Narayaneeyam Dasakam 53 – நாராயணீயம் த்ரிபஞ்சாஶத்தமத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → த்ரிபஞ்சாஶத்தமத³ஶகம்

நாராயணீயம் த்ரிபஞ்சாஶத்தமத³ஶகம் (53) – தே⁴நுகாஸுரவத⁴

அதீத்ய பா³ல்யம் ஜக³தாம் பதே த்வ-
-முபேத்ய பௌக³ண்ட³வயோ மநோஜ்ஞம் ।
உபேக்ஷ்ய வத்ஸாவநமுத்ஸவேந
ப்ராவர்ததா² கோ³க³ணபாலநாயாம் ॥ 53-1 ॥

உபக்ரமஸ்யாநுகு³ணைவ ஸேயம்
மருத்புராதீ⁴ஶ தவ ப்ரவ்ருத்தி꞉ ।
கோ³த்ராபரித்ராணக்ருதே(அ)வதீர்ண-
-ஸ்ததே³வ தே³வா(ஆ)ரப⁴தா²ஸ்ததா³ யத் ॥ 53-2 ॥

கதா³பி ராமேண ஸமம் வநாந்தே
வநஶ்ரியம் வீக்ஷ்ய சரந் ஸுகே²ந ।
ஶ்ரீதா³மநாம்ந꞉ ஸ்வஸக²ஸ்ய வாசா
மோதா³த³கா³ தே⁴நுககாநநம் த்வம் ॥ 53-3 ॥

உத்தாலதாலீநிவஹே த்வது³க்த்யா
ப³லேந தூ⁴தே(அ)த² ப³லேந தோ³ர்ப்⁴யாம் ।
ம்ருது³꞉ க²ரஶ்சாப்⁴யபதத்புரஸ்தாத்
ப²லோத்கரோ தே⁴நுகதா³நவோ(அ)பி ॥ 53-4 ॥

ஸமுத்³யதோ தை⁴நுகபாலநே(அ)ஹம்
கத²ம் வத⁴ம் தை⁴நுகமத்³ய குர்வே ।
இதீவ மத்வா த்⁴ருவமக்³ரஜேந
ஸுரௌக⁴யோத்³தா⁴ரமஜீக⁴நஸ்த்வம் ॥ 53-5 ॥

ததீ³யப்⁴ருத்யாநபி ஜம்பு³கத்வே-
-நோபாக³தாநக்³ரஜஸம்யுதஸ்த்வம் ।
ஜம்பூ³ப²லாநீவ ததா³ நிராஸ்த²-
-ஸ்தாலேஷு கே²லந் ப⁴க³வந் நிராஸ்த²꞉ ॥ 53-6 ॥

விநிக்⁴நதி த்வய்யத² ஜம்பு³கௌக⁴ம்
ஸநாமகத்வாத்³வருணஸ்ததா³நீம் ।
ப⁴யாகுலோ ஜம்பு³கநாமதே⁴யம்
ஶ்ருதிப்ரஸித்³த⁴ம் வ்யதி⁴தேதி மந்யே ॥ 53-7 ॥

தவாவதாரஸ்ய ப²லம் முராரே
ஸஞ்ஜாதமத்³யேதி ஸுரைர்நுதஸ்த்வம் ।
ஸத்யம் ப²லம் ஜாதமிஹேதி ஹாஸீ
பா³லை꞉ ஸமம் தாலப²லாந்யபு⁴ங்க்தா²꞉ ॥ 53-8 ॥

மது⁴த்³ரவஸ்ருந்தி ப்³ருஹந்தி தாநி
ப²லாநி மேதோ³ப⁴ரப்⁴ருந்தி பு⁴க்த்வா ।
த்ருப்தைஶ்ச த்³ருப்தைர்ப⁴வநம் ப²லௌக⁴ம்
வஹத்³பி⁴ராகா³꞉ க²லு பா³லகைஸ்த்வம் ॥ 53-9 ॥

ஹதோ ஹதோ தே⁴நுக இத்யுபேத்ய
ப²லாந்யத³த்³பி⁴ர்மது⁴ராணி லோகை꞉ ।
ஜயேதி ஜீவேதி நுதோ விபோ⁴ த்வம்
மருத்புராதீ⁴ஶ்வர பாஹி ரோகா³த் ॥ 53-10 ॥

இதி த்ரிபஞ்சாஶத்தமத³ஶகம் ஸமாப்தம் ।

---

ஸம்பூர்ண நாராயணீயம் பார்க்க.