Read in తెలుగు / ಕನ್ನಡ / தமிழ் / देवनागरी / English (IAST)
ಅಸ್ಯ ಶ್ರೀಚಂದ್ರ ಕವಚಸ್ತೋತ್ರ ಮಹಾಮಂತ್ರಸ್ಯ ಗೌತಮ ಋಷಿಃ, ಅನುಷ್ಟುಪ್ ಛಂದಃ, ಸೋಮೋ ದೇವತಾ, ರಂ ಬೀಜಂ, ಸಂ ಶಕ್ತಿಃ, ಓಂ ಕೀಲಕಂ, ಸೋಮಗ್ರಹ ಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ |
ಕರನ್ಯಾಸಃ |
ವಾಂ ಅಂಗುಷ್ಠಾಭ್ಯಾಂ ನಮಃ |
ವೀಂ ತರ್ಜನೀಭ್ಯಾಂ ನಮಃ |
ವೂಂ ಮಧ್ಯಮಾಭ್ಯಾಂ ನಮಃ |
ವೈಂ ಅನಾಮಿಕಾಭ್ಯಾಂ ನಮಃ |
ವೌಂ ಕನಿಷ್ಠಿಕಾಭ್ಯಾಂ ನಮಃ |
ವಃ ಕರತಲಕರಪೃಷ್ಠಾಭ್ಯಾಂ ನಮಃ |
ಅಂಗನ್ಯಾಸಃ |
ವಾಂ ಹೃದಯಾಯ ನಮಃ |
ವೀಂ ಶಿರಸೇ ಸ್ವಾಹಾ |
ವೂಂ ಶಿಖಾಯೈ ವಷಟ್ |
ವೈಂ ಕವಚಾಯ ಹುಂ |
ವೌಂ ನೇತ್ರತ್ರಯಾಯ ವೌಷಟ್ |
ವಃ ಅಸ್ತ್ರಾಯ ಫಟ್ |
ಧ್ಯಾನಮ್ –
ಸೋಮಂ ದ್ವಿಭುಜಪದ್ಮಂ ಚ ಶುಕ್ಲಾಂಬರಧರಂ ಶುಭಂ
ಶ್ವೇತಗಂಧಾನುಲೇಪಂ ಚ ಮುಕ್ತಾಭರಣಭೂಷಣಮ್ |
ಶ್ವೇತಾಶ್ವರಥಮಾರೂಢಂ ಮೇರುಂ ಚೈವ ಪ್ರದಕ್ಷಿಣಂ
ಸೋಮಂ ಚತುರ್ಭುಜಂ ದೇವಂ ಕೇಯೂರಮಕುಟೋಜ್ಜ್ವಲಮ್ || ೧ ||
ವಾಸುದೇವಸ್ಯ ನಯನಂ ಶಂಕರಸ್ಯ ಚ ಭೂಷಣಮ್ |
ಏವಂ ಧ್ಯಾತ್ವಾ ಜಪೇನ್ನಿತ್ಯಂ ಚಂದ್ರಸ್ಯ ಕವಚಂ ಮುದಾ || ೨ ||
ಅಥ ಕವಚಮ್ –
ಶಶೀ ಪಾತು ಶಿರೋದೇಶೇ ಫಾಲಂ ಪಾತು ಕಲಾನಿಧಿಃ |
ಚಕ್ಷುಷೀ ಚಂದ್ರಮಾಃ ಪಾತು ಶ್ರುತೀ ಪಾತು ಕಲಾತ್ಮಕಃ || ೧ ||
ಘ್ರಾಣಂ ಪಕ್ಷಕರಃ ಪಾತು ಮುಖಂ ಕುಮುದಬಾಂಧವಃ |
ಸೋಮಃ ಕರೌ ತು ಮೇ ಪಾತು ಸ್ಕಂಧೌ ಪಾತು ಸುಧಾತ್ಮಕಃ || ೨ ||
ಊರೂ ಮೈತ್ರೀನಿಧಿಃ ಪಾತು ಮಧ್ಯಂ ಪಾತು ನಿಶಾಕರಃ |
ಕಟಿಂ ಸುಧಾಕರಃ ಪಾತು ಉರಃ ಪಾತು ಶಶಂಧರಃ || ೩ ||
ಮೃಗಾಂಕೋ ಜಾನುನೀ ಪಾತು ಜಂಘೇ ಪಾತ್ವಮೃತಾಬ್ಧಿಜಃ |
ಪಾದೌ ಹಿಮಕರಃ ಪಾತು ಪಾತು ಚಂದ್ರೋಽಖಿಲಂ ವಪುಃ || ೪ ||
ಏತದ್ಧಿ ಕವಚಂ ಪುಣ್ಯಂ ಭುಕ್ತಿಮುಕ್ತಿಪ್ರದಾಯಕಮ್ |
ಯಃ ಪಠೇಚ್ಛೃಣುಯಾದ್ವಾಪಿ ಸರ್ವತ್ರ ವಿಜಯೀ ಭವೇತ್ || ೫ ||
ಇತಿ ಶ್ರೀಬ್ರಹ್ಮವೈವರ್ತ ಮಹಾಪುರಾಣೇ ದಕ್ಷಿಣಖಂಡೇ ಶ್ರೀ ಚಂದ್ರ ಕವಚಮ್ |
ಇನ್ನಷ್ಟು ನವಗ್ರಹ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.