Sri Krishna Ashtakam 3 – ಶ್ರೀ ಕೃಷ್ಣಾಷ್ಟಕಂ 3

Read in తెలుగు / ಕನ್ನಡ / தமிழ் / देवनागरी / English (IAST)

ಸ್ತೋತ್ರನಿಧಿ → ಶ್ರೀ ಕೃಷ್ಣ ಸ್ತೋತ್ರಗಳು → ಶ್ರೀ ಕೃಷ್ಣಾಷ್ಟಕಂ 3

ಶ್ರೀಗೋಪಗೋಕುಲವಿವರ್ಧನನಂದಸೂನೋ
ರಾಧಾಪತೇ ವ್ರಜಜನಾರ್ತಿಹರಾವತಾರ |
ಮಿತ್ರಾತ್ಮಜಾತಟವಿಹಾರಣದೀನಬಂಧೋ
ದಾಮೋದರಾಚ್ಯುತ ವಿಭೋ ಮಮ ದೇಹಿ ದಾಸ್ಯಮ್ || ೧ ||

ಶ್ರೀರಾಧಿಕಾರಮಣ ಮಾಧವ ಗೋಕುಲೇಂದ್ರ-
-ಸೂನೋ ಯದೂತ್ತಮ ರಮಾರ್ಚಿತಪಾದಪದ್ಮ |
ಶ್ರೀಶ್ರೀನಿವಾಸ ಪುರುಷೋತ್ತಮ ವಿಶ್ವಮೂರ್ತೇ
ಗೋವಿಂದ ಯಾದವಪತೇ ಮಮ ದೇಹಿ ದಾಸ್ಯಮ್ || ೨ ||

ಗೋವರ್ಧನೋದ್ಧರಣ ಗೋಕುಲವಲ್ಲಭಾದ್ಯ-
-ವಂಶೋದ್ಭಟಾಲಯ ಹರೇಽಖಿಲಲೋಕನಾಥ |
ಶ್ರೀವಾಸುದೇವ ಮಧುಸೂದನ ವಿಶ್ವನಾಥ
ವಿಶ್ವೇಶ ಗೋಕುಲಪತೇ ಮಮ ದೇಹಿ ದಾಸ್ಯಮ್ || ೩ ||

ರಾಸೋತ್ಸವಪ್ರಿಯಬಲಾನುಜ ಸತ್ತ್ವರಾಶೇ
ಭಕ್ತಾನುಕಂಪಿತಭವಾರ್ತಿಹರಾಧಿನಾಥ |
ವಿಜ್ಞಾನಧಾಮ ಗುಣಧಾಮ ಕಿಶೋರಮೂರ್ತೇ
ಸರ್ವೇಶ ಮಂಗಳತನೋ ಮಮ ದೇಹಿ ದಾಸ್ಯಮ್ || ೪ ||

ಸದ್ಧರ್ಮಪಾಲ ಗರುಡಾಸನ ಯಾದವೇಂದ್ರ
ಬ್ರಹ್ಮಣ್ಯದೇವ ಯದುನಂದನ ಭಕ್ತಿದಾನ |
ಸಂಕರ್ಷಣಪ್ರಿಯ ಕೃಪಾಲಯ ದೇವ ವಿಷ್ಣೋ
ಸತ್ಯಪ್ರತಿಜ್ಞ ಭಗವನ್ ಮಮ ದೇಹಿ ದಾಸ್ಯಮ್ || ೫ ||

ಗೋಪೀಜನಪ್ರಿಯತಮ ಕ್ರಿಯಯೈಕಲಭ್ಯ
ರಾಧಾವರಪ್ರಿಯ ವರೇಣ್ಯ ಶರಣ್ಯನಾಥ |
ಆಶ್ಚರ್ಯಬಾಲ ವರದೇಶ್ವರ ಪೂರ್ಣಕಾಮ
ವಿದ್ವತ್ತಮಾಶ್ರಯ ಪ್ರಭೋ ಮಮ ದೇಹಿ ದಾಸ್ಯಮ್ || ೬ ||

ಕಂದರ್ಪಕೋಟಿಮದಹಾರಣ ತೀರ್ಥಕೀರ್ತೇ
ವಿಶ್ವೈಕವಂದ್ಯ ಕರುಣಾರ್ಣವತೀರ್ಥಪಾದ |
ಸರ್ವಜ್ಞ ಸರ್ವವರದಾಶ್ರಯಕಲ್ಪವೃಕ್ಷ
ನಾರಾಯಣಾಖಿಲಗುರೋ ಮಮ ದೇಹಿ ದಾಸ್ಯಮ್ || ೭ ||

ವೃಂದಾವನೇಶ್ವರ ಮುಕುಂದ ಮನೋಜ್ಞವೇಷ
ವಂಶೀವಿಭೂಷಿತಕರಾಂಬುಜ ಪದ್ಮನೇತ್ರ |
ವಿಶ್ವೇಶ ಕೇಶವ ವ್ರಜೋತ್ಸವ ಭಕ್ತಿವಶ್ಯ
ದೇವೇಶ ಪಾಂಡವಪತೇ ಮಮ ದೇಹಿ ದಾಸ್ಯಮ್ || ೮ ||

ಶ್ರೀಕೃಷ್ಣಸ್ತವರತ್ನಮಷ್ಟಕಮಿದಂ ಸರ್ವಾರ್ಥದಂ ಶೃಣ್ವತಾಂ
ಭಕ್ತಾನಾಂ ಚ ಪ್ರಿಯಂ ಹರೇಶ್ಚ ನಿತರಾಂ ಯೋ ವೈ ಪಠೇತ್ಪಾವನಮ್ |
ತಸ್ಯಾಸೌ ವ್ರಜರಾಜಸೂನುರತುಲಾಂ ಭಕ್ತಿಂ ಸ್ವಪಾದಾಂಬುಜೇ
ಸತ್ಸೇವ್ಯೇ ಪ್ರದದಾತಿ ಗೋಕುಲಪತಿಃ ಶ್ರೀರಾಧಿಕಾವಲ್ಲಭಃ || ೯ ||

ಇತಿ ಶ್ರೀಮದ್ವಲ್ಲಭಾಚಾರ್ಯ ವಿರಚಿತಂ ಶ್ರೀ ಕೃಷ್ಣಾಷ್ಟಕಮ್ ||

---

ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.

Did you see any mistake/variation in the content above? Click here to report mistakes and corrections in Stotranidhi content.