Sri Balakrishna Ashtakam 2 – ಶ್ರೀ ಬಾಲಕೃಷ್ಣಾಷ್ಟಕಂ 2

Read in తెలుగు / ಕನ್ನಡ / தமிழ் / देवनागरी / English (IAST)

ಸ್ತೋತ್ರನಿಧಿ → ಶ್ರೀ ಕೃಷ್ಣ ಸ್ತೋತ್ರಗಳು → ಶ್ರೀ ಬಾಲಕೃಷ್ಣಾಷ್ಟಕಂ 2

ಶ್ರೀಮನ್ನಂದಯಶೋದಾಹೃದಯಸ್ಥಿತಭಾವತತ್ಪರೋ ಭಗವಾನ್ |
ಪುತ್ರೀಕೃತನಿಜರೂಪಃ ಸ ಜಯತಿ ಪುರತಃ ಕೃಪಾಳುರ್ಬಾಲಕೃಷ್ಣಃ || ೧ ||

ಕಥಮಪಿ ರಿಂಗಣಮಕರೋದಂಗಣಗತಜಾನುಘರ್ಷಣೋದ್ಯುಕ್ತಃ |
ಕಟಿತಟಕಿಂಕಿಣಿಜಾಲಸ್ವನಶಂಕಿತಮಾನಸಃ ಸದಾ ಹ್ಯಾಸ್ತೇ || ೨ ||

ವಿಕಸಿತಪಂಕಜನಯನಃ ಪ್ರಕಟಿತಹರ್ಷಃ ಸದೈವ ಧೂಸರಾಂಗಃ |
ಪರಿಗಚ್ಛತಿ ಕಟಿಭಂಗಪ್ರಸರೀಕೃತಪಾಣಿಯುಗ್ಮಾಭ್ಯಾಮ್ || ೩ ||

ಉಪಲಕ್ಷಿತದಧಿಭಾಂಡಃ ಸ್ಫುರಿತಬ್ರಹ್ಮಾಂಡವಿಗ್ರಹೋ ಭುಂಕ್ತೇ |
ಮುಷ್ಟೀಕೃತನವನೀತಃ ಪರಮಪುನೀತೋ ಮುಗ್ಧಭಾವಾತ್ಮಾ || ೪ ||

ನಮ್ರೀಕೃತವಿಧುವದನಃ ಪ್ರಕಟೀಕೃತಚೌರ್ಯಗೋಪನಾಯಾಸಃ |
ಸ್ವಾಂಬೋತ್ಸಂಗವಿಲಾಸಃ ಕ್ಷುಧಿತಃ ಸಂಪ್ರತಿ ದೃಶ್ಯತೇ ಸ್ತನಾರ್ಥೀ || ೫ ||

ಸಿಂಹನಖಾಕೃತಿಭೂಷಣಭೂಷಿತಹೃದಯಃ ಸುಶೋಭತೇ ನಿತ್ಯಮ್ |
ಕುಂಡಲಮಂಡಿತಗಂಡಃ ಸಾಂಜನನಯನೋ ನಿರಂಜನಃ ಶೇತೇ || ೬ ||

ಕಾರ್ಯಾಸಕ್ತಯಶೋದಾಗೃಹಕರ್ಮಾವರೋಧಕಃ ಸದಾಸ್ತೇ |
ತಸ್ಯಾಃ ಸ್ವಾಂತನಿವಿಷ್ಟಪ್ರಣಯಪ್ರಭಾಜನೋ ಯತೋಽಯಮ್ || ೭ ||

ಇತ್ಥಂ ವ್ರಜಪತಿತರುಣೀ ನಮನೀಯಂ ಬ್ರಹ್ಮರುದ್ರಾದ್ಯೈಃ |
ಕಮನೀಯಂ ನಿಜಸೂನುಂ ಲಾಲಯತಿ ಸ್ಮ ಪ್ರತ್ಯಹಂ ಪ್ರೀತ್ಯಾ || ೮ ||

ಶ್ರೀಮದ್ವಲ್ಲಭಕೃಪಯಾ ವಿಶದೀಕೃತಮೇತದಷ್ಟಕಂ ಪಠೇದ್ಯಃ |
ತಸ್ಯ ದಯಾನಿಧಿಕೃಷ್ಣೋ ಭಕ್ತಿಃ ಪ್ರೇಮೈಕಲಕ್ಷಣಾ ಶೀಘ್ರಮ್ || ೯ ||

ಇತಿ ಶ್ರೀಕೃಷ್ಣದಾಸ ಕೃತಂ ಶ್ರೀ ಬಾಲಕೃಷ್ಣಾಷ್ಟಕಮ್ |

---

ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.

Did you see any mistake/variation in the content above? Click here to report mistakes and corrections in Stotranidhi content.