Read in తెలుగు / ಕನ್ನಡ / தமிழ் / देवनागरी / English (IAST)
ಅಥಾತಃ ಸಂಪ್ರವಕ್ಷ್ಯಾಮಿ ಮೂಲಮಂತ್ರಸ್ತವಂ ಶಿವಮ್ |
ಜಪತಾಂ ಶೃಣ್ವತಾಂ ನೄಣಾಂ ಭುಕ್ತಿಮುಕ್ತಿಪ್ರದಾಯಕಮ್ || ೧ ||
ಸರ್ವಶತ್ರುಕ್ಷಯಕರಂ ಸರ್ವರೋಗನಿವಾರಣಮ್ |
ಅಷ್ಟೈಶ್ವರ್ಯಪ್ರದಂ ನಿತ್ಯಂ ಸರ್ವಲೋಕೈಕಪಾವನಮ್ || ೨ ||
ಶರಾರಣ್ಯೋದ್ಭವಂ ಸ್ಕಂದಂ ಶರಣಾಗತಪಾಲಕಮ್ |
ಶರಣಂ ತ್ವಾಂ ಪ್ರಪನ್ನಸ್ಯ ದೇಹಿ ಮೇ ವಿಪುಲಾಂ ಶ್ರಿಯಮ್ || ೩ ||
ರಾಜರಾಜಸಖೋದ್ಭೂತಂ ರಾಜೀವಾಯತಲೋಚನಮ್ |
ರತೀಶಕೋಟಿಸೌಂದರ್ಯಂ ದೇಹಿ ಮೇ ವಿಪುಲಾಂ ಶ್ರಿಯಮ್ || ೪ ||
ವಲಾರಿಪ್ರಮುಖೈರ್ವಂದ್ಯ ವಲ್ಲೀಂದ್ರಾಣೀಸುತಾಪತೇ |
ವರದಾಶ್ರಿತಲೋಕಾನಾಂ ದೇಹಿ ಮೇ ವಿಪುಲಾಂ ಶ್ರಿಯಮ್ || ೫ ||
ನಾರದಾದಿಮಹಾಯೋಗಿಸಿದ್ಧಗಂಧರ್ವಸೇವಿತಮ್ |
ನವವೀರೈಃ ಪೂಜಿತಾಂಘ್ರೇ ದೇಹಿ ಮೇ ವಿಪುಲಾಂ ಶ್ರಿಯಮ್ || ೬ ||
ಭಗವನ್ ಪಾರ್ವತೀಸೂನೋ ಸ್ವಾಮಿನ್ ಭಕ್ತಾರ್ತಿಭಂಜನ |
ಭವತ್ಪಾದಾಬ್ಜಯೋರ್ಭಕ್ತಿಂ ದೇಹಿ ಮೇ ವಿಪುಲಾಂ ಶ್ರಿಯಮ್ || ೭ ||
ವಸು ಧಾನ್ಯಂ ಯಶಃ ಕೀರ್ತಿಂ ಅವಿಚ್ಛೇದಂ ಚ ಸಂತತೇಃ |
ಶತ್ರುನಾಶನಮದ್ಯಾಶು ದೇಹಿ ಮೇ ವಿಪುಲಾಂ ಶ್ರಿಯಮ್ || ೮ ||
ಇದಂ ಷಡಕ್ಷರಂ ಸ್ತೋತ್ರಂ ಸುಬ್ರಹ್ಮಣ್ಯಸ್ಯ ಸಂತತಮ್ |
ಯಃ ಪಠೇತ್ತಸ್ಯ ಸಿದ್ಧ್ಯಂತಿ ಸಂಪದಶ್ಚಿಂತಿತಾಧಿಕಾಃ || ೯ ||
ಹೃದಬ್ಜೇ ಭಕ್ತಿತೋ ನಿತ್ಯಂ ಸುಬ್ರಹ್ಮಣ್ಯಂ ಸ್ಮರನ್ ಬುಧಃ |
ಯೋ ಜಪೇತ್ ಪ್ರಾತರುತ್ಥಾಯ ಸರ್ವಾನ್ಕಾಮಾನವಾಪ್ನುಯಾತ್ || ೧೦ ||
ಇತಿ ಕುಮಾರತಂತ್ರಾರ್ಗತಂ ಶ್ರೀಸುಬ್ರಹ್ಮಣ್ಯ ಮೂಲಮಂತ್ರ ಸ್ತವಃ |
ಇನ್ನಷ್ಟು ಶ್ರೀ ಸುಬ್ರಹ್ಮಣ್ಯ ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.