Read in తెలుగు / ಕನ್ನಡ / தமிழ் / देवनागरी / English (IAST)
ಸರ್ವಸಾಧನಹೀನಸ್ಯ ಪರಾಧೀನಸ್ಯ ಸರ್ವತಃ |
ಪಾಪಪೀನಸ್ಯ ದೀನಸ್ಯ ಶ್ರೀಕೃಷ್ಣಃ ಶರಣಂ ಮಮ || ೧ ||
ಸಂಸಾರಸುಖಸಂಪ್ರಾಪ್ತಿಸನ್ಮುಖಸ್ಯ ವಿಶೇಷತಃ |
ಬಹಿರ್ಮುಖಸ್ಯ ಸತತಂ ಶ್ರೀಕೃಷ್ಣಃ ಶರಣಂ ಮಮ || ೨ ||
ಸದಾ ವಿಷಯಕಾಮಸ್ಯ ದೇಹಾರಾಮಸ್ಯ ಸರ್ವಥಾ |
ದುಷ್ಟಸ್ವಭಾವವಾಮಸ್ಯ ಶ್ರೀಕೃಷ್ಣಃ ಶರಣಂ ಮಮ || ೩ ||
ಸಂಸಾರಸರ್ಪದಷ್ಟಸ್ಯ ಧರ್ಮಭ್ರಷ್ಟಸ್ಯ ದುರ್ಮತೇಃ |
ಲೌಕಿಕಪ್ರಾಪ್ತಿಕಷ್ಟಸ್ಯ ಶ್ರೀಕೃಷ್ಣಃ ಶರಣಂ ಮಮ || ೪ ||
ವಿಸ್ಮೃತಸ್ವೀಯಧರ್ಮಸ್ಯ ಕರ್ಮಮೋಹಿತಚೇತಸಃ |
ಸ್ವರೂಪಜ್ಞಾನಶೂನ್ಯಸ್ಯ ಶ್ರೀಕೃಷ್ಣಃ ಶರಣಂ ಮಮ || ೫ ||
ಸಂಸಾರಸಿಂಧುಮಗ್ನಸ್ಯ ಭಗ್ನಭಾವಸ್ಯ ದುಷ್ಕೃತೇಃ |
ದುರ್ಭಾವಲಗ್ನಮನಸಃ ಶ್ರೀಕೃಷ್ಣಃ ಶರಣಂ ಮಮ || ೬ ||
ವಿವೇಕಧೈರ್ಯಭಕ್ತ್ಯಾದಿರಹಿತಸ್ಯ ನಿರಂತರಮ್ |
ವಿರುದ್ಧಕರಣಾಸಕ್ತೇಃ ಶ್ರೀಕೃಷ್ಣಃ ಶರಣಂ ಮಮ || ೭ ||
ವಿಷಯಾಕ್ರಾಂತದೇಹಸ್ಯ ವೈಮುಖ್ಯಹೃತಸನ್ಮತೇಃ |
ಇಂದ್ರಿಯಾನ್ವಗೃಹೀತಸ್ಯ ಶ್ರೀಕೃಷ್ಣಃ ಶರಣಂ ಮಮ || ೮ ||
ಏತದಷ್ಟಕಪಾಠೇನ ಹ್ಯೇತದುಕ್ತಾರ್ಥಭಾವನಾತ್ |
ನಿಜಾಚಾರ್ಯಪದಾಂಭೋಜಸೇವಕೋಽದೈನ್ಯಮಾಪ್ನುಯಾತ್ || ೯ ||
ಇತಿ ಶ್ರೀಹರಿರಾಯಾಚಾರ್ಯ ವಿರಚಿತಂ ಶ್ರೀ ಕೃಷ್ಣ ಶರಣಾಷ್ಟಕಮ್ |
ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.