Read in తెలుగు / ಕನ್ನಡ / தமிழ் / देवनागरी / English (IAST)
|| saptajanāśramapraṇāmaḥ ||
r̥śyamūkāt sa dharmātmā kiṣkindhāṁ lakṣmaṇāgrajaḥ |
jagāma sahasugrīvō vālivikramapālitām || 1 ||
samudyamya mahaccāpaṁ rāmaḥ kāñcanabhūṣitam |
śarāṁścādityasaṅkāśān gr̥hītvā raṇasādhakān || 2 ||
agratastu yayau tasya rāghavasya mahātmanaḥ |
sugrīvaḥ saṁhatagrīvō lakṣmaṇaśca mahābalaḥ || 3 ||
pr̥ṣṭhatō hanumān vīrō nalō nīlaśca vānaraḥ |
tāraścaiva mahātējā hariyūthapayūthapaḥ || 4 ||
tē vīkṣamāṇā vr̥kṣāṁśca puṣpabhārāvalambinaḥ |
prasannāmbuvahāścaiva saritaḥ sāgaraṅgamāḥ || 5 ||
kandarāṇi ca śailāṁśca nirdarāṇi guhāstathā |
śikharāṇi ca mukhyāni darīśca priyadarśanāḥ || 6 ||
vaiḍūryavimalaiḥ parṇaiḥ padmaiścākōśakuḍmalaiḥ |
śōbhitān sajalān mārgē taṭākāṁśca vyalōkayan || 7 ||
kāraṇḍaiḥ sārasairhaṁsairvañjulairjalakukkuṭaiḥ |
cakravākaistathā cānyaiḥ śakunairupanāditān || 8 ||
mr̥duśaṣpāṅkurāhārānnirbhayān vanagōcarān |
carataḥ sarvatō:’paśyan sthalīṣu hariṇān sthitān || 9 ||
taṭākavairiṇaścāpi śukladantavibhūṣitān |
ghōrānēkacarān vanyān dviradān kūlaghātinaḥ || 10 ||
mattān giritaṭōtkr̥ṣṭān jaṅgamāniva parvatān |
vāraṇān vāridaprakhyān mahīrēṇusamukṣitān || 11 ||
vanē vanacarāṁścānyān khēcarāṁśca vihaṅgamān |
paśyantastvaritā jagmuḥ sugrīvavaśavartinaḥ || 12 ||
tēṣāṁ tu gacchatāṁ tatra tvaritaṁ raghunandanaḥ |
drumaṣaṇḍa vanaṁ dr̥ṣṭvā rāmaḥ sugrīvamabravīt || 13 ||
ēṣa mēgha ivākāśē vr̥kṣaṣaṇḍaḥ prakāśatē |
mēghasaṅghātavipulaḥ paryantakadalīvr̥taḥ || 14 ||
kimētajjñātumicchāmi sakhē kautūhalaṁ hi mē |
kautūhalāpanayanaṁ kartumicchāmyahaṁ tvayā || 15 ||
tasya tadvacanaṁ śrutvā rāghavasya mahātmanaḥ |
gacchannēvācacakṣē:’tha sugrīvastanmahadvanam || 16 ||
ētadrāghava vistīrṇamāśramaṁ śramanāśanam |
udyānavanasampannaṁ svādumūlaphalōdakam || 17 ||
atra saptajanā nāma munayaḥ saṁśitavratāḥ |
saptaivāsannadhaḥ śīrṣā niyataṁ jalaśāyinaḥ || 18 ||
saptarātrakr̥tāhārā vāyunā vanavāsinaḥ |
divaṁ varṣaśatairyātāḥ saptabhiḥ sakalēvarāḥ || 19 ||
tēṣāmēvamprabhāvānāṁ drumaprākārasaṁvr̥tam |
āśramaṁ sudurādharṣamapi sēndraiḥ surāsuraiḥ || 20 ||
pakṣiṇō varjayantyētattathānyē vanacāriṇaḥ |
viśanti mōhādyē tatra nivartantē na tē punaḥ || 21 ||
vibhūṣaṇaravāścātra śrūyantē sakalākṣarāḥ |
tūryagītasvanāścātra gandhō divyaśca rāghava || 22 ||
trētāgnayō:’pi dīpyantē dhūmō hyatra prakāśatē |
vēṣṭayanniva vr̥kṣāgrān kapōtāṅgāruṇō ghanaḥ || 23 ||
ētē vr̥kṣāḥ prakāśantē dhūmasaṁsaktamastakāḥ |
mēghajālapraticchannā vaiḍūryagirayō yathā || 24 ||
kuru praṇāmaṁ dharmātmaṁstān samuddiśya rāghava |
lakṣmaṇēna saha bhrātrā prayataḥ samyatāñjaliḥ || 25 ||
praṇamanti hi yē tēṣāṁ munīnāṁ bhāvitātmanām |
na tēṣāmaśubhaṁ kiñciccharīrē rāma dr̥śyatē || 26 ||
tatō rāmaḥ saha bhrātrā lakṣmaṇēna kr̥tāñjaliḥ |
samuddiśya mahātmānastānr̥ṣīnabhyavādayat || 27 ||
abhivādya tu dharmātmā rāmō bhrātā ca lakṣmaṇaḥ |
sugrīvō vānarāścaiva jagmuḥ saṁhr̥ṣṭamānasāḥ || 28 ||
tē gatvā dūramadhvānaṁ tasmāt saptajanāśramāt |
dadr̥śustāṁ durādharṣāṁ kiṣkindhāṁ vālipālitām || 29 ||
tatastu rāmānujarāmavānarāḥ
pragr̥hya śastrāṇyuditārkatējasaḥ |
purīṁ surēśātmajavīryapālitāṁ
vadhāya śatrōḥ punarāgatāḥ saha || 30 ||
ityārṣē śrīmadrāmāyaṇē vālmīkīyē ādikāvyē kiṣkindhākāṇḍē trayōdaśaḥ sargaḥ || 13 ||
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē araṇyakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.