Srimad Bhagavadgita Chapter 15 – பஞ்சத³ஶோ(அ)த்⁴யாய꞉ – புருஷோத்தமயோக³꞉

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீமத்³ப⁴க³வத்³கீ³தா → 15. புருஷோத்தமயோக³꞉

ஶ்ரீப⁴க³வாநுவாச ।
ஊர்த்⁴வமூலமத⁴꞉ஶாக²மஶ்வத்த²ம் ப்ராஹுரவ்யயம் ।
ச²ந்தா³ம்ஸி யஸ்ய பர்ணாநி யஸ்தம் வேத³ ஸ வேத³வித் ॥ 1 ॥

அத⁴ஶ்சோர்த்⁴வம் ப்ரஸ்ருதாஸ்தஸ்ய ஶாகா²
கு³ணப்ரவ்ருத்³தா⁴ விஷயப்ரவாளா꞉ ।
அத⁴ஶ்ச மூலாந்யநுஸந்ததாநி
கர்மாநுப³ந்தீ⁴நி மநுஷ்யலோகே ॥ 2 ॥

ந ரூபமஸ்யேஹ ததோ²பலப்⁴யதே
நாந்தோ ந சாதி³ர்ந ச ஸம்ப்ரதிஷ்டா² ।
அஶ்வத்த²மேநம் ஸுவிரூட⁴மூலம்
அஸங்க³ஶஸ்த்ரேண த்³ருடே⁴ந சி²த்த்வா ॥ 3 ॥

தத꞉ பத³ம் தத் பரிமார்கி³தவ்யம்
யஸ்மின் க³தா ந நிவர்தந்தி பூ⁴ய꞉ ।
தமேவ சாத்³யம் புருஷம் ப்ரபத்³யே ।
யத꞉ ப்ரவ்ருத்தி꞉ ப்ரஸ்ருதா புராணீ ॥ 4 ॥

நிர்மாநமோஹா ஜிதஸங்க³தோ³ஷா
அத்⁴யாத்மநித்யா விநிவ்ருத்தகாமா꞉ ।
த்³வந்த்³வைர்விமுக்தா꞉ ஸுக²து³꞉க²ஸஞ்ஜ்ஞை-
-ர்க³ச்ச²ந்த்யமூடா⁴꞉ பத³மவ்யயம் தத் ॥ 5 ॥

ந தத்³பா⁴ஸயதே ஸூர்யோ ந ஶஶாங்கோ ந பாவக꞉ ।
யத்³க³த்வா ந நிவர்தந்தே தத்³தா⁴ம பரமம் மம ॥ 6 ॥

மமைவாம்ஶோ ஜீவலோகே ஜீவபூ⁴த꞉ ஸநாதந꞉ ।
மந꞉ஷஷ்டா²நீந்த்³ரியாணி ப்ரக்ருதிஸ்தா²நி கர்ஷதி ॥ 7 ॥

ஶரீரம் யத³வாப்நோதி யச்சாப்யுத்க்ராமதீஶ்வர꞉ ।
க்³ருஹீத்வைதாநி ஸம்யாதி வாயுர்க³ந்தா⁴நிவாஶயாத் ॥ 8 ॥

ஶ்ரோத்ரம் சக்ஷு꞉ ஸ்பர்ஶநம் ச ரஸநம் க்⁴ராணமேவ ச ।
அதி⁴ஷ்டா²ய மநஶ்சாயம் விஷயாநுபஸேவதே ॥ 9 ॥

உத்க்ராமந்தம் ஸ்தி²தம் வாபி பு⁴ஞ்ஜாநம் வா கு³ணாந்விதம் ।
விமூடா⁴ நாநுபஶ்யந்தி பஶ்யந்தி ஜ்ஞாநசக்ஷுஷ꞉ ॥ 10 ॥

யதந்தோ யோகி³நஶ்சைநம் பஶ்யந்த்யாத்மந்யவஸ்தி²தம் ।
யதந்தோ(அ)ப்யக்ருதாத்மாநோ நைநம் பஶ்யந்த்யசேதஸ꞉ ॥ 11 ॥

யதா³தி³த்யக³தம் தேஜோ ஜக³த்³பா⁴ஸயதே(அ)கி²லம் ।
யச்சந்த்³ரமஸி யச்சாக்³நௌ தத் தேஜோ வித்³தி⁴ மாமகம் ॥ 12 ॥

கா³மாவிஶ்ய ச பூ⁴தாநி தா⁴ரயாம்யஹமோஜஸா ।
புஷ்ணாமி சௌஷதீ⁴꞉ ஸர்வா꞉ ஸோமோ பூ⁴த்வா ரஸாத்மக꞉ ॥ 13 ॥

அஹம் வைஶ்வாநரோ பூ⁴த்வா ப்ராணிநாம் தே³ஹமாஶ்ரித꞉ ।
ப்ராணாபாநஸமாயுக்த꞉ பசாம்யந்நம் சதுர்வித⁴ம் ॥ 14 ॥

ஸர்வஸ்ய சாஹம் ஹ்ருதி³ ஸம்நிவிஷ்டோ
மத்த꞉ ஸ்ம்ருதிர்ஜ்ஞாநமபோஹநம் ச ।
வேதை³ஶ்ச ஸர்வைரஹமேவ வேத்³யோ
வேதா³ந்தக்ருத்³வேத³விதே³வ சாஹம் ॥ 15 ॥

த்³வாவிமௌ புருஷௌ லோகே க்ஷரஶ்சாக்ஷர ஏவ ச ।
க்ஷர꞉ ஸர்வாணி பூ⁴தாநி கூடஸ்தோ²(அ)க்ஷர உச்யதே ॥ 16 ॥

உத்தம꞉ புருஷஸ்த்வந்ய꞉ பரமாத்மேத்யுதா³ஹ்ருத꞉ ।
யோ லோகத்ரயமாவிஶ்ய பி³ப⁴ர்த்யவ்யய ஈஶ்வர꞉ ॥ 17 ॥

யஸ்மாத் க்ஷரமதீதோ(அ)ஹமக்ஷராத³பி சோத்தம꞉ ।
அதோ(அ)ஸ்மி லோகே வேதே³ ச ப்ரதி²த꞉ புருஷோத்தம꞉ ॥ 18 ॥

யோ மாமேவமஸம்மூடோ⁴ ஜாநாதி புருஷோத்தமம் ।
ஸ ஸர்வவித்³ப⁴ஜதி மாம் ஸர்வபா⁴வேந பா⁴ரத ॥ 19 ॥

இதி கு³ஹ்யதமம் ஶாஸ்த்ரமித³முக்தம் மயாநக⁴ ।
ஏதத்³பு³த்³த்⁴வா பு³த்³தி⁴மான் ஸ்யாத் க்ருதக்ருத்யஶ்ச பா⁴ரத ॥ 20 ॥

இதி ஶ்ரீமத்³ப⁴க³வத்³கீ³தாஸூபநிஷத்ஸு ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருஷ்ணார்ஜுந ஸம்வாதே³ புருஷோத்தமயோகோ³ நாம பஞ்சத³ஶோ(அ)த்⁴யாய꞉ ॥ 15 ॥

ஷோட³ஶோ(அ)த்⁴யாய꞉ – தை³வாஸுரஸம்பத்³விபா⁴க³யோக³꞉ >>

---

ஸம்பூர்ண ஶ்ரீமத்³ப⁴க³வத்³கீ³தா பார்க்க.

Did you see any mistake/variation in the content above? Click here to report mistakes and corrections in Stotranidhi content.