Narayaneeyam Dasakam 92 – நாராயணீயம் த்³வினவதிதமத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → த்³வினவதிதமத³ஶகம்

நாராயணீயம் த்³விநவதிதமத³ஶகம் (92) – கர்மமிஶ்ரப⁴க்தி꞉

வேதை³꞉ ஸர்வாணி கர்மாண்யப²லபரதயா வர்ணிதாநீதி பு³த்³த்⁴வா
தாநி த்வய்யர்பிதாந்யேவ ஹி ஸமநுசரந் யாநி நைஷ்கர்ம்யமீஶ ।
மா பூ⁴த்³வேதை³ர்நிஷித்³தே⁴ குஹசித³பி மந꞉கர்மவாசாம் ப்ரவ்ருத்தி-
-ர்து³ர்வர்ஜம் சேத³வாப்தம் தத³பி க²லு ப⁴வத்யர்பயே சித்ப்ரகாஶே ॥ 92-1 ॥

யஸ்த்வந்ய꞉ கர்மயோக³ஸ்தவ ப⁴ஜநமயஸ்தத்ர சாபீ⁴ஷ்டமூர்திம்
ஹ்ருத்³யாம் ஸத்த்வைகரூபாம் த்³ருஷதி³ ஹ்ருதி³ ம்ருதி³ க்வாபி வா பா⁴வயித்வா ।
புஷ்பைர்க³ந்தை⁴ர்நிவேத்³யைரபி ச விரசிதை꞉ ஶக்திதோ ப⁴க்திபூதை-
-ர்நித்யம் வர்யாம் ஸபர்யாம் வித³த⁴த³யி விபோ⁴ த்வத்ப்ரஸாத³ம் ப⁴ஜேயம் ॥ 92-2 ॥

ஸ்த்ரீஶூத்³ராஸ்த்வத்கதா²தி³ஶ்ரவணவிரஹிதா ஆஸதாம் தே த³யார்ஹா-
-ஸ்த்வத்பாதா³ஸந்நயாதாந் த்³விஜகுலஜநுஷோ ஹந்த ஶோசாம்யஶாந்தாந் ।
வ்ருத்த்யர்த²ம் தே யஜந்தோ ப³ஹுகதி²தமபி த்வாமநாகர்ணயந்தோ
த்³ருப்தா வித்³யாபி⁴ஜாத்யை꞉ கிமு ந வித³த⁴தே தாத்³ருஶம் மா க்ருதா² மாம் ॥ 92-3 ॥

பாபோ(அ)யம் க்ருஷ்ணராமேத்யபி⁴லபதி நிஜம் கூ³ஹிதும் து³ஶ்சரித்ரம்
நிர்லஜ்ஜஸ்யாஸ்ய வாசா ப³ஹுதரகத²நீயாநி மே விக்⁴நிதாநி ।
ப்⁴ராதா மே வந்த்⁴யஶீலோ ப⁴ஜதி கில ஸதா³ விஷ்ணுமித்த²ம் பு³தா⁴ம்ஸ்தே
நிந்த³ந்த்யுச்சைர்ஹஸந்தி த்வயி நிஹிதமதீம்ஸ்தாத்³ருஶம் மா க்ருதா² மாம் ॥ 92-4 ॥

ஶ்வேதச்சா²யம் க்ருதே த்வாம் முநிவரவபுஷம் ப்ரீணயந்தே தபோபி⁴-
-ஸ்த்ரேதாயாம் ஸ்ருக்ஸ்ருவாத்³யங்கிதமருணதநும் யஜ்ஞரூபம் யஜந்தே ।
ஸேவந்தே தந்த்ரமார்கை³ர்விளஸத³ரிக³த³ம் த்³வாபரே ஶ்யாமளாங்க³ம்
நீலம் ஸங்கீர்தநாத்³யைரிஹ கலிஸமயே மாநுஷாஸ்த்வாம் ப⁴ஜந்தே ॥ 92-5 ॥

ஸோ(அ)யம் காலேயகாலோ ஜயதி முரரிபோ யத்ர ஸங்கீர்தநாத்³யை-
-ர்நிர்யத்நைரேவ மார்கை³ரகி²லத³ ந சிராத் த்வத்ப்ரஸாத³ம் ப⁴ஜந்தே ।
ஜாதாஸ்த்ரேதாக்ருதாதா³வபி ஹி கில கலௌ ஸம்ப⁴வம் காமயந்தே
தை³வாத் தத்ரைவ ஜாதாந் விஷயவிஷரஸைர்மா விபோ⁴ வஞ்சயாஸ்மாந் ॥ 92-6 ॥

ப⁴க்தாஸ்தாவத் கலௌ ஸ்யுர்த்³ரமிலபு⁴வி ததோ பூ⁴ரிஶஸ்தத்ர சோச்சை꞉
காவேரீம் தாம்ரபர்ணீமநு கில க்ருதமாலாம் ச புண்யாம் ப்ரதீசீம் ।
ஹா மாமப்யேதத³ந்தர்ப⁴வமபி ச விபோ⁴ கிஞ்சித³ஞ்சத்³ரஸம் த்வ-
-ய்யாஶாபாஶைர்நிப³த்⁴ய ப்⁴ரமய ந ப⁴க³வந் பூரய த்வந்நிஷேவாம் ॥ 92-7 ॥

த்³ருஷ்ட்வா த⁴ர்மத்³ருஹம் தம் கலிமபகருணம் ப்ராங்மஹீக்ஷித் பரீக்ஷித்
ஹந்தும் வ்யாக்ருஷ்டக²ட்³கோ³(அ)பி ந விநிஹிதவாந் ஸாரவேதீ³ கு³ணாம்ஶாத் ।
த்வத்ஸேவாத்³யாஶு ஸித்³த்⁴யேத³ஸதி³ஹ ந ததா² த்வத்பரே சைஷ பீ⁴ரு-
-ர்யத்து ப்ராகே³வ ரோகா³தி³பி⁴ரபஹரதே தத்ர ஹா ஶிக்ஷயைநம் ॥ 92-8 ॥

க³ங்கா³ கீ³தா ச கா³யத்ர்யபி ச துலஸிகா கோ³பிகாசந்த³நம் தத்
ஸாலக்³ராமாபி⁴பூஜா பரபுருஷ ததை²காத³ஶீ நாமவர்ணா꞉ ।
ஏதாந்யஷ்டாப்யயத்நாந்யயி கலிஸமயே த்வத்ப்ரஸாத³ப்ரவ்ருத்³த்⁴யா
க்ஷிப்ரம் முக்திப்ரதா³நீத்யபி⁴த³து⁴ர்ருஷயஸ்தேஷு மாம் ஸஜ்ஜயேதா²꞉ ॥ 92-9 ॥

தே³வர்ஷீணாம் பித்ரூணாமபி ந புநர்ருணீ கிங்கரோ வா ஸ பூ⁴மந்
யோ(அ)ஸௌ ஸர்வாத்மநா த்வாம் ஶரணமுபக³த꞉ ஸர்வக்ருத்யாநி ஹித்வா ।
தஸ்யோத்பந்நம் விகர்மா(அ)ப்யகி²லமபநுத³ஸ்யேவ சித்தஸ்தி²தஸ்த்வம்
தந்மே பாபோத்த²தாபாந் பவநபுரபதே ருந்தி⁴ ப⁴க்திம் ப்ரணீயா꞉ ॥ 92-10 ॥

இதி த்³விநவதிதமத³ஶகம் ஸமாப்தம் ।

---

ஸம்பூர்ண நாராயணீயம் பார்க்க.