంస్తంభినీం చింతయే || ౫ ||
వినియోగః |
ఓం అస్య శ్రీబగలాముఖీ బ్రహ్మాస్త్రమంత్ర కవచస్య భైరవ ఋషిః విరాట్ ఛందః శ్రీబగళాముఖీ దేవతా క్లీం బీజం ఐం శక్తిః శ్రీం కీలకం మమ పరస్య చ మనోభిలషితేష్టకార్యసిద్ధయే వినియోగః |
ఋష్యాదిన్యాసః |
భైరవ ఋషయే నమః శిరసి |
విరాట్ ఛందసే నమః ముఖే |
శ్రీ బగలాముఖీ దేవతాయై నమః హృది |
క్లీం బీజాయ నమః గుహ్యే |
ఐం శక్తయే నమః పాదయోః |
శ్రీం కీలకాయ నమః సర్వాంగే |
కరన్యాసః |
ఓం హ్రాం అంగుష్ఠాభ్యాం నమః |
ఓం హ్రీం తర్జనీభ్యాం నమః |
ఓం హ్రూం మధ్యమాభ్యాం నమః |
ఓం హ్రైం అనామికాభ్యాం నమః |
ఓం హ్రౌం కనిష్ఠికాభ్యాం నమః |
ఓం హ్రః కరతలకరపృష్ఠాభ్యాం నమః |
అంగన్యాసః |
ఓం హ్రాం హృదయాయ నమః |
ఓం హ్రీం శిరసే స్వాహా |
ఓం హ్రూం శిఖాయై వషట్ |
ఓం హ్రైం కవచాయ హుమ్ |
ఓం హ్రౌం నేత్రత్రయాయ వౌషట్ |
ఓం హ్రః అస్త్రాయ ఫట్ |
భూర్భువస్సువరోమితి దిగ్బంధః |
మంత్రోద్ధారః |
ఓం హ్రీం ఐం శ్రీం క్లీం శ్రీబగలాననే మమ రిపూన్నాశయ నాశయ మమైశ్వర్యాణి దేహి దేహి శీఘ్రం మనోవాంఛితకార్యం సాధయః సాధయః హ్రీం స్వాహా |
కవచమ్ |
శిరో మే పాతు ఓం హ్రీం ఐం శ్రీం క్లీం పాతు లలాటకమ్ |
సంబోధనపదం పాతు నేత్రే శ్రీబగలాననే || ౧ ||
శ్రుతౌ మమ రిపుం పాతు నాసికాన్నాశయ ద్వయమ్ |
పాతు గండౌ సదా మామైశ్వర్యాణ్యం తం తు మస్తకమ్ || ౨ ||
దేహి ద్వంద్వం సదా జిహ్వాం పాతు శీఘ్రం వచో మమ |
కంఠదేశం మనః పాతు వాంఛితం బాహుమూలకమ్ || ౩ ||
కార్యం సాధయ ద్వంద్వంతు కరౌ పాతు సదా మమ |
మాయాయుక్తా తథా స్వాహా హృదయం పాతు సర్వదా || ౪ ||
అష్టాధికచత్వారింశద్దండాఢ్యా బగలాముఖీ |
రక్షాం కరోతు సర్వత్ర గృహేఽరణ్యే సదా మమ || ౫ ||
బ్రహ్మాస్త్రాఖ్యో మనుః పాతు సర్వాంగే సర్వసంధిషు |
మంత్రరాజః సదా రక్షాం కరోతు మమ సర్వదా || ౬ ||
ఓం హ్రీం పాతు నాభిదేశం కటిం మే బగలాఽవతు |
ముఖీ వర్ణద్వయం పాతు లింగం మే ముష్కయుగ్మకమ్ || ౭ ||
జానునీ సర్వదుష్టానాం పాతు మే వర్ణపంచకమ్ |
వాచం ముఖం తథా పదం షడ్వర్ణా పరమేశ్వరీ || ౮ ||
జంఘాయుగ్మే సదా పాతు బగలా రిపుమోహినీ |
స్తంభయేతి పదం పృష్ఠం పాతు వర్ణత్రయం మమ || ౯ ||
జిహ్వాం వర్ణద్వయం పాతు గుల్ఫౌ మే కీలయేతి చ |
పాదోర్ధ్వం సర్వదా పాతు బుద్ధిం పాదతలే మమ || ౧౦ ||
వినాశయ పదం పాతు పాదాంగుల్యోర్నఖాని మే |
హ్రీం బీజం సర్వదా పాతు బుద్ధీంద్రియవచాంసి మే || ౧౧ ||
సర్వాంగం ప్రణవః పాతు స్వాహా రోమాణి మేఽవతు |
బ్రాహ్మీ పూర్వదలే పాతు చాగ్నేయాం విష్ణువల్లభా || ౧౨ ||
మాహేశీ దక్షిణే పాతు చాముండా రాక్షసేఽవతు |
కౌమారీ పశ్చిమే పాతు వాయవ్యే చాపరాజితా || ౧౩ ||
వారాహీ చోత్తరే పాతు నారసింహీ శివేఽవతు |
ఊర్ధ్వం పాతు మహాలక్ష్మీః పాతాలే శారదాఽవతు || ౧౪ ||
ఇత్యష్టౌ శక్తయః పాంతు సాయుధాశ్చ సవాహనాః |
రాజద్వారే మహాదుర్గే పాతు మాం గణనాయకః || ౧౫ ||
శ్మశానే జలమధ్యే చ భైరవశ్చ సదాఽవతు |
ద్విభుజా రక్తవసనాః సర్వాభరణభూషితాః || ౧౬ ||
యోగిన్యః సర్వదా పాతు మహారణ్యే సదా మమ |
ఇతి తే కథితం దేవి కవచం పరమాద్భుతమ్ || ౧౭ ||
శ్రీవిశ్వవిజయన్నామ కీర్తిశ్రీవిజయప్రదమ్ |
అపుత్రో లభతే పుత్రం ధీరం శూరం శతాయుషమ్ || ౧౮ ||
నిర్ధనో ధనమాప్నోతి కవచస్యాస్య పాఠతః |
జపిత్వా మంత్రరాజం తు ధ్యాత్వా శ్రీబగలాముఖీమ్ || ౧౯ ||
పఠేదిదం హి కవచం నిశాయాం నియమాత్తు యః |
యద్యత్కామయతే కామం సాధ్యాసాధ్యే మహీతలే || ౨౦ ||
తత్తత్కామమవాప్నోతి సప్తరాత్రేణ శంకరీ |
గురుం ధ్యాత్వా సురాం పీత్వా రాత్రౌ శక్తిసమన్వితః || ౨౧ ||
కవచం యః పఠేద్దేవి తస్యాఽసాధ్యం న కించన |
యం ధ్యాత్వా ప్రజపేన్మంత్రం సహస్రం కవచం పఠేత్ || ౨౨ ||
త్రిరాత్రేణ వశం యాతి మృత్యుం తం నాత్ర సంశయః |
లిఖిత్వా ప్రతిమాం శత్రోః సతాలేన హరిద్రయా || ౨౩ ||
లిఖిత్వా హ్యది తం నామ తం ధ్యాత్వా ప్రజపేన్మనుమ్ |
ఏకవింశద్దినం యావత్ప్రత్యహం చ సహస్రకమ్ || ౨౪ ||
జప్త్వా పఠేత్తు కవచం చతుర్వింశతివారకమ్ |
సంస్తంభం జాయతే శత్రోర్నాత్ర కార్యా విచారణా || ౨౫ ||
వివాదే విజయం తస్య సంగ్రామే జయమాప్నుయాత్ |
శ్మశానే చ భయం నాస్తి కవచస్య ప్రభావతః || ౨౬ ||
నవనీతం చాభిమంత్ర్య స్త్రీణాం దద్యాన్మహేశ్వరి |
వంధ్యాయాం జాయతే పుత్రో విద్యాబలసమన్వితః || ౨౭ ||
శ్మశానాంగారమాదాయ భౌమే రాత్రౌ శనావథ |
పాదోదకేన స్పృష్ట్వా చ లిఖేల్లోహశలాకయా || ౨౮ ||
భూమౌ శత్రోః స్వరూపం చ హృది నామ సమాలిఖేత్ |
హస్తం తద్ధృదయే దత్వా కవచం తిథివారకమ్ || ౨౯ ||
ధ్యాత్వా జపేన్మంత్రరాజం నవరాత్రం ప్రయత్నతః |
మ్రియతే జ్వరదాహేన దశమేఽహ్ని న సంశయః || ౩౦ ||
భూర్జపత్రేష్విదం స్తోత్రమష్టగంధేన సంలిఖేత్ |
ధారయేద్దక్షిణే బాహౌ నారీ వామభుజే తథా || ౩౧ ||
సంగ్రామే జయమాప్నోతి నారీ పుత్రవతీ భవేత్ |
బ్రహ్మాస్త్రాదీని శస్త్రాణి నైవ కృంతంతి తం జనమ్ || ౩౨ ||
సంపూజ్య కవచం నిత్యం పూజాయాః ఫలమాలభేత్ |
బృహస్పతిసమో వాపి విభవే ధనదోపమః || ౩౩ ||
కామతుల్యశ్చ నారీణాం శత్రూణాం చ యమోపమః |
కవితాలహరీ తస్య భవేద్గంగాప్రవాహవత్ || ౩౪ ||
గద్యపద్యమయీ వాణీ భవేద్దేవీప్రసాదతః |
ఏకాదశశతం యావత్పురశ్చరణముచ్యతే || ౩౫ ||
పురశ్చర్యావిహీనం తు న చేదం ఫలదాయకమ్ |
న దేయం పరశిష్యేభ్యో దుష్టేభ్యశ్చ విశేషతః || ౩౬ ||
దేయం శిష్యాయ భక్తాయ పంచత్వం చాఽన్యథాప్నుయాత్ |
ఇదం కవచమజ్ఞాత్వా భజేద్యో బగలాముఖీమ్ |
శతకోటి జపిత్వా తు తస్య సిద్ధిర్న జాయతే || ౩౭ ||
దారాఢ్యో మనుజోస్య లక్షజపతః ప్రాప్నోతి సిద్ధిం పరాం
విద్యాం శ్రీవిజయం తథా సునియతం ధీరం చ వీరం వరమ్ |
బ్రహ్మాస్త్రాఖ్యమనుం విలిఖ్య నితరాం భూర్జేష్టగంధేన వై
ధృత్వా రాజపురం వ్రజంతి ఖలు యే దాసోఽస్తి తేషాం నృపః || ౩౮ ||
ఇతి విశ్వసారోద్ధారతంత్రే పార్వతీశ్వరసంవాదే బగళాముఖీకవచం సంపూర్ణమ్ |
మరిన్ని దశమహావిద్యా స్తోత్రాలు చూడండి.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.