Read in తెలుగు / ಕನ್ನಡ / தமிழ் / देवनागरी / English (IAST)
ஶ்ரீவல்லப⁴ஸோத³ரீ ஶ்ரிதஜநஶ்சித்³தா³யிநீ ஶ்ரீமதீ
ஶ்ரீகண்டா²ர்த⁴ஶரீரகா³ ஶ்ருதிலஸந்மாணிக்யதாடங்ககா ।
ஶ்ரீசக்ராந்தரவாஸிநீ ஶ்ருதிஶிர꞉ ஸித்³தா⁴ந்தமார்க³ப்ரியா
ஶ்ரீவாணீ கி³ரிஜாத்மிகா ப⁴க³வதீ ஶாகம்ப⁴ரீ பாது மாம் ॥ 1 ॥
ஶாந்தா ஶாரத³சந்த்³ரஸுந்த³ரமுகீ² ஶால்யந்நபோ⁴ஜ்யப்ரியா
ஶாகை꞉ பாலிதவிஷ்டபா ஶதத்³ருஶா ஶாகோல்லஸத்³விக்³ரஹா ।
ஶ்யாமாங்கீ³ ஶரணாக³தார்திஶமநீ ஶக்ராதி³பி⁴꞉ ஸம்ஸ்துதா
ஶங்கர்யஷ்டப²லப்ரதா³ ப⁴க³வதீ ஶாகம்ப⁴ரீ பாது மாம் ॥ 2 ॥
கஞ்ஜாக்ஷீ கலஶீ ப⁴வாதி³விநுதா காத்யாயநீ காமதா³
கல்யாணீ கமலாலயா கரக்ருதாம்போ⁴ஜாஸிகே²டாப⁴யா ।
காத³ம்வாஸவமோதி³நீ குசலஸத்காஶ்மீரஜாலேபநா
கஸ்தூரீதிலகாஞ்சிதா ப⁴க³வதீ ஶாகம்ப⁴ரீ பாது மாம் ॥ 3 ॥
ப⁴க்தாநந்த³விதா⁴யிநீ ப⁴வப⁴யப்ரத்⁴வம்ஸிநீ பை⁴ரவீ
ப⁴ஸ்மாலங்க்ருதிபா⁴ஸுரா பு⁴வநபீ⁴க்ருத்³து³ர்க³த³ர்பாபஹா ।
பூ⁴ப்⁴ருந்நாயகநந்தி³நீ பு⁴வநஸூர்பா⁴ஸ்வத்பர꞉ கோடிபா⁴
பௌ⁴மாநந்த³விஹாரிணீ ப⁴க³வதீ ஶாகம்ப⁴ரீ பாது மாம் ॥ 4 ॥
ரீதாம்நாயஶிகா²ஸு ரக்தத³ஶநா ராஜீவபத்ரேக்ஷணா
ராகாராஜகராவதா³தஹஸிதா ராகேந்து³பி³ம்ப³ஸ்தி²தா ।
ருத்³ராணீ ரஜநீகரார்ப⁴கலஸந்மௌளீ ரஜோருபிணீ
ரக்ஷ꞉ ஶிக்ஷணதீ³க்ஷிதா ப⁴க³வதீ ஶாகம்ப⁴ரீ பாது மாம் ॥ 5 ॥
ஶ்லோகாநாமிஹ பஞ்சகம் பட²தி ய꞉ ஸ்தோத்ராத்மகம் ஶர்மத³ம்
ஸர்வாபத்திவிநாஶகம் ப்ரதிதி³நம் ப⁴க்த்யா த்ரிஸந்த்⁴யம் நர꞉ ।
ஆயு꞉பூர்ணமபாரமர்த²மமலாம் கீர்திம் ப்ரஜாமக்ஷயாம்
ஶாகம்ப⁴ர்யநுகம்பயா ஸ லப⁴தே வித்³யாம் ச விஶ்வார்த²காம் ॥ 6 ॥
இதி ஶ்ரீமச்ச²ங்கராசார்யவிரசிதம் ஶாகம்ப⁴ரீ பஞ்சகம் ॥
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.