Read in తెలుగు / ಕನ್ನಡ / தமிழ் / देवनागरी / English (IAST)
ಅಂತರ್ಗೃಹೇ ಹೇಮಸುವೇದಿಕಾಯಾಂ
ಸಮ್ಮಾರ್ಜನಾಲೇಪನಕರ್ಮ ಕೃತ್ವಾ |
ವಿಧಾನಧೂಪಾತುಲ ಪಂಚವರ್ಣಂ
ಚೂರ್ಣಪ್ರಯುಕ್ತಾದ್ಭುತ ರಂಗವಲ್ಯಾಮ್ || ೧ ||
ಅಗಾಧ ಸಂಪೂರ್ಣ ಸರಸ್ಸಮಾನೇ
ಗೋಸರ್ಪಿಷಾಪೂರಿತ ಮಧ್ಯದೇಶೇ |
ಮೃಣಾಲತಂತುಕೃತ ವರ್ತಿಯುಕ್ತೇ
ಪುಷ್ಪಾವತಂಸೇ ತಿಲಕಾಭಿರಾಮೇ || ೨ ||
ಪರಿಷ್ಕೃತ ಸ್ಥಾಪಿತ ರತ್ನದೀಪೇ
ಜ್ಯೋತಿರ್ಮಯೀಂ ಪ್ರಜ್ಜ್ವಲಯಾಮಿ ದೇವೀಮ್ |
ನಮಾಮ್ಯಹಂ ಮತ್ಕುಲವೃದ್ಧಿದಾತ್ರೀಂ
ಸೌದಾದಿ ಸರ್ವಾಂಗಣ ಶೋಭಮಾನಾಮ್ || ೩ ||
ಭೋ ದೀಪಲಕ್ಷ್ಮಿ ಪ್ರಥಿತಂ ಯಶೋ ಮೇ
ಪ್ರದೇಹಿ ಮಾಂಗಳ್ಯಮಮೋಘಶೀಲೇ |
ಭರ್ತೃಪ್ರಿಯಾಂ ಧರ್ಮವಿಶಿಷ್ಟ ಶೀಲಾಂ
ಕುರುಷ್ವ ಕಲ್ಯಾಣ್ಯನುಕಂಪಯಾ ಮಾಮ್ || ೪ ||
ಯಾಂತರ್ಬಹಿಶ್ಚಾಪಿ ತಮೋಽಪಹಂತ್ರೀ
ಸಂಧ್ಯಾಮುಖಾರಾಧಿತ ಪಾದಪದ್ಮಾ |
ತ್ರಯೀಸಮುದ್ಘೋಷಿತ ವೈಭವಾ ಸಾ
ಹ್ಯನನ್ಯಕಾಮೇ ಹೃದಯೇ ವಿಭಾತು || ೫ ||
ಭೋ ದೀಪ ಬ್ರಹ್ಮರೂಪಸ್ತ್ವಂ ಜ್ಯೋತಿಷಾಂ ಪ್ರಭುರವ್ಯಯಃ |
ಆರೋಗ್ಯಂ ದೇಹಿ ಪುತ್ರಾಂಶ್ಚ ಅವೈಧವ್ಯಂ ಪ್ರಯಚ್ಛ ಮೇ || ೬ ||
ಸಂಧ್ಯಾದೀಪಸ್ತವಮಿದಂ ನಿತ್ಯಂ ನಾರೀ ಪಠೇತ್ತು ಯಾ |
ಸರ್ವಸೌಭಾಗ್ಯಯುಕ್ತಾ ಸ್ಯಾಲ್ಲಕ್ಷ್ಮ್ಯನುಗ್ರಹತಃ ಸದಾ || ೭ ||
ಶರೀರಾರೋಗ್ಯಮೈಶ್ವರ್ಯಂ ಅರಿಪಕ್ಷಕ್ಷಯಃ ಸುಖಮ್ |
ದೇವಿ ತ್ವದ್ದೃಷ್ಟಿದೃಷ್ಟಾನಾಂ ಪುರುಷಾಣಾಂ ನ ದುರ್ಲಭಮ್ || ೮ ||
ಇತಿ ಶ್ರೀ ದೀಪಲಕ್ಷ್ಮೀ ಸ್ತವಮ್ |
ಇನ್ನಷ್ಟು ಶ್ರೀ ಲಕ್ಷ್ಮೀ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.