Narayaneeyam Dasakam 60 – நாராயணீயம் ஷஷ்டிதமத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → ஷஷ்டிதமத³ஶகம்

நாராயணீயம் ஷஷ்டிதமத³ஶகம் (60) – கோ³பீவஸ்த்ராபஹரணம்

மத³நாதுரசேதஸோ(அ)ந்வஹம்
ப⁴வத³ங்க்⁴ரித்³வயதா³ஸ்யகாம்யயா ।
யமுநாதடஸீம்நி ஸைகதீம்
தரளாக்ஷ்யோ கி³ரிஜாம் ஸமார்சிசந் ॥ 60-1 ॥

தவ நாமகதா²ரதா꞉ ஸமம்
ஸுத்³ருஶ꞉ ப்ராதருபாக³தா நதீ³ம் ।
உபஹாரஶதைரபூஜயந்
த³யிதோ நந்த³ஸுதோ ப⁴வேதி³தி ॥ 60-2 ॥

இதி மாஸமுபாஹிதவ்ரதா-
-ஸ்தரளாக்ஷீரபி⁴வீக்ஷ்ய தா ப⁴வாந் ।
கருணாம்ருது³ளோ நதீ³தடம்
ஸமயாஸீத்தத³நுக்³ரஹேச்ச²யா ॥ 60-3 ॥

நியமாவஸிதௌ நிஜாம்ப³ரம்
தடஸீமந்யவமுச்ய தாஸ்ததா³ ।
யமுநாஜலகே²லநாகுலா꞉
புரதஸ்த்வாமவலோக்ய லஜ்ஜிதா꞉ ॥ 60-4 ॥

த்ரபயா நமிதாநநாஸ்வதோ²
வநிதாஸ்வம்ப³ரஜாலமந்திகே ।
நிஹிதம் பரிக்³ருஹ்ய பூ⁴ருஹோ
விடபம் த்வம் தரஸா(அ)தி⁴ரூட⁴வாந் ॥ 60-5 ॥

இஹ தாவது³பேத்ய நீயதாம்
வஸநம் வ꞉ ஸுத்³ருஶோ யதா²யத²ம் ।
இதி நர்மம்ருது³ஸ்மிதே த்வயி
ப்³ருவதி வ்யாமுமுஹே வதூ⁴ஜநை꞉ ॥ 60-6 ॥

அயி ஜீவ சிரம் கிஶோர ந-
-ஸ்தவ தா³ஸீரவஶீகரோஷி கிம் ।
ப்ரதி³ஶாம்ப³ரமம்பு³ஜேக்ஷணே-
-த்யுதி³தஸ்த்வம் ஸ்மிதமேவ த³த்தவாந் ॥ 60-7 ॥

அதி⁴ருஹ்ய தடம் க்ருதாஞ்ஜலீ꞉
பரிஶுத்³தா⁴꞉ ஸ்வக³தீர்நிரீக்ஷ்ய தா꞉ ।
வஸநாந்யகி²லாந்யநுக்³ரஹம்
புநரேவம் கி³ரமப்யதா³ முதா³ ॥ 60-8 ॥

விதி³தம் நநு வோ மநீஷிதம்
வதி³தாரஸ்த்விஹ யோக்³யமுத்தரம் ।
யமுநாபுலிநே ஸசந்த்³ரிகா꞉
க்ஷணதா³ இத்யப³லாஸ்த்வமூசிவாந் ॥ 60-9 ॥

உபகர்ண்ய ப⁴வந்முக²ச்யுதம்
மது⁴நிஷ்யந்தி³ வசோ ம்ருகீ³த்³ருஶ꞉ ।
ப்ரணயாத³யி வீக்ஷ்ய வீக்ஷ்ய தே
வத³நாப்³ஜம் ஶநகைர்க்³ருஹம் க³தா꞉ ॥ 60-10 ॥

இதி நந்வநுக்³ருஹ்ய வல்லவீ-
-ர்விபிநாந்தேஷு புரேவ ஸஞ்சரந் ।
கருணாஶிஶிரோ ஹரே ஹர
த்வரயா மே ஸகலாமயாவளிம் ॥ 60-11 ॥

இதி ஷஷ்டிதமத³ஶகம் ஸமாப்தம் ।

---

ஸம்பூர்ண நாராயணீயம் பார்க்க.