Read in తెలుగు / ಕನ್ನಡ / தமிழ் / देवनागरी / English (IAST)
śrīvēṅkaṭādridhāmā bhūmā bhūmāpriyaḥ kr̥pāsīmā |
niravadhikanityamahimā bhavatu jayī praṇatadarśitaprēmā || 1 ||
jaya janatā vimalīkr̥tisaphalīkr̥tasakalamaṅgalākāra |
vijayī bhava vijayī bhava vijayī bhava vēṅkaṭācalādhīśa || 2 ||
kamanīyamandahasitaṁ kañcana kandarpakōṭilāvaṇyam |
paśyēyamañjanādrau puṁsāṁ pūrvatanapuṇyaparipākam || 3 ||
maratakamēcakarucinā madanājñāgandhimadhyahr̥dayēna |
vr̥ṣaśailamaulisuhr̥dā mahasā kēnāpi vāsitaṁ jñēyam || 4 ||
patyai namō vr̥ṣādrēḥ karayugaparikarmaśaṅkhacakrāya |
itarakarakamalayugalīdarśita-kaṭibandhadānamudrāya || 5 ||
sāmrājyapiśunamakuṭīsughaṭalalāṭāt sumaṅgalā pāṅgāt |
smitaruciphullakapōlādaparō na parō:’sti vēṅkaṭādrīśāt || 6 ||
sarvābharaṇavibhūṣitadivyāvayavasya vēṅkaṭādripatēḥ |
pallavapuṣpavibhūṣitakalpatarōścāpi kā bhidā dr̥ṣṭā || 7 ||
lakṣmīlalitapadāmbujalākṣārasarañjitāyatōraskē |
śrīvēṅkaṭādrināthē nāthē mama nityamarpitō bhāraḥ || 8 ||
āryāvr̥ttasamētā saptavibhaktirvr̥ṣādrināthasya |
vādīndrabhīkr̥dākhyairāryai racitā jayatviyaṁ satatam || 9 ||
iti śrīvēṅkaṭēśavijayāryāsaptavibhakti stōtram sampūrṇam |
See more śrī vēṅkaṭēśvara stōtrāṇi for chanting.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.