Narayaneeyam Dasakam 67 – நாராயணீயம் ஸப்தஷஷ்டிதமத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → ஸப்தஷஷ்டிதமத³ஶகம்

நாராயணீயம் ஸப்தஷஷ்டிதமத³ஶகம் (67) – ஶ்ரீக்ருஷ்ணதிரோதா⁴நம் ததா² புந꞉ ப்ரத்யக்ஷீபூ⁴ய கோ³பிகா꞉ ப்ரீணநம்

ஸ்பு²ரத் பராநந்த³ரஸாத்மகேந
த்வயா ஸமாஸாதி³தபோ⁴க³ளீலா꞉ ।
அஸீமமாநந்த³ப⁴ரம் ப்ரபந்நா
மஹாந்தமாபுர்மத³மம்பு³ஜாக்ஷ்ய꞉ ॥ 67-1 ॥

நிலீயதே(அ)ஸௌ மயி மய்யமாயம்
ரமாபதிர்விஶ்வமநோபி⁴ராம꞉ ।
இதி ஸ்ம ஸர்வா꞉ கலிதாபி⁴மாநா
நிரீக்ஷ்ய கோ³விந்த³ திரோஹிதோ(அ)பூ⁴꞉ ॥ 67-2 ॥

ராதா⁴பி⁴தா⁴ம் தாவத³ஜாதக³ர்வா-
-மதிப்ரியாம் கோ³பவதூ⁴ம் முராரே ।
ப⁴வாநுபாதா³ய க³தோ விதூ³ரம்
தயா ஸஹ ஸ்வைரவிஹாரகாரீ ॥ 67-3 ॥

திரோஹிதே(அ)த² த்வயி ஜாததாபா꞉
ஸமம் ஸமேதா꞉ கமலாயதாக்ஷ்ய꞉ ।
வநே வநே த்வாம் பரிமார்க³யந்த்யோ
விஷாத³மாபுர்ப⁴க³வந்நபாரம் ॥ 67-4 ॥

ஹா சூத ஹா சம்பக கர்ணிகார
ஹா மல்லிகே மாலதி பா³லவல்ல்ய꞉ ।
கிம் வீக்ஷிதோ நோ ஹ்ருத³யைகசோர
இத்யாதி³ தாஸ்த்வத்ப்ரவணா விளேபு꞉ ॥ 67-5 ॥

நிரீக்ஷிதோ(அ)யம் ஸகி² பங்கஜாக்ஷ꞉
புரோ மமேத்யாகுலமாலபந்தீ ।
த்வாம் பா⁴வநாசக்ஷுஷி வீக்ஷ்ய காசி-
-த்தாபம் ஸகீ²நாம் த்³விகு³ணீசகார ॥ 67-6 ॥

த்வதா³த்மிகாஸ்தா யமுநாதடாந்தே
தவாநுசக்ரு꞉ கில சேஷ்டிதாநி ।
விசித்ய பூ⁴யோ(அ)பி ததை²வ மாநா-
-த்த்வயா விமுக்தாம் த³த்³ருஶுஶ்ச ராதா⁴ம் ॥ 67-7 ॥

தத꞉ ஸமம் தா விபிநே ஸமந்தா-
-த்தமோவதாராவதி⁴ மார்க³யந்த்ய꞉ ।
புநர்விமிஶ்ரா யமுநாதடாந்தே
ப்⁴ருஶம் விளேபுஶ்ச ஜகு³ர்கு³ணாம்ஸ்தே ॥ 67-8 ॥

ததா²வ்யதா²ஸங்குலமாநஸாநாம்
வ்ரஜாங்க³நாநாம் கருணைகஸிந்தோ⁴ ।
ஜக³த்த்ரயீமோஹநமோஹநாத்மா
த்வாம் ப்ராது³ராஸீரயி மந்த³ஹாஸீ ॥ 67-9 ॥

ஸந்தி³க்³த⁴ஸந்த³ர்ஶநமாத்மகாந்தம்
த்வாம் வீக்ஷ்ய தந்வ்ய꞉ ஸஹஸா ததா³நீம் ।
கிம் கிம் ந சக்ரு꞉ ப்ரமதா³திபா⁴ரா-
-த்ஸ த்வம் க³தா³த் பாலய மாருதேஶ ॥ 67-10 ॥

இதி ஸப்தஷஷ்டிதமத³ஶகம் ஸமாப்தம் ।

---

ஸம்பூர்ண நாராயணீயம் பார்க்க.