Narayaneeyam Dasakam 64 – நாராயணீயம் சது꞉ஷஷ்டிதமத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → சது꞉ஷஷ்டிதமத³ஶகம்

நாராயணீயம் சது꞉ஷஷ்டிதமத³ஶகம் (64) – கோ³விந்த³பட்டாபி⁴ஷேகம்

ஆலோக்ய ஶைலோத்³த⁴ரணாதி³ரூபம்
ப்ரபா⁴வமுச்சைஸ்தவ கோ³பலோகா꞉ ।
விஶ்வேஶ்வரம் த்வாமபி⁴மத்ய விஶ்வே
நந்த³ம் ப⁴வஜ்ஜாதகமந்வப்ருச்ச²ந் ॥ 64-1 ॥

க³ர்கோ³தி³தோ நிர்க³தி³தோ நிஜாய
வர்கா³ய தாதேந தவ ப்ரபா⁴வ꞉ ।
பூர்வாதி⁴கஸ்த்வய்யநுராக³ ஏஷா-
-மைதி⁴ஷ்ட தாவத்³ப³ஹுமாநபா⁴ர꞉ ॥ 64-2 ॥

ததோ(அ)வமாநோதி³ததத்த்வபோ³த⁴꞉
ஸுராதி⁴ராஜ꞉ ஸஹ தி³வ்யக³வ்யா ।
உபேத்ய துஷ்டாவ ஸ நஷ்டக³ர்வ꞉
ஸ்ப்ருஷ்ட்வா பதா³ப்³ஜம் மணிமௌளிநா தே ॥ 64-3 ॥

ஸ்நேஹஸ்நுதைஸ்த்வாம் ஸுரபி⁴꞉ பயோபி⁴-
-ர்கோ³விந்த³நாமாங்கிதமப்⁴யஷிஞ்சத் ।
ஐராவதோபாஹ்ருததி³வ்யக³ங்கா³-
-பாதோ²பி⁴ரிந்த்³ரோ(அ)பி ச ஜாதஹர்ஷ꞉ ॥ 64-4 ॥

ஜக³த்த்ரயேஶே த்வயி கோ³குலேஶே
ததா²(அ)பி⁴ஷிக்தே ஸதி கோ³பவாட꞉ ।
நாகே(அ)பி வைகுண்ட²பதே³(அ)ப்யலப்⁴யாம்
ஶ்ரியம் ப்ரபேதே³ ப⁴வத꞉ ப்ரபா⁴வாத் ॥ 64-5 ॥

கதா³சித³ந்தர்யமுநம் ப்ரபா⁴தே
ஸ்நாயந் பிதா வாருணபூருஷேண ।
நீதஸ்தமாநேதுமகா³꞉ புரீம் த்வம்
தாம் வாருணீம் காரணமர்த்யரூப꞉ ॥ 64-6 ॥

ஸஸம்ப்⁴ரமம் தேந ஜலாதி⁴பேந
ப்ரபூஜிதஸ்த்வம் ப்ரதிக்³ருஹ்ய தாதம் ।
உபாக³தஸ்தத்க்ஷணமாத்மகே³ஹம்
பிதா(அ)வத³த் தச்சரிதம் நிஜேப்⁴ய꞉ ॥ 64-7 ॥

ஹரிம் விநிஶ்சித்ய ப⁴வந்தமேதாந்
ப⁴வத்பதா³ளோகநப³த்³த⁴த்ருஷ்ணாந் ।
நிரீக்ஷ்ய விஷ்ணோ பரமம் பத³ம் த-
-த்³து³ராபமந்யைஸ்த்வமதீ³த்³ருஶஸ்தாந் ॥ 64-8 ॥

ஸ்பு²ரத்பராநந்த³ரஸப்ரவாஹ-
-ப்ரபூர்ணகைவல்யமஹாபயோதௌ⁴ ।
சிரம் நிமக்³நா꞉ க²லு கோ³பஸங்கா⁴-
-ஸ்த்வயைவ பூ⁴மந் புநருத்³த்⁴ருதாஸ்தே ॥ 64-9 ॥

கரப³த³ரவதே³வம் தே³வ குத்ராவதாரே
நிஜபத³மநவாப்யம் த³ர்ஶிதம் ப⁴க்திபா⁴ஜாம் ।
ததி³ஹ பஶுபரூபீ த்வம் ஹி ஸாக்ஷாத் பராத்மா
பவநபுரநிவாஸிந் பாஹி மாமாமயேப்⁴ய꞉ ॥ 64-10 ॥

இதி சது꞉ஷஷ்டிதமத³ஶகம் ஸமாப்தம் ।

---

ஸம்பூர்ண நாராயணீயம் பார்க்க.