Read in తెలుగు / ಕನ್ನಡ / தமிழ் / देवनागरी / English (IAST)
ಬ್ರಹ್ಮವಿಷ್ಣು ಊಚತುಃ |
ನಮಾಮಿ ತ್ವಾಂ ವಿಶ್ವಕರ್ತ್ರೀಂ ಪರೇಶೀಂ
ನಿತ್ಯಾಮಾದ್ಯಾಂ ಸತ್ಯವಿಜ್ಞಾನರೂಪಾಮ್ |
ವಾಚಾತೀತಾಂ ನಿರ್ಗುಣಾಂ ಚಾತಿಸೂಕ್ಷ್ಮಾಂ
ಜ್ಞಾನಾತೀತಾಂ ಶುದ್ಧವಿಜ್ಞಾನಗಮ್ಯಾಮ್ || ೧ ||
ಪೂರ್ಣಾಂ ಶುದ್ಧಾಂ ವಿಶ್ವರೂಪಾಂ ಸುರೂಪಾಂ
ದೇವೀಂ ವಂದ್ಯಾಂ ವಿಶ್ವವಂದ್ಯಾಮಪಿ ತ್ವಾಮ್ |
ಸರ್ವಾಂತಃಸ್ಥಾಮುತ್ತಮಸ್ಥಾನಸಂಸ್ಥಾ-
-ಮೀಡೇ ಕಾಳೀಂ ವಿಶ್ವಸಂಪಾಲಯಿತ್ರೀಮ್ || ೨ ||
ಮಾಯಾತೀತಾಂ ಮಾಯಿನೀಂ ವಾಪಿ ಮಾಯಾಂ
ಭೀಮಾಂ ಶ್ಯಾಮಾಂ ಭೀಮನೇತ್ರಾಂ ಸುರೇಶೀಮ್ |
ವಿದ್ಯಾಂ ಸಿದ್ಧಾಂ ಸರ್ವಭೂತಾಶಯಸ್ಥಾ-
-ಮೀಡೇ ಕಾಳೀಂ ವಿಶ್ವಸಂಹಾರಕರ್ತ್ರೀಮ್ || ೩ ||
ನೋ ತೇ ರೂಪಂ ವೇತ್ತಿ ಶೀಲಂ ನ ಧಾಮ
ನೋ ವಾ ಧ್ಯಾನಂ ನಾಪಿ ಮಂತ್ರಂ ಮಹೇಶಿ |
ಸತ್ತಾರೂಪೇ ತ್ವಾಂ ಪ್ರಪದ್ಯೇ ಶರಣ್ಯೇ
ವಿಶ್ವಾರಾಧ್ಯೇ ಸರ್ವಲೋಕೈಕಹೇತುಮ್ || ೪ ||
ದ್ಯೌಸ್ತೇ ಶೀರ್ಷಂ ನಾಭಿದೇಶೋ ನಭಶ್ಚ
ಚಕ್ಷೂಂಷಿ ತೇ ಚಂದ್ರಸೂರ್ಯಾನಲಾಸ್ತೇ |
ಉನ್ಮೇಷಾಸ್ತೇ ಸುಪ್ರಬೋಧೋ ದಿವಾ ಚ
ರಾತ್ರಿರ್ಮಾತಶ್ಚಕ್ಷುಷೋಸ್ತೇ ನಿಮೇಷಮ್ || ೫ ||
ವಾಕ್ಯಂ ದೇವಾ ಭೂಮಿರೇಷಾ ನಿತಂಬಂ
ಪಾದೌ ಗುಲ್ಫಂ ಜಾನುಜಂಘಸ್ತ್ವಧಸ್ತೇ |
ಪ್ರೀತಿರ್ಧರ್ಮೋಽಧರ್ಮಕಾರ್ಯಂ ಹಿ ಕೋಪಃ
ಸೃಷ್ಟಿರ್ಬೋಧಃ ಸಂಹೃತಿಸ್ತೇ ತು ನಿದ್ರಾ || ೬ ||
ಅಗ್ನಿರ್ಜಿಹ್ವಾ ಬ್ರಾಹ್ಮಣಾಸ್ತೇ ಮುಖಾಬ್ಜಂ
ಸಂಧ್ಯೇ ದ್ವೇ ತೇ ಭ್ರೂಯುಗಂ ವಿಶ್ವಮೂರ್ತಿಃ |
ಶ್ವಾಸೋ ವಾಯುರ್ಬಾಹವೋ ಲೋಕಪಾಲಾಃ
ಕ್ರೀಡಾ ಸೃಷ್ಟಿಃ ಸಂಸ್ಥಿತಿಃ ಸಂಹೃತಿಸ್ತೇ || ೭ ||
ಏವಂಭೂತಾಂ ದೇವಿ ವಿಶ್ವಾತ್ಮಿಕಾಂ ತ್ವಾಂ
ಕಾಳೀಂ ವಂದೇ ಬ್ರಹ್ಮವಿದ್ಯಾಸ್ವರೂಪಾಮ್ |
ಮಾತಃ ಪೂರ್ಣೇ ಬ್ರಹ್ಮವಿಜ್ಞಾನಗಮ್ಯೇ
ದುರ್ಗೇಽಪಾರೇ ಸಾರರೂಪೇ ಪ್ರಸೀದ || ೮ ||
ಇತಿ ಶ್ರೀಮಹಾಭಾಗವತೇ ಮಹಾಪುರಾಣೇ ಬ್ರಹ್ಮವಿಷ್ಣುಕೃತಾ ಶ್ರೀ ಭದ್ರಕಾಳೀ ಸ್ತುತಿಃ |
ಇನ್ನಷ್ಟು ಶ್ರೀ ಕಾಳಿಕಾ ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.