Narayaneeyam Dasakam 68 – நாராயணீயம் அஷ்டஷஷ்டிதமத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → அஷ்டஷஷ்டிதமத³ஶகம்

நாராயணீயம் அஷ்டஷஷ்டிதமத³ஶகம் (68) – கோ³பிகாநாம் ஆஹ்லாத³ப்ரகடநம்

தவ விளோகநாத்³கோ³பிகாஜநா꞉
ப்ரமத³ஸங்குலா꞉ பங்கஜேக்ஷண ।
அம்ருததா⁴ரயா ஸம்ப்லுதா இவ
ஸ்திமிததாம் த³து⁴ஸ்த்வத்புரோக³தா꞉ ॥ 68-1 ॥

தத³நு காசந த்வத்கராம்பு³ஜம்
ஸபதி³ க்³ருஹ்ணதீ நிர்விஶங்கிதம் ।
க⁴நபயோத⁴ரே ஸம்விதா⁴ய ஸா
புலகஸம்வ்ருதா தஸ்து²ஷீ சிரம் ॥ 68-2 ॥

தவ விபோ⁴(அ)பரா கோமளம் பு⁴ஜம்
நிஜக³ளாந்தரே பர்யவேஷ்டயத் ।
க³ளஸமுத்³க³தம் ப்ராணமாருதம்
ப்ரதிநிருந்த⁴தீவாதிஹர்ஷுலா ॥ 68-3 ॥

அபக³தத்ரபா காபி காமிநீ
தவ முகா²ம்பு³ஜாத் பூக³சர்விதம் ।
ப்ரதிக்³ருஹய்ய தத்³வக்த்ரபங்கஜே
நித³த⁴தீ க³தா பூர்ணகாமதாம் ॥ 68-4 ॥

விகருணோ வநே ஸம்விஹாய மா-
-மபக³தோ(அ)ஸி கா த்வாமிஹ ஸ்ப்ருஶேத் ।
இதி ஸரோஷயா தாவதே³கயா
ஸஜலலோசநம் வீக்ஷிதோ ப⁴வாந் ॥ 68-5 ॥

இதி முதா³குலைர்வல்லவீஜநை꞉
ஸமமுபாக³தோ யாமுநே தடே ।
ம்ருது³குசாம்ப³ரை꞉ கல்பிதாஸநே
கு⁴ஸ்ருணபா⁴ஸுரே பர்யஶோப⁴தா²꞉ ॥ 68-6 ॥

கதிவிதா⁴ க்ருபா கே(அ)பி ஸர்வதோ
த்⁴ருதத³யோத³யா꞉ கேசிதா³ஶ்ரிதே ।
கதிசிதீ³த்³ருஶா மாத்³ருஶேஷ்வபீ-
-த்யபி⁴ஹிதோ ப⁴வாந் வல்லவீஜநை꞉ ॥ 68-7 ॥

அயி குமாரிகா நைவ ஶங்க்யதாம்
கடி²நதா மயி ப்ரேமகாதரே ।
மயி து சேதஸோ வோ(அ)நுவ்ருத்தயே
க்ருதமித³ம் மயேத்யூசிவாந் ப⁴வாந் ॥ 68-8 ॥

அயி நிஶம்யதாம் ஜீவவல்லபா⁴꞉
ப்ரியதமோ ஜநோ நேத்³ருஶோ மம ।
ததி³ஹ ரம்யதாம் ரம்யயாமிநீ-
-ஷ்வநுபரோத⁴மித்யாளபோ விபோ⁴ ॥ 68-9 ॥

இதி கி³ராதி⁴கம் மோத³மேது³ரை-
-ர்வ்ரஜவதூ⁴ஜநை꞉ ஸாகமாரமந் ।
கலிதகௌதுகோ ராஸகே²லநே
கு³ருபுரீபதே பாஹி மாம் க³தா³த் ॥ 68-10 ॥

இதி அஷ்டஷஷ்டிதமத³ஶகம் ஸமாப்தம் ।

---

ஸம்பூர்ண நாராயணீயம் பார்க்க.