Read in తెలుగు / ಕನ್ನಡ / தமிழ் / देवनागरी / English (IAST)
(धन्यवादः – काशीपुरीवास गुरुमूर्ति शिवयोगि श्री निर्मल रामनाथ शर्म महोदयः)
अखिलागमसंस्तुतं अजादिदेववन्दितम् ।
अखण्डमण्डलाकारं अनेकजनसेवितम् ॥ १ ॥
अनाद्यन्तस्वयम्भूतं आशापाशविमोचकम् ।
आनन्दकाननाधीशं चैवानन्दप्रदायकम् ॥ २ ॥
इहलोकस्पृहानेकपरिपूरकस्वामिनम् ।
ईशित्वाद्यष्टसिद्धिनं इन्द्रियग्रामदैवतम् ॥ ३ ॥
उरगराजभूषणं उडुराजविभूषितम् ।
ऊर्ध्वलिङ्गं उमाकान्तं उरुदुःखविमोचकम् ॥ ४ ॥
महोज्ज्वलस्वरूपं च त्रिपुण्ड्राङ्कितमस्तकम् ।
अन्नपूर्णाविशालाक्षीनाथं गङ्गाधरं विभुम् ॥ ५ ॥
भावनामात्रसन्तुष्टहृदयं हृदयेश्वरम् ।
भूतभव्यभवन्नाथं भवरोगहरं हरम् ॥ ६ ॥
महाश्मशानदेवेशं भुक्तिमुक्तिफलप्रदम् ।
महोक्षवाहनारूढं मृगहस्तं महेश्वरम् ॥ ७ ॥
उग्रं भीमं मृडं शर्वं सर्वैश्वर्यप्रदायकम् ।
नन्दीश्वरादिसंस्तुतं त्रिनेत्रं ताण्डवेश्वरम् ॥ ८ ॥
विश्वेशं विश्वरूपं च विश्वकारणमव्ययम् ।
विषकण्ठं विरूपाक्षं वीरभद्रप्रियं शिवम् ॥ ९ ॥
महादेवं महेशानं महनीयगुणाकरम् ।
श्रीमणिकर्णिकेशं च श्रीमाधवप्रियं प्रभुम् ॥ १० ॥
महादेवीसमायुक्तशरीरं परमेश्वरम् ।
मृत्युञ्जयं मृडानीशं महाभयनिवारकम् ॥ ११ ॥
भक्तमानसरोवरविहारासक्तः शूलिनम् ।
भवदुःखविभञ्जकं भक्तवरप्रदायकम् ॥ १२ ॥
गङ्गास्नपितसर्वाङ्गं बिल्वपत्रादिपूजितम् ।
नानालङ्कारसम्युक्तं दिव्यगन्धानुलेपितम् ॥ १३ ॥
त्रयीवेद्यं त्रिलोकेशं तापत्रयप्रभञ्जकम् ।
त्रिपुरसुन्दरीरूपं त्र्यम्बकं त्रिपुरान्तकम् ॥ १४ ॥
वाराणसीपुराधीशं वररुद्राक्षधारिणम् ।
व्यालयज्ञोपवीतिनं व्याघ्रचर्मविभूषितम् ॥ १५ ॥
सुरासुरनमस्कृतश्रीमच्चरणपङ्कजम् ।
सदैकरसरूपं च सदानटनतत्परम् ॥ १६ ॥
सत्यज्ञानात्मकं सोमं सोमसूर्याग्निलोचनम् ।
कालभैरवमीशानं कालाग्निरुद्रमीश्वरम् ॥ १७ ॥
शुद्धकैवल्यरूपं च शुद्धविद्याप्रदायकम् ।
शान्तं पद्मासनस्थं च श्रीकण्ठं चन्द्रशेखरम् ॥ १८ ॥
गिरीशं गिरिजापतिं पशुपाशविमोचकम् ।
यज्ञेशं नीलग्रीवं च योगिहृत्पद्मवासिनम् ॥ १९ ॥
कोटिसूर्यसमप्रभं चन्द्रकोटिसुशीतलम् ।
जाग्रत्स्वप्नसुषुप्तीनां साक्षीभूतं चिदात्मकम् ॥ २० ॥
सर्वव्यापकदेवेशं विश्वनाथमहर्निशम् ।
सदैवलिङ्गरूपं तं परानन्दपरात्परम् ॥ २१ ॥
अष्टोत्तरैकशिवनाम समन्वितं यत्
स्तोत्रं पठन्ति मनुजा भुवि भक्तियुक्ताः ।
सम्प्राप्य लौकिकसुखानि परं लभन्ते
देहावसानसमये शिव सम्प्रसादात् ॥ २२ ॥
इति श्री काशीविश्वनाथ अष्टोत्तरशतनाम स्तोत्रम् ॥
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.