Narayaneeyam Dasakam 57 – நாராயணீயம் ஸப்தபஞ்சாஶத்தமத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → ஸப்தபஞ்சாஶத்தமத³ஶகம்

நாராயணீயம் ஸப்தபஞ்சாஶத்தமத³ஶகம் (57) – ப்ரளம்பா³ஸுரவத⁴

ராமஸக²꞉ க்வாபி தி³நே
காமத³ ப⁴க³வந் க³தோ ப⁴வாந்விபிநம் ।
ஸூநுபி⁴ரபி கோ³பாநாம்
தே⁴நுபி⁴ரபி⁴ஸம்வ்ருதோ லஸத்³வேஷ꞉ ॥ 57-1 ॥

ஸந்த³ர்ஶயந் ப³லாய
ஸ்வைரம் ப்³ருந்தா³வநஶ்ரியம் விமலாம் ।
காண்டீ³ரை꞉ ஸஹ பா³லை-
ர்பா⁴ண்டீ³ரகமாக³மோ வடம் க்ரீட³ந் ॥ 57-2 ॥

தாவத்தாவகநித⁴ந-
ஸ்ப்ருஹயாளுர்கோ³பமூர்திரத³யாளு꞉ ।
தை³த்ய꞉ ப்ரளம்ப³நாமா
ப்ரளம்ப³பா³ஹும் ப⁴வந்தமாபேதே³ ॥ 57-3 ॥

ஜாநந்நப்யவிஜாந-
-ந்நிவ தேந ஸமம் நிப³த்³த⁴ஸௌஹார்த³꞉ ।
வடநிகடே படு-
-பஶுபவ்யாப³த்³த⁴ம் த்³வந்த்³வயுத்³த⁴மாரப்³தா⁴꞉ ॥ 57-4 ॥

கோ³பாந் விப⁴ஜ்ய தந்வந்
ஸங்க⁴ம் ப³லப⁴த்³ரகம் ப⁴வத்கமபி ।
த்வத்³ப³லபீ⁴ரும் தை³த்யம்
த்வத்³ப³லக³தமந்வமந்யதா² ப⁴க³வந் ॥ 57-5 ॥

கல்பிதவிஜேத்ருவஹநே
ஸமரே பரயூத²க³ம் ஸ்வத³யிததரம் ।
ஶ்ரீதா³மாநமத⁴த்தா²꞉
பராஜிதோ ப⁴க்ததா³ஸதாம் ப்ரத²யந் ॥ 57-6 ॥

ஏவம் ப³ஹுஷு விபூ⁴மந்
பா³லேஷு வஹத்ஸு வாஹ்யமாநேஷு ।
ராமவிஜித꞉ ப்ரளம்போ³
ஜஹார தம் தூ³ரதோ ப⁴வத்³பீ⁴த்யா ॥ 57-7 ॥

த்வத்³தூ³ரம் க³மயந்தம்
தம் த்³ருஷ்ட்வா ஹலிநி விஹிதக³ரிமப⁴ரே ।
தை³த்ய꞉ ஸ்வரூபமாகா³-
-த்³யத்³ரூபாத் ஸ ஹி ப³லோ(அ)பி சகிதோ(அ)பூ⁴த் ॥ 57-8 ॥

உச்சதயா தை³த்யதநோ-
-ஸ்த்வந்முக²மாலோக்ய தூ³ரதோ ராம꞉ ।
விக³தப⁴யோ த்³ருட⁴முஷ்ட்யா
ப்⁴ருஶது³ஷ்டம் ஸபதி³ பிஷ்டவாநேநம் ॥ 57-9 ॥

ஹத்வா தா³நவவீரம்
ப்ராப்தம் ப³லமாலிலிங்கி³த² ப்ரேம்ணா ।
தாவந்மிலதோர்யுவயோ꞉
ஶிரஸி க்ருதா புஷ்பவ்ருஷ்டிரமரக³ணை꞉ ॥ 57-10 ॥

ஆலம்போ³ பு⁴வநாநாம்
ப்ராளம்ப³ம் நித⁴நமேவமாரசயந் ।
காலம் விஹாய ஸத்³யோ
லோலம்ப³ருசே ஹரே ஹரே꞉ க்லேஶாந் ॥ 57-11 ॥

இதி ஸப்தபஞ்சாஶத்தமத³ஶகம் ஸமாப்தம் ।

---

ஸம்பூர்ண நாராயணீயம் பார்க்க.