Sundarakanda Sarga (Chapter) 45 – ஸுந்த³ரகாண்ட³ பஞ்சசத்வாரிம்ஶ꞉ ஸர்க³꞉ (45)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே ஸுந்த³ரகாண்ட³ → ஸுந்த³ரகாண்ட³ பஞ்சசத்வாரிம்ஶ꞉ ஸர்க³꞉ (45)

॥ அமாத்யபுத்ரவத⁴꞉ ॥

ததஸ்தே ராக்ஷஸேந்த்³ரேண சோதி³தா மந்த்ரிணாம் ஸுதா꞉ ।
நிர்யயுர்ப⁴வநாத்தஸ்மாத்ஸப்த ஸப்தார்சிவர்சஸ꞉ ॥ 1 ॥

மஹாப³லபரீவாரா த⁴நுஷ்மந்தோ மஹாப³லா꞉ ।
க்ருதாஸ்த்ராஸ்த்ரவிதா³ம் ஶ்ரேஷ்டா²꞉ பரஸ்பரஜயைஷிண꞉ ॥ 2 ॥

ஹேமஜாலபரிக்ஷிப்தைர்த்⁴வஜவத்³பி⁴꞉ பதாகிபி⁴꞉ ।
தோயத³ஸ்வநநிர்கோ⁴ஷைர்வாஜியுக்தைர்மஹாரதை²꞉ ॥ 3 ॥

தப்தகாஞ்சநசித்ராணி சாபாந்யமிதவிக்ரமா꞉ ।
விஸ்பா²ரயந்த꞉ ஸம்ஹ்ருஷ்டாஸ்தடித்வந்த இவாம்பு³தா³꞉ ॥ 4 ॥

ஜநந்யஸ்து ததஸ்தேஷாம் விதி³த்வா கிங்கராந்ஹதாந் ।
ப³பூ⁴வு꞉ ஶோகஸம்ப்⁴ராந்தா꞉ ஸபா³ந்த⁴வஸுஹ்ருஜ்ஜநா꞉ ॥ 5 ॥

தே பரஸ்பரஸங்க⁴ர்ஷாத்தப்தகாஞ்சநபூ⁴ஷணா꞉ ।
அபி⁴பேதுர்ஹநூமந்தம் தோரணஸ்த²மவஸ்தி²தம் ॥ 6 ॥

ஸ்ருஜந்தோ பா³ணவ்ருஷ்டிம் தே ரத²க³ர்ஜிதநி꞉ஸ்வநா꞉ ।
வ்ருஷ்டிமந்த இவாம்போ⁴தா³ விசேருர்நைர்ருதாம்பு³தா³꞉ ॥ 7 ॥

அவகீர்ணஸ்ததஸ்தாபி⁴ர்ஹநுமாஞ்ஶரவ்ருஷ்டிபி⁴꞉ ।
அப⁴வத்ஸம்வ்ருதாகார꞉ ஶைலராடி³வ வ்ருஷ்டிபி⁴꞉ ॥ 8 ॥

ஸ ஶராந்மோக⁴யாமாஸ தேஷாமாஶுசர꞉ கபி꞉ ।
ரத²வேக³ம் ச வீராணாம் விசரந்விமலே(அ)ம்ப³ரே ॥ 9 ॥

ஸ தை꞉ க்ரீட³ந்த⁴நுஷ்மத்³பி⁴ர்வ்யோம்நி வீர꞉ ப்ரகாஶதே ।
த⁴நுஷ்மத்³பி⁴ர்யதா² மேகை⁴ர்மாருத꞉ ப்ரபு⁴ரம்ப³ரே ॥ 10 ॥

ஸ க்ருத்வா நிநத³ம் கோ⁴ரம் த்ராஸயம்ஸ்தாம் மஹாசமூம் ।
சகார ஹநுமாந்வேக³ம் தேஷு ரக்ஷ꞉ஸு வீர்யவாந் ॥ 11 ॥

தலேநாப்⁴யஹநத்காம்ஶ்சித்பத்³ப்⁴யாம் காம்ஶ்சித்பரந்தப꞉ । [பாதை³꞉]
முஷ்டிநாப்⁴யஹநத்காம்ஶ்சிந்நகை²꞉ காம்ஶ்சித்³வ்யதா³ரயத் ॥ 12 ॥

ப்ரமமாதோ²ரஸா காம்ஶ்சிதூ³ருப்⁴யாமபராந்கபி꞉ ।
கேசித்தஸ்ய நிநாதே³ந தத்ரைவ பதிதா பு⁴வி ॥ 13 ॥

ததஸ்தேஷ்வவஸந்நேஷு பூ⁴மௌ நிபதிதேஷு ச ।
தத்ஸைந்யமக³மத்ஸர்வம் தி³ஶோ த³ஶ ப⁴யார்தி³தம் ॥ 14 ॥

விநேது³ர்விஸ்வரம் நாகா³ நிபேதுர்பு⁴வி வாஜிந꞉ ।
ப⁴க்³நநீட³த்⁴வஜச்ச²த்ரைர்பூ⁴ஶ்ச கீர்ணா(அ)ப⁴வத்³ரதை²꞉ ॥ 15 ॥

ஸ்ரவதா ருதி⁴ரேணாத² ஸ்ரவந்த்யோ த³ர்ஶிதா꞉ பதி² ।
விவிதை⁴ஶ்ச ஸ்வரைர்லங்கா நநாத³ விக்ருதம் ததா³ ॥ 16 ॥

ஸ தாந்ப்ரவ்ருத்³தா⁴ந்விநிஹத்ய ராக்ஷஸா-
-ந்மஹாப³லஶ்சண்ட³பராக்ரம꞉ கபி꞉ ।
யுயுத்ஸுரந்யை꞉ புநரேவ ராக்ஷஸை-
-ஸ்ததே³வ வீரோபி⁴ஜகா³ம தோரணம் ॥ 17 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ பஞ்சசத்வாரிம்ஶ꞉ ஸர்க³꞉ ॥ 45 ॥

ஸுந்த³ரகாண்ட³ ஷட்சத்வாரிம்ஶ꞉ ஸர்க³꞉ (46)>>

---

ஸம்பூர்ண வால்மீகி ஸுந்த³ரகாண்ட³ம் பார்க்க.

Did you see any mistake/variation in the content above? Click here to report mistakes and corrections in Stotranidhi content.