Sri Balarama Kavacham – ஶ்ரீ ப³லராம கவசம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → த³ஶாவதார ஸ்தோத்திரங்கள் → ஶ்ரீ ப³லராம கவசம்

து³ர்யோத⁴ந உவாச ।
கோ³பீப்⁴ய꞉ கவசம் த³த்தம் க³ர்கா³சார்யேண தீ⁴மதா ।
ஸர்வரக்ஷாகரம் தி³வ்யம் தே³ஹி மஹ்யம் மஹாமுநே ॥ 1 ॥

ப்ராட்³விபாக உவாச ।
ஸ்நாத்வா ஜலே க்ஷௌமத⁴ர꞉ குஶாஸந꞉
பவித்ரபாணி꞉ க்ருதமந்த்ரமார்ஜந꞉ ।
ஸ்ம்ருத்வாத² நத்வா ப³லமச்யுதாக்³ரஜம்
ஸந்தா⁴ரயேத்³த⁴ர்மஸமாஹிதோ ப⁴வேத் ॥ 2 ॥

கோ³ளோகதா⁴மாதி⁴பதி꞉ பரேஶ்வர꞉
பரேஷு மாம் பாது பவித்ரகீர்தந꞉ ।
பூ⁴மண்ட³லம் ஸர்ஷபவத்³விளக்ஷ்யதே
யந்மூர்த்⁴நி மாம் பாது ஸ பூ⁴மிமண்ட³லே ॥ 3 ॥

ஸேநாஸு மாம் ரக்ஷது ஸீரபாணி꞉
யுத்³தே⁴ ஸதா³ ரக்ஷது மாம் ஹலீ ச ।
து³ர்கே³ஷு சாவ்யாந்முஸலீ ஸதா³ மாம்
வநேஷு ஸங்கர்ஷண ஆதி³தே³வ꞉ ॥ 4 ॥

கலிந்த³ஜாவேக³ஹரோ ஜலேஷு
நீலாம்ப³ரோ ரக்ஷது மாம் ஸதா³க்³நௌ ।
வாயௌ ச ராமோ(அ)வது கே² ப³லஶ்ச
மஹார்ணவே(அ)நந்தவபு꞉ ஸதா³ மாம் ॥ 5 ॥

ஶ்ரீவாஸுதே³வோ(அ)வது பர்வதேஷு
ஸஹஸ்ரஶீர்ஷா ச மஹாவிவாதே³ ।
ரோகே³ஷு மாம் ரக்ஷது ரௌஹிணேயோ
மாம் காமபாலோ(அ)வது வா விபத்ஸு ॥ 6 ॥

காமாத்ஸதா³ ரக்ஷது தே⁴நுகாரி꞉
க்ரோதா⁴த்ஸதா³ மாம் த்³விவித³ப்ரஹாரீ ।
லோபா⁴த்ஸதா³ ரக்ஷது ப³ல்வலாரி꞉
மோஹாத்ஸதா³ மாம் கில மாக³தா⁴ரி꞉ ॥ 7 ॥

ப்ராத꞉ ஸதா³ ரக்ஷது வ்ருஷ்ணிது⁴ர்ய꞉
ப்ராஹ்ணே ஸதா³ மாம் மது²ராபுரேந்த்³ர꞉ ।
மத்⁴யந்தி³நே கோ³பஸக²꞉ ப்ரபாது
ஸ்வராட் பராஹ்ணே(அ)வது மாம் ஸதை³வ ॥ 8 ॥

ஸாயம் ப²ணீந்த்³ரோ(அ)வது மாம் ஸதை³வ
பராத்பரோ ரக்ஷது மாம் ப்ரதோ³ஷே ।
பூர்ணே நிஶீதே² ச து³ரந்தவீர்ய꞉
ப்ரத்யூஷகாலே(அ)வது மாம் ஸதை³வ ॥ 9 ॥

விதி³க்ஷு மாம் ரக்ஷது ரேவதீபதி꞉
தி³க்ஷு ப்ரளம்பா³ரிரதோ⁴ யதூ³த்³வஹ꞉ ।
ஊர்த்⁴வம் ஸதா³ மாம் ப³லப⁴த்³ர ஆரா-
-த்ததா² ஸமந்தாத்³ப³லதே³வ ஏவ ஹி ॥ 10 ॥

அந்த꞉ ஸதா³வ்யாத்புருஷோத்தமோ ப³ஹி-
-ர்நாகே³ந்த்³ரளீலோ(அ)வது மாம் மஹாப³ல꞉ ।
ஸதா³ந்தராத்மா ச வஸந் ஹரி꞉ ஸ்வயம்
ப்ரபாது பூர்ண꞉ பரமேஶ்வரோ மஹாந் ॥ 11 ॥

தே³வாஸுராணாம் ப⁴யநாஶநம் ச
ஹுதாஶநம் பாபசயேந்த⁴நாநாம் ।
விநாஶநம் விக்⁴நக⁴டஸ்ய வித்³தி⁴
ஸித்³தா⁴ஸநம் வர்மவரம் ப³லஸ்ய ॥ 12 ॥

இதி ஶ்ரீக³ர்க³ஸம்ஹிதாயாம் ப³லப⁴த்³ரக²ண்டே³ ப³லராமகவசம் ।

Did you see any mistake/variation in the content above? Click here to report mistakes and corrections in Stotranidhi content.