Read in తెలుగు / ಕನ್ನಡ / தமிழ் / देवनागरी / English (IAST)
brahmōvāca |
nandikēśvara sarvajña bhaktānugrahakāraka |
r̥ddhisiddhipradaṁ nr̥̄ṇāṁ sarvadōṣaniṣūdanam || 1 ||
sarvasiddhikaraṁ puṁsāṁ sarvakāmārthasādhanam |
ādhivyādhiharaṁ kēna kēna vā mr̥tyunāśanam |
vaktumarhasi dēvēśa nandikēśa surōttama || 2 ||
śrīnandikēśvarōvāca |
śr̥ṇu brahman pravakṣyāmi guhyādguhyataraṁ mahat |
sarvasaktahitārthāya kathitā kamalāsanē || 3 || [bhakta]
samastakalahadhvaṁsī lōkasya lōkavallabhā |
jalajāḥ sthalajāścaiva vanajā vyōmajāstathā || 4 ||
kr̥trimā dōṣajāścāpi bhrāntabhrāntivināśanam |
apasmāragrahōnmādajalōnmattapiśācakāḥ || 5 ||
duḥkhapraṇāśanaṁ nityaṁ sukhaṁ praprāpyatē vidhiḥ | [samprāpyatē]
idaṁ stōtraṁ na jānanti vāgdēvīsmaraṇē yadi || 6 ||
na tatsiddhimavāpnōti varṣakōṭiśatairapi |
sarvaṁ sarasvatīnāmnāṁ sadāśivar̥ṣiḥ smr̥taḥ || 7 ||
chandō:’nuṣṭup tathā bījaṁ vāgbhavaṁ śakti kīlakam |
rakāraṁ sarvakāmārthaṁ viniyōgaḥ prakīrtitāḥ || 8 ||
atha dhyānam –
śubhrāṁ svacchavilēpamālyavasanāṁ śītāṁśukhaṇḍōjjvalāṁ
vyākhyāmakṣaguṇaṁ sudhābjakalaśaṁ vidyāṁ ca hastāmbujaiḥ |
vibhrāṇāṁ kamalāsanā kucanatāṁ vāgdēvatāṁ susmitāṁ
vāgdēvīṁ vibhavapradāṁ trinayanāṁ saubhāgyasampatkarīm || [vandē yā]
atha stōtraṁ –
ōṁ śrīvāgvādinī vāṇī vāgīśvarī sarasvatī |
vācā vācāmatī vākyā vāgdēvī bālasundarī || 1 ||
vacasā vācayiṣyā ca vallabhā viṣṇuvallabhā |
bālarūpā satī vr̥ddhā vanamālī vanēśvarī || 2 ||
validhvaṁsapriyā vēdā varadā varavardhinī |
brāhmī sarasvatī vidyā brahmāṇujñānagōcarī || 3 || [brahmāṇḍajñāna]
brahmanāḍī brahmajñānī vratī vratapriyā vratā |
brahmacārī buddhirūpī buddhidā buddhidāyakā || 4 ||
buddhiḥ prajñā buddhimatī buddhiśrī buddhivardhinī |
vārāhī vāruṇī vyaktā vēṇuhastā balīyasī || 5 ||
vāmamārgaratā dēvī vāmācārarasapriyā |
vāmasthā vāmarūpā ca vardhinī vāmalōcanā || 6 ||
viśvavyāpī viśvarūpā viśvasthā viśvamōhinī |
vindhyasthā vindhyanilayā vindudā vinduvāsinī || 7 ||
vaktrasthā vaktrarūpā ca vijñānajñānadāyinī |
vighnahartrī vighnadātrī vighnarājasya vallabhā || 8 ||
vāsudēvapriyā dēvī vēṇudattabalapradā |
balabhadrasya varadā balirājaprapūjitā || 9 ||
vākyaṁ vācamatī brāhmī vāgbhavānī vidhāyikā |
vāyurūpā ca vēgīśā vēgasthā vēgacāriṇī || 10 ||
brahmamūrtirvāṅmayī ca vārtājñā vāṅmayēśvarī |
bandhamōkṣapradā dēvī brahmanādasvarūpiṇī || 11 ||
vasundharāsthitā dēvī vasudhārasvarūpiṇī |
vargarūpā vēgadhātrī vanamālāvibhūṣaṇā || 12 ||
vāgdēvēśvarakaṇṭhasthā vēdyā vibudhavanditā |
vidyutprabhā vindumatī vāñchitā vīravanditā || 13 ||
vahnijvālā vahnimukhī viśvavyāpī viśāladā |
vidyārūpā ca śrīvidyā vidyādharaprapūjitā || 14 ||
vidyāsthā vidyayā dēvī vidyādēvī viṣaprahā |
viṣaghnī viṣadōṣaghnī vr̥kṣamūlapratiṣṭhitā || 15 ||
vr̥kṣarūpī ca vr̥kṣēśī vr̥kṣaphalapradāyakā |
vividhauṣadhasampannā vividhōtpātanāśinī || 16 ||
vidhijñā vividhākārā viśvagarbhā vanēśvarī |
viśvēśvarī viśvayōnīrviśvamātā vidhipriyā || 17 ||
vibhūtirūpā vaibhūtī vaṁśī vaṁśīdharapriyā |
viśālalōcanī dēvī vittadā ca varānanā || 18 ||
vāyumaṇḍalasaṁsthā ca vahnimaṇḍalasaṁsthitā |
gaṅgādēvī ca gaṅgā ca guṇādātrī guṇātmikā || 19 ||
guṇāśrayā guṇavatī guṇaśīlasamanvitā |
garbhapradā garbhadātrī garbharakṣāpradāyinī || 20 ||
gīrūpā gīṣmatī gītā gītajñā gītavallabhā |
giridhāripriyā dēvī girirājasutā satī || 21 ||
gatidā garbhadā garbhā gaṇapūjyā gaṇēśvarī |
gambhīrā gahanā guhyā gandharvagaṇasēvitā || 22 ||
guhyēśvarī guhyakālī guptamārgapradāyinī |
gurumūrtirgurusthā ca gōcarā gōcarapradā || 23 ||
gōpinī gōpikā gaurī gōpālajñānatatparā |
gōrūpā gōmatīdēvī gōvardhanadharapriyā || 24 ||
guṇadātrī guṇaśīlā guṇarūpā guṇēśvarī |
gāyatrīrūpā gāndhārī gaṅgādharapriyā tathā || 25 ||
girikanyā giristhā ca gūḍharūpā gr̥hē sthitā |
gr̥hē klēśa vidhvaṁsinī gr̥hē kalahabhañjanī || 26 ||
gaganāḍī garbhajyōtirgaganākāraśōbhitā |
gamasāgamasvarūpā ca garuḍāsanavallabhā || 27 ||
gandharūpā gandharūpī galasthā galagōcarā |
gajēndragāminīdēvī grahanakṣatravanditā || 28 ||
gōpakanyā gōkulēśī gōpīcandanalēpitā |
dayāvatī duḥkhahantrī duṣṭadāridryanāśinī || 29 ||
divyadēhā divyamukhī divyacandanalēpitā |
divyavastraparīdhānā dambhalōbhavivarjitā || 30 ||
dātā dāmōdaraprītā dāmōdaraparāyaṇā |
danujēndravināśī ca dānavāgaṇasēvitā || 31 ||
duṣkr̥taghnī dūragāmī durmatiduḥkhanāśinī |
dāvāgnirūpiṇīdēvī daśagrīvavarapradā || 32 ||
dayānadī dayāśīlā dānaśīlā ca darśinī |
dr̥ḍhadēvī dr̥ḍhadr̥ṣṭī dugdhaprāpanatatparā || 33 ||
dugdhavarṇā dugdhapriyā dadhidugdhapradāyakā |
dēvakī dēvamātā ca dēvēśī dēvapūjitā || 34 ||
dēvīmūrtirdayāmūrtirdōṣahā dōṣanāśinī |
dōṣaghnī dōṣadamanī dōlācalapratiṣṭhitā || 35 ||
daityahā daityahantrī ca dēvārigaṇamardinī |
dambhakr̥ddambhanāśī ca dāḍimīpuṣpavallabhā || 36 ||
daśanā dāḍimākārā dāḍimīkusumaprabhā |
dāsīvarapradā dīkṣā dīkṣitā dīkṣitēśvarī || 37 ||
dilīparājabaladā dinarātrisvarūpiṇī |
digambarī dīptatējā ḍamarūbhujadhāriṇī || 38 ||
dravyarūpī dravyakarī daśarathavarapradā |
īśvarī īśvarabhāryā indriyarūpasaṁsthitā || 39 ||
indrapūjyā indramātā īpsitvaphaladāyakā |
indrāṇī iṅgitajñā ca īśānī īśvarapriyā || 40 ||
iṣṭamūrtī ihaivasthā icchārūpā ihēśvarī |
icchāśakti īśvarasthā ilvadaityaniṣūdinī || 41 ||
itihāsādiśāstrajñā icchācārīsvarūpiṇī |
īkārākṣararūpā ca indriyavaravardhinī || 42 ||
indralōkanivāsinyō īpsitārthapradāyinī |
nārī nārāyaṇaprītā nārasiṁhī narēśvarī || 43 ||
narmadā nandinīrūpā nartakī naganandinī |
nārāyaṇapriyā nityaṁ nānāvidyāpradāyinī || 44 ||
nānāśāstradharīdēvī nānāpuṣpasuśōbhitā |
nayanatrayarūpā ca nr̥tyanāthasyavallabhā || 45 ||
nadīrūpā nr̥tyarūpā nāgarī nagarēśvarī |
nānārthadātā nalinī nāradādiprapūjitā || 46 ||
natārambhēśvarīdēvī nītijñā ca nirañjanī |
nityasiṁhāsanasthā ca nityakalyāṇakāriṇī || 47 ||
nityānandakarī dēvī nityasiddhipradāyakā |
nētrapadmadalākārā nētratrayasvarūpiṇī || 48 ||
naumīdēvīnāmamātrā nakārākṣararūpiṇī |
nandā nindrā mahānidrā nūpurapadaśōbhitā || 49 ||
nāṭakī nāṭakādhyakṣā narānandapradāyikā |
nānābharaṇasantuṣṭānānāratnavibhūṣaṇā || 50 ||
narakanāśinīdēvī nāgāntakasthitā priyā |
nītividyāpradā dēvī nyāyaśāstraviśāradī || 51 ||
naralōkagatādēvī narakāsuranāśinī |
anantaśaktirūpā ca naimittikaprapūjitā || 52 ||
nānāśastradharādēvī nārabindusvarūpiṇī |
nakṣatrarūpā nanditā nagasthā naganandinī || 53 ||
sāradā saritārūpā satyabhāmā surēśvarī |
sarvānandakarīdēvī sarvābharaṇabhūṣitā || 54 ||
sarvavidyādharādēvī sarvaśāstrasvarūpiṇī |
sarvamaṅgaladātrī ca sarvakalyāṇakāriṇī || 55 ||
sarvajñā sarvabhāgyaṁ ca sarvasantuṣṭidāyakā |
sarvabhāradharādēvī sarvadēśanivāsinī || 56 ||
sarvadēvapriyādēvī sarvadēvaprapūjitā |
sarvadōṣaharādēvī sarvapātakanāśinī || 57 ||
sarvasaṁsārasārāṇi sarvasaṅkaṣṭanāśinī |
sarvakalahavidhvaṁsī sarvavidyādhidēvatā || 58 ||
sarvamōhanakārī ca sarvamantraprasiddhidā |
sarvatantrātmikādēvī sarvayantrādhidēvatā || 59 ||
sarvamaṇḍalasaṁsthā ca sarvamāyāvimōhinī |
sarvahr̥dayavāsinyō sarvamātmasvarūpiṇī || 60 ||
sarvakāraṇakārī ca sarvaśāntasvarūpiṇī |
sarvasiddhikarasthā ca sarvavākyasvarūpiṇī || 61 ||
sarvādhārā nirādhārā sarvāṅgasundarī satī |
sarvavēdamayīdēvī sarvaśabdasvarūpiṇī || 62 ||
sarvabrahmāṇḍavyāptā ca sarvabrahmāṇḍavāsinī |
sarvācāraratā sādhvī sarvabījasvarūpiṇī || 63 ||
sarvōnmādavikāraghnī sarvakalmaṣanāśinī |
sarvadēhagatādēvī sarvayōgēśvarī parā || 64 ||
sarvakaṇṭhasthitā nityaṁ sarvagarbhāsurakṣakā |
sarvabhāvā prabhāvādyā sarvalakṣmīpradāyikā || 65 ||
sarvaiśvaryapradā dēvī sarvavāyusvarūpiṇī |
suralōkagatā dēvī sarvayōgēśvarī parā || 66 ||
sarvakaṇṭhasthitā nityaṁ surāsuravarapradā |
sūryakōṭipratīkāśā sūryamaṇḍalasaṁsthitā || 67 ||
śūnyamaṇḍalasaṁsthā ca sāttvikī satyadā tathā |
saritā saritāśrēṣṭhā sadācārasuśōbhitā || 68 ||
sākinī sāmyarūpā ca sādhvī sādhujanāśrayā |
siddhidā siddhirūpā ca siddhiḥ siddhivivardhinī || 69 ||
śriyakalyāṇadādēvī sarvamōhādhidēvatā |
siddhēśvarī ca siddhātmā sarvamēdhāvivardhinī || 70 ||
śaktirūpā ca śaktēśī śyāmā kaṣṭaniṣūdinī |
sarvabhakṣā śaṅkhinī ca sarasāgatakāriṇī || 71 ||
sarvapraṇavarūpā ca sarva akṣararūpiṇī |
sukhadā saukhyadā bhōgā sarvavighnavidāriṇī || 72 ||
santāpahā sarvabījā sāvitrī surasundarī |
śrīrūpā śrīkarī śrīśca śiśirācalavāsinī || 73 ||
śailaputrī śailadhātrī śaraṇāgatavallabhā |
ratnēśvarī ratnapradā ratnamandiravāsinī || 74 ||
ratnamālāvicitrāṅgī ratnasiṁhāsanasthitā |
rasadhārā rasaratā rasajñā rasavallabhā || 75 ||
rasabhōktrī rasarūpā ṣaḍrasajñā rasēśvarī | [rasaṣaṭ-jñā]
rasēndrabhūṣaṇā nityaṁ ratirūpā ratiḥpradā || 76 ||
rājyēśvarī rākiṇī ca rāvaṇāvaradāyakā |
rāmakāntā rāmapriyā rāmacandrasya vallabhā || 77 ||
rākṣasaghnī rājamātā rādhā rudrēśvarīti ca |
rukmiṇī ramaṇī rāmā rājyabhugrājyadāyakā || 78 ||
raktāmbaradharādēvī rakārākṣararūpiṇī |
rāsisthā rāmavaradā rājyadā rājyamaṇḍitā || 79 ||
rōgahā lōbhahā lōlā lalitā lalitēśvarī |
tantriṇī tantrarūpā ca tattvī tattvasvarūpiṇī || 80 ||
tapasā tapasī tārā taruṇānaṅgarūpiṇī |
tattvajñā tattvanilayā tattvālayanivāsinī || 81 ||
tamōguṇapradādēvī tāriṇī tantradāyikā |
takārākṣararūpā ca tārakābhayabhañjanī || 82 ||
tīrtharūpā tīrthasaṁsthā tīrthakōṭiphalapradā |
tīrthamātā tīrthajyēṣṭhā taraṅgatīrthadāyakā || 83 ||
trailōkyajananīdēvī trailōkyabhayabhañjanī |
tulasī tōtalā tīrthā tripurā tripurēśvarī || 84 ||
trailōkyapālakadhvaṁsī trivargaphaladāyakā |
trikālajñā trilōkēśī tr̥tīyajvaranāśinī || 85 ||
trinētradhārī triguṇā trisugandhivilēpinī |
trilōhadātrī gambhīrā tārāgaṇavilāsinī || 86 ||
trayōdaśaguṇōpētā turīyamūrtirūpiṇī |
tāṇḍavēśī tuṅgabhadrā tuṣṭistrētāyugapriyā || 87 ||
taraṅgiṇī taraṅgasthā tapōlōkanivāsinī |
taptakāñcanavarṇābhā tapaḥsiddhividhāyinī || 88 ||
triśaktistrimadhuprītā trivēṇī tripurāntakā |
padmasthā padmahastā ca paratraphaladāyakā || 89 ||
paramātmā padmavarṇā parāparatarāśubhā |
paramēṣṭhī parañjyōtiḥ pavitrā paramēśvarī || 90 ||
pārakartrī pāpahantrī pātakaughavināśinī |
paramānandadādēvī prītidā prītivardhinī || 91 ||
puṇyanāmnī puṇyadēhā puṣṭipustakadhāriṇī |
putradātrī putramātā puruṣārthapurēśvarī || 92 ||
paurṇimāpuṇyaphaladā paṅkajāsanasaṁsthitā |
pr̥thvīrūpā ca pr̥thivī pītāmbarasya vallabhā || 93 ||
pāṭhādēvī ca paṭhitā pāṭhēśī pāṭhavallabhā |
pannagāntakasaṁsthā ca parārdhāṅgōśca paddhatī || 94 ||
haṁsinī hāsinīdēvī harṣarūpā ca harṣadā |
haripriyā hēmagarbhā haṁsasthā haṁsagāminī || 95 ||
hēmālaṅkārasarvāṅgī haimācalanivāsinī |
hutvā hasitadēhā ca hāhāhūhūsadāpriyā || 96 ||
haṁsarūpā haṁsavarṇā hitā lōkatrayēśvarī |
huṅkāranādinīdēvī hutabhuktvā hutēśvarī || 97 ||
jñānarūpā ca jñānajñā jñānadā jñānasiddhidā |
jñānēśvarī jñānagamyā jñānī jñānaviśāladhīḥ || 98 ||
jñānamūrtirjñānadhātrī jñātavyākaraṇādinī |
ajñānanāśinīdēvī jñātā jñānārṇavēśvarī || 99 ||
mahādēvī mahāmōhā mahāyōgaratā tathā |
mahāvidyā mahāprajñā mahājñānā mahēśvarī || 100 ||
mañjuśrī mañjuraprītā mañjughōṣasya vanditā |
mahāmañjurikādēvī maṇīmukuṭaśōbhitā || 101 ||
mālādharī mantramūrtirmadanī madanapradā |
mānarūpā manasī ca matirmatimanōtsavā || 102 ||
mānēśvarī mānamānyā madhusūdanavallabhā |
mr̥ḍapriyā mūlasaṁsthā mūrdhnisthā munivanditā || 103 ||
mukhabēktā mūḍhahantā mr̥tyurbhayavināśinī |
mr̥ttikā mātr̥kā mēdhā mēdhāvī mādhavapriyā || 104 ||
makārākṣararūpā ca maṇiratnavibhūṣitā |
mantrārādhanatattvajñā mantrayantraphalapradā || 105 ||
manōdbhavā mandahāsā maṅgalā maṅgalēśvarī |
maunahantrī mōdadātrī mainākaparvatē sthitā || 106 ||
maṇimatī manōjñā ca mātā mārgavilāsinī |
mūlamārgaratādēvī māsā (ca) mānadāyinī || 107 ||
bhāratī bhuvanēśī ca bhūtajñā bhūtapūjitā |
bhadragaṅgā bhadrarūpā bhuvanā bhuvanēśvarī || 108 ||
bhairavī bhōgadādēvī bhaiṣajyā bhairavapriyā |
bhavānandā bhavātuṣṭī bhāvinī bharatārcitā || 109 ||
bhāgīrathī bhāṣyarūpā bhāgyā bhāgyavatīti ca |
bhadrakalyāṇadādēvī bhrāntahā bhramanāśinī || 110 ||
bhīmēśvarī bhītihantrī bhavapātakabhañjanī |
bhaktōtsavā bhaktapriyā bhaktasthā bhaktavatsalā || 111 ||
bhañjarī bhūtadōṣaghnī bhavamātā bhavēśvarī |
bhayahā bhagnahā bhavyā bhavakāraṇakāriṇī || 112 ||
bhūtaiśvaryapradā dēvī bhūṣaṇāṅgī bhavapriyā |
anantajñānasampannā akārākṣararūpiṇī || 113 ||
anantamahimā tryakṣī ajapāmantrarūpiṇī |
anēkasr̥ṣṭisampūrṇā anēkākṣarajñānadā || 114 ||
ānandadāyinī dēvī amr̥tā amr̥tōdbhavā |
ānandinī ca arihā antasthā agnivacchaviḥ || 115 ||
atyantajñānasampannā aṇimādiprasiddhidā |
ārōgyadāyinī ājñā ādiśaktirabhīruhā || 116 ||
agōcarī ādimātā aśvatthavr̥kṣavāsinī |
dharmāvatī dharmadharī dharaṇīdharavallabhā || 117 ||
dhāraṇā dhāraṇādhīśā dharmarūpadharādharī |
dharmamātā dharmakartrī dhanadā ca dhanēśvarī || 118 ||
dhruvalōkagatā dhātā dharitrī dhēnurūpadhr̥k |
dhīrūpā dhīpradā dhīśā dhr̥tirvāksiddhidāyakā || 119 ||
dhairyakr̥ddhairyadā dhairyā dhautavastrēṇa śōbhitā |
dhurandharī dhundhimātā dhāraṇāśaktirūpiṇī || 120 ||
vaikuṇṭhasthā kaṇṭhanilayā kāmadā kāmacāriṇī |
kāmadhēnusvarūpā ca kaṣṭakallōlahāriṇī || 121 ||
kumudahāsinī nityaṁ kailāsapadadāyakā |
kamalā kamalasthā ca kālahā klēśanāśinī || 122 ||
kalāṣōḍaśasamyuktā kaṅkālī kamalēśvarī |
kumārī kulasantōṣā kulajñā kulavardhinī || 123 ||
kālakūṭaviṣadhvaṁsī kamalāpatimōhanī |
kumbhasthā kalaśasthā ca kr̥ṣṇavakṣavilāsinī || 124 ||
kr̥tyādidōṣahā kuntī kastūrītilakapriyā |
karpuravāsitādēhā karpūramōdadhāriṇī || 125 ||
kuśasthā kuśamūlasthā kubjā kaiṭabhanāśinī |
kurukṣētrakr̥tā dēvī kulaśrī kulabhairavī || 126 ||
kr̥tabrahmāṇḍasarvēṣāṁ kālī kaṅkaṇadhāriṇī |
kubērapūjitā dēvī kaṇṭhakr̥tkaṇṭhakarṣaṇī || 127 ||
kumudaḥpuṣpasantuṣṭā kiṅkiṇīpādabhūṣiṇī |
kuṅkumēna viliptāṅgī kuṅkumadravalēpitā || 128 ||
kumbhakarṇasya bhramadā kuñjarāsanasaṁsthitā |
kusumamālikāvētrī kauśikīkusumapriyā || 129 ||
yajñarūpā ca yajñēśī yaśōdā jalaśāyinī |
yajñavidyā yōgamāyā jānakī jananī jayā || 130 ||
yamunājapasantuṣṭā japayajñēphalapradā |
yōgadhātrī yōgadātrī yamalōkanivāriṇī || 131 ||
yaśaḥkīrtipradā yōgī yuktidā yuktidāyanī |
yauvanī yugadhātrī ca yamalārjunabhañjanī || 132 ||
jr̥mbhaṇyādiratādēvī jamadagniprapūjitā |
jālandharī jitakrōdhā jīmūtaiśvaryadāyakā || 133 ||
kṣēmarūpā kṣēmakarī kṣētradā kṣētravardhinī |
kṣārasamudrasaṁsthā ca kṣīrajā kṣīradāyakā || 134 ||
kṣudhāhantrī kṣēmadhātrī kṣīrārṇavasamudbhavā |
kṣīrapriyā kṣīrabhōjī kṣatriyakulavardhinī || 135 ||
khagēndravāhinī kharva khacārīṇī khagēśvarī |
kharayūthavināśī ca khaḍgahastā ca khañjanā || 136 ||
ṣaṭcakrādhārasaṁsthā ca ṣaṭcakrasyādhidēvatā |
ṣaḍaṅgajñānasampannā khaṇḍacandrārdhaśēkharā || 137 ||
ṣaṭkarmarahitā khyātā kharabuddhinivāriṇī |
ṣōḍaśādhārakr̥ddēvī ṣōḍaśabhujaśōbhitā || 138 ||
ṣōḍaśamūrtī ṣōḍaśyā khaḍgakhēṭakadhāriṇī |
ghr̥tapriyā ghargharikā ghurghurīnādaśōbhitā || 139 ||
ghaṇṭāninādasantuṣṭā ghaṇṭaśabdasvarūpiṇī |
ghaṭikāghaṭasaṁsthā ca ghrāṇavāsī ghanēśvarī || 140 ||
cārunētrā cāruvaktrā caturbāhuścaturbhujā |
cañcalā capalā citrā citriṇī citrarañjinī || 141 ||
candrabhāgā candrahāsā citrasthā citraśōbhanā |
citravicitramālyāṅgī candrakōṭisamaprabhā || 142 ||
candramā ca caturvēdā pracaṇḍā caṇḍaśēkharī |
cakramadhyēsthitā dēvī cakrahastā ca cakriṇī || 143 ||
candracūḍā cārudēhā caṇḍamuṇḍavināśinī |
caṇḍēśvarī citralēkhā caraṇē nūpurairyutā || 144 ||
caitrādimāsarūpā sā cāmarabhujadhāriṇī |
carvikā carcikā divyā campādēvī caturthacit || 145 ||
caturbhujapriyā nityaṁ caturvargaphalapradā |
catussāgarasaṅkhyātā cakravartiphalapradā || 146 ||
chatradātrī chinnamastā chalamadhyēnivāsinī |
chāyārūpā ca chatrasthā churikāhastadhāriṇī || 147 ||
uttamāṅgī ukārasthā umādēvīsvarūpiṇī |
ūrdhvāmnāyī ūrdhvagāmyā ōṅkārākṣararūpiṇī || 148 ||
ēkavaktrā dēvamātā aindrī aiśvaryadāyakā |
auṣadhīśō cauṣadhīkr̥t ōṣṭhasthā ōṣṭhavāsinī || 149 ||
sthāvarasthā sthalacarā sthitisaṁhārakārikā |
ruṁ ruṁ śabdasvarūpā ca ruṅkārākṣararūpiṇī || 150 ||
āryudā adbhutapradā āmnāyaṣaṭsvarūpiṇī |
annapūrṇā annadātrī āśā sarvajanasya ca || 151 ||
ārtihārī ca asvasthā aśēṣaguṇasamyutā |
śuddharūpā surūpā ca sāvitrī sādhakēśvarī || 152 ||
bālikā yuvatī vr̥ddhā viśvāsī viśvapālinī |
phakārarūpā phaladā phalavarti phalapradā || 153 ||
phaṇīndrabhūṣaṇā dēvī phakārakṣararūpiṇī |
r̥ddhirūpī r̥kārasthā r̥ṇahā r̥ṇanāśinī || 154 ||
rēṇurākāraramaṇī paribhāṣā subhāṣitā |
prāṇāpānasamānaścōdānavyānau dhanañjayā || 155 ||
kr̥karā vāyurūpā ca kr̥tajñā śaṅkhinī tathā |
kurmanāmnyunmīlanakarī jihvakasvādumīlanā || 156 ||
jihvārūpā jihvasaṁsthā jihvāsvādapradāyakā |
smr̥tidā smr̥timūlasthā ślōkakr̥cchlōkarāśikr̥t || 157 ||
ādhārē saṁsthitā dēvī anāhatanivāsinī |
nābhisthā hr̥dayasthā ca bhrūmadhyē dvidalē sthitā || 158 ||
sahasradalasaṁsthā ca gurupatnīsvarūpiṇī |
iti tē kathitaṁ brahma nāmnā vāgvādinī param || 159 ||
sahasraṁ tu mahāgōpyaṁ dēvānāmapi durlabham |
na prakāśyaṁ mayā:’:’khyātaṁ tava snēhēna ātmabhūḥ || 160 ||
ēkakālaṁ dvikālaṁ vā trikālaṁ vāpi bhaktitaḥ |
na tēṣāṁ durlabhaṁ kiñcit triṣu lōkēṣu vallabhā || 161 ||
sādhakābhīṣṭadō brahmā sarvavidyāviśāradaḥ |
trivāraṁ yō paṭhiṣyanti naraḥ śaktidharō bhavēt || 162 ||
pañcadhā bhāgyamāpnōti saptadhā dhanavānbhavēt |
navamaiśvaryamāpnōti sādhakaḥ śuddhacētasā || 163 ||
paṭhēdēkādaśō nityaṁ sa siddhibhājanō bhavēt |
māsamēkaṁ paṭhitvā tu bhavēdvāgīśvarōpamaḥ || 164 ||
māsaṣaṭkaṁ paṭhēddhīmān sarvavidyā prajāyatē |
vatsaraikaṁ paṭhēdyō māṁ sākṣātsarvāṅgatattvavit || 165 ||
gōrōcanākuṅkumēna vilikhēdbhūrjapatrakē |
pūjayitvā vidhānēna dēvīṁ vāgīśvarīṁ japēt || 166 ||
sahasravārapaṭhanānmūkō:’pi sukavirbhavēt |
pañcamyāṁ ca daśamyāṁ ca pūrṇamāsyāmathāpi vā || 167 ||
gurōrādhanatattvēnamarcayēdbhaktibhāvataḥ |
jaḍaṁ hanti gadaṁ hanti vāntibhrāntivināśanam || 168 ||
buddhi mēdhā pravardhantē ārōgyaṁ ca dinē dinē |
alpamr̥tyubhayaṁ nāsti bhūtavētālaḍakinī- || 169 ||
-rākṣasīgrahadōṣaghnaṁ kalidōṣanivāraṇam |
ādhivyādhijalōnmatta apasmāraṁ na bādhatē || 170 ||
prātaḥkālē paṭhēnnityamunmādaśca vinaśyati |
mēdhākāntismr̥tidā bhōgamōkṣamavāpyatē || 171 ||
mahāvyādhimahāmūṭhanirmūlanaṁ bhavētkṣaṇāt |
vidyārambhē ca vādē ca vidēśagamanē tathā || 172 ||
yātrākālē paṭhēgatvādvijayaṁ nātra saṁśayaḥ |
siddhaṁ mūlī tathā brāhmī ugragandhā harītakī || 173 ||
caturdravyasamāyuktaṁ bhaktiyuktēna mānasā |
brāhmaṇēna labhēdvidyā rājyaṁ ca kṣatriyō labhēt || 174 ||
vaiśyō vāṇijyasiddhiṁ ca śūdrēṣu ciraṁ jīvitaḥ |
vāgvādinīsarasvatyāḥ sahasraṁ nāma yaḥ smarēt || 175 ||
tasya buddhiḥ sthirā lakṣmī jāyatē nātra saṁśayaḥ |
yaṁ yaṁ kāmayatē martyastaṁ taṁ prāpnōti nityaśaḥ || 176 ||
ataḥ paraṁ kimuktēna paramēṣṭhī mahātmanaḥ |
sarvān kāmān labhēt sadyaḥ lōkavaśyaṁ tikārakaḥ || 177 ||
ṣaṭkarmaṁ ca mahāsiddhimantrayantrādigīśvaraḥ |
kāmakrōdhādahaṅkāradambhalōbhaṁ vinaśyati || 178 ||
puruṣārthī bhavēdvidvān vijitvā tu mahītalē |
nātaḥparataraṁ stōtraṁ sarasvatyā pitāmaha || 179 ||
na dēyaṁ paraśiṣyēbhyō bhaktihīnāya nindakē |
subhaktēbhyō suśiṣyēbhyō dēyaṁ dēyaṁ na saṁśayaḥ || 180 ||
idaṁ stōtraṁ paṭhitvā tu yatra yatraiva gacchati |
kāryasiddhiśca jāyantē nirvighnaṁ punarāgamaḥ || 181 ||
iti śrībhaviṣyōttarapurāṇē śrīnandikēśvarabrahmāsaṁvādē sarvādhārasamayē hr̥dayākarṣaṇakāraṇē śrī vāgvādinī sahasranāma stōtram ||
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.