Read in తెలుగు / ಕನ್ನಡ / தமிழ் / देवनागरी / English (IAST)
ರಕ್ಷ ರಕ್ಷ ಹರೇ ಮಾಂ ಚ ನಿಮಗ್ನಂ ಕಾಮಸಾಗರೇ |
ದುಷ್ಕೀರ್ತಿಜಲಪೂರ್ಣೇ ಚ ದುಷ್ಪಾರೇ ಬಹುಸಂಕಟೇ || ೧ ||
ಭಕ್ತಿವಿಸ್ಮೃತಿಬೀಜೇ ಚ ವಿಪತ್ಸೋಪಾನದುಸ್ತರೇ |
ಅತೀವ ನಿರ್ಮಲಜ್ಞಾನಚಕ್ಷುಃ ಪ್ರಚ್ಛನ್ನಕಾರಣೇ || ೨ ||
ಜನ್ಮೋರ್ಮಿಸಂಘಸಹಿತೇ ಯೋಷಿನ್ನಕ್ರೌಘಸಂಕುಲೇ |
ರತಿಸ್ರೋತಃ ಸಮಾಯುಕ್ತೇ ಗಂಭೀರೇ ಘೋರ ಏವ ಚ || ೩ ||
ಪ್ರಥಮಾಮೃತರೂಪೇ ಚ ಪರಿಣಾಮವಿಷಾಲಯೇ |
ಯಮಾಲಯಪ್ರವೇಶಾಯ ಮುಕ್ತಿದ್ವಾರಾತಿವಿಸ್ತೃತೇ || ೪ ||
ಬುದ್ಧ್ಯಾ ತರಣ್ಯಾ ವಿಜ್ಞಾನೈರುದ್ಧರಾಸ್ಮಾನತಃ ಸ್ವಯಮ್ |
ಸ್ವಯಂ ಚ ತ್ವಂ ಕರ್ಣಧಾರಃ ಪ್ರಸೀದ ಮಧುಸೂದನ || ೫ ||
ಮದ್ವಿಧಾಃ ಕತಿಚಿನ್ನಾಥ ನಿಯೋಜ್ಯಾ ಭವಕರ್ಮಣಿ |
ಸಂತಿ ವಿಶ್ವೇಶ ವಿಧಯೋ ಹೇ ವಿಶ್ವೇಶ್ವರ ಮಾಧವ || ೬ ||
ನ ಕರ್ಮಕ್ಷೇತ್ರಮೇವೇದಂ ಬ್ರಹ್ಮಲೋಕೋಽಯಮೀಪ್ಸಿತಃ |
ತಥಾಪಿ ನ ಸ್ಪೃಹಾ ಕಾಮೇ ತ್ವದ್ಭಕ್ತಿವ್ಯವಧಾಯಕೇ || ೭ ||
ಹೇ ನಾಥ ಕರುಣಾಸಿಂಧೋ ದೀನಬಂಧೋ ಕೃಪಾಂ ಕುರು |
ತ್ವಂ ಮಹೇಶ ಮಹಾಜ್ಞಾತಾ ದುಃಸ್ವಪ್ನಂ ಮಾಂ ನ ದರ್ಶಯ || ೮ ||
ಇತ್ಯುಕ್ತ್ವಾ ಜಗತಾಂ ಧಾತಾ ವಿರರಾಮ ಸನಾತನಃ |
ಧ್ಯಾಯಂ ಧ್ಯಾಯಂ ಮತ್ಪದಾಬ್ಜಂ ಶಶ್ವತ್ಸಸ್ಮಾರ ಮಾಮಿತಿ || ೯ ||
ಬ್ರಹ್ಮಣಾ ಚ ಕೃತಂ ಸ್ತೋತ್ರಂ ಭಕ್ತಿಯುಕ್ತಶ್ಚ ಯಃ ಪಠೇತ್ |
ಸ ಚೈವಾಕರ್ಣ್ಯ ವಿಷಯೇ ನ ನಿಮಗ್ನೋ ಭವೇದ್ಧ್ರುವಮ್ || ೧೦ ||
ಮಮ ಮಾಯಾಂ ವಿನಿರ್ಜಿತ್ಯ ಸುಜ್ಞಾನಂ ಲಭತೇ ಧ್ರುವಮ್ |
ಇಹ ಲೋಕೇ ಭಕ್ತಿಯುಕ್ತೋ ಮದ್ಭಕ್ತಪ್ರವರೋ ಭವೇತ್ || ೧೧ ||
ಇತಿ ಶ್ರೀಬ್ರಹ್ಮವೈವರ್ತೇ ಮಹಾಪುರಾಣೇ ಶ್ರೀಕೃಷ್ಣಜನ್ಮಖಂಡೇ ದ್ವಾತ್ರಿಂಶೋಧ್ಯಾಯೇ ಬ್ರಹ್ಮಕೃತ ಶ್ರೀ ಕೃಷ್ಣ ಸ್ತೋತ್ರಮ್ |
ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.