Narayaneeyam Dasakam 94 – நாராயணீயம் சதுர்னவதிதமத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → சதுர்னவதிதமத³ஶகம்

நாராயணீயம் சதுர்நவதிதமத³ஶகம் (94) – தத்த்வஜ்ஞாநோத்பத்தி꞉

ஶுத்³தா⁴ நிஷ்காமத⁴ர்மை꞉ ப்ரவரகு³ருகி³ரா தத்ஸ்வரூபம் பரம் தே
ஶுத்³த⁴ம் தே³ஹேந்த்³ரியாதி³வ்யபக³தமகி²லவ்யாப்தமாவேத³யந்தே ।
நாநாத்வஸ்தௌ²ல்யகார்ஶ்யாதி³ து கு³ணஜவபு꞉ ஸங்க³தோ(அ)த்⁴யாஸிதம் தே
வஹ்நேர்தா³ருப்ரபே⁴தே³ஷ்விவ மஹத³ணுதாதீ³ப்ததாஶாந்ததாதி³ ॥ 94-1 ॥

ஆசார்யாக்²யாத⁴ரஸ்தா²ரணிஸமநுமிலச்சி²ஷ்யரூபோத்தரார-
-ண்யாவேதோ⁴த்³பா⁴ஸிதேந ஸ்பு²டதரபரிபோ³தா⁴க்³நிநா த³ஹ்யமாநே ।
கர்மாலீவாஸநாதத்க்ருததநுபு⁴வநப்⁴ராந்திகாந்தாரபூரே
தா³ஹ்யாபா⁴வேந வித்³யாஶிகி²நி ச விரதே த்வந்மயீ க²ல்வவஸ்தா² ॥ 94-2 ॥

ஏவம் த்வத்ப்ராப்திதோ(அ)ந்யோ ந ஹி க²லு நிகி²லக்லேஶஹாநேருபாயோ
நைகாந்தாத்யந்திகாஸ்தே க்ருஷிவத³க³த³ஷாட்³கு³ண்யஷட்கர்மயோகா³꞉ ।
து³ர்வைகல்யைரகல்யா அபி நிக³மபதா²ஸ்தத்ப²லாந்யப்யவாப்தா
மத்தாஸ்த்வாம் விஸ்மரந்த꞉ ப்ரஸஜதி பதநே யாந்த்யநந்தாந் விஷாதா³ந் ॥ 94-3 ॥

த்வல்லோகாத³ந்யலோக꞉ க்வ நு ப⁴யரஹிதோ யத்பரார்த⁴த்³வயாந்தே
த்வத்³பீ⁴த꞉ ஸத்யலோகே(அ)பி ந ஸுக²வஸதி꞉ பத்³மபூ⁴꞉ பத்³மநாப⁴ ।
ஏவம் பா⁴வே த்வத⁴ர்மார்ஜிதப³ஹுதமஸாம் கா கதா² நாரகாணாம்
தந்மே த்வம் சி²ந்தி⁴ ப³ந்த⁴ம் வரத³ க்ருபணப³ந்தோ⁴ க்ருபாபூரஸிந்தோ⁴ ॥ 94-4 ॥

யாதா²ர்த்²யாத் த்வந்மயஸ்யைவ ஹி மம ந விபோ⁴ வஸ்துதோ ப³ந்த⁴மோக்ஷௌ
மாயாவித்³யாதநுப்⁴யாம் தவ து விரசிதௌ ஸ்வப்நபோ³தோ⁴பமௌ தௌ ।
ப³த்³தே⁴ ஜீவத்³விமுக்திம் க³தவதி ச பி⁴தா³ தாவதீ தாவதே³கோ
பு⁴ங்க்தே தே³ஹத்³ருமஸ்தோ² விஷயப²லரஸாந்நாபரோ நிர்வ்யதா²த்மா ॥ 94-5 ॥

ஜீவந்முக்தத்வமேவம்வித⁴மிதி வசஸா கிம் ப²லம் தூ³ரதூ³ரே
தந்நாமாஶுத்³த⁴பு³த்³தே⁴ர்ந ச லகு⁴ மநஸ꞉ ஶோத⁴நம் ப⁴க்திதோ(அ)ந்யத் ।
தந்மே விஷ்ணோ க்ருஷீஷ்டா²ஸ்த்வயி க்ருதஸகலப்ரார்பணம் ப⁴க்திபா⁴ரம்
யேந ஸ்யாம் மங்க்ஷு கிஞ்சித்³கு³ருவசநமிலத்த்வத்ப்ரபோ³த⁴ஸ்த்வதா³த்மா ॥ 94-6 ॥

ஶப்³த³ப்³ரஹ்மண்யபீஹ ப்ரயதிதமநஸஸ்த்வாம் ந ஜாநந்தி கேசித்
கஷ்டம் வந்த்⁴யஶ்ரமாஸ்தே சிரதரமிஹ கா³ம் பி³ப்⁴ரதே நிஷ்ப்ரஸூதிம் ।
யஸ்யாம் விஶ்வாபி⁴ராமா꞉ ஸகலமலாஹரா தி³வ்யலீலாவதாரா꞉
ஸச்சித்ஸாந்த்³ரம் ச ரூபம் தவ ந நிக³தி³தம் தாம் ந வாசம் ப்⁴ரியாஸம் ॥ 94-7 ॥

யோ யாவாந் யாத்³ருஶோ வா த்வமிதி கிமபி நைவாவக³ச்சா²மி பூ⁴ம-
-ந்நேவம் சாநந்யபா⁴வஸ்த்வத³நுப⁴ஜநமேவாத்³ரியே சைத்³யவைரிந் ।
த்வல்லிங்கா³நாம் த்வத³ங்க்⁴ரிப்ரியஜநஸத³ஸாம் த³ர்ஶநஸ்பர்ஶநாதி³-
-ர்பூ⁴யாந்மே த்வத்ப்ரபூஜாநதிநுதிகு³ணகர்மாநுகீர்த்யாத³ரோ(அ)பி ॥ 94-8 ॥

யத்³யல்லப்⁴யேத தத்தத்தவ ஸமுபஹ்ருதம் தே³வ தா³ஸோ(அ)ஸ்மி தே(அ)ஹம்
த்வத்³கே³ஹோந்மார்ஜநாத்³யம் ப⁴வது மம முஹு꞉ கர்ம நிர்மாயமேவ ।
ஸூர்யாக்³நிப்³ராஹ்மணாத்மாதி³ஷு லஸிதசதுர்பா³ஹுமாராத⁴யே த்வாம்
த்வத்ப்ரேமார்த்³ரத்வரூபோ மம ஸததமபி⁴ஷ்யந்த³தாம் ப⁴க்தியோக³꞉ ॥ 94-9 ॥

ஐக்யம் தே தா³நஹோமவ்ரதநியமதப꞉ ஸாங்க்²யயோகை³ர்து³ராபம்
த்வத்ஸங்கே³நைவ கோ³ப்ய꞉ கில ஸுக்ருதிதமா꞉ ப்ராபுராநந்த³ஸாந்த்³ரம் ।
ப⁴க்தேஷ்வந்யேஷு பூ⁴ய꞉ ஸ்வபி ப³ஹுமநுஷே ப⁴க்திமேவ த்வமாஸாம்
தந்மே த்வத்³ப⁴க்திமேவ த்³ரட⁴ய ஹர க³தா³ந் க்ருஷ்ண வாதாலயேஶ ॥ 94-10 ॥

இதி சதுர்நவதிதமத³ஶகம் ஸமாப்தம் ।

---

ஸம்பூர்ண நாராயணீயம் பார்க்க.