Narayaneeyam Dasakam 33 – நாராயணீயம் த்ரயஸ்த்ரிம்ஶத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → த்ரயஸ்த்ரிம்ஶத³ஶகம்

நாராயணீயம் த்ரயஸ்த்ரிம்ஶத³ஶகம் (33) – அம்ப³ரீஷசரிதம்

வைவஸ்வதாக்²யமநுபுத்ர நபா⁴க³ஜாத-
-நாபா⁴க³ நாமக நரேந்த்³ரஸுதோ(அ)ம்ப³ரீஷ꞉ ।
ஸப்தார்ணவாவ்ருதமஹீத³யிதோ(அ)பி ரேமே
த்வத்ஸங்கி³ஷு த்வயி ச மக்³நமநா꞉ ஸதை³வ ॥ 33-1 ॥

த்வத்ப்ரீதயே ஸகலமேவ விதந்வதோ(அ)ஸ்ய
ப⁴க்த்யைவ தே³வ ந சிராத³ப்⁴ருதா²꞉ ப்ரஸாத³ம் ।
யேநாஸ்ய யாசநம்ருதே(அ)ப்யபி⁴ரக்ஷணார்த²ம்
சக்ரம் ப⁴வாந் ப்ரவிததார ஸஹஸ்ரதா⁴ரம் ॥ 33-2 ॥

ஸ த்³வாத³ஶீவ்ரதமதோ² ப⁴வத³ர்சநார்த²ம்
வர்ஷம் த³தௌ⁴ மது⁴வநே யமுநோபகண்டே² ।
பத்ந்யா ஸமம் ஸுமநஸா மஹதீம் விதந்வந்
பூஜாம் த்³விஜேஷு விஸ்ருஜந் பஶுஷஷ்டிகோடிம் ॥ 33-3 ॥

தத்ராத² பாரணதி³நே ப⁴வத³ர்சநாந்தே
து³ர்வாஸஸா(அ)ஸ்ய முநிநா ப⁴வநம் ப்ரபேதே³ ।
போ⁴க்தும் வ்ருதஶ்ச ஸ ந்ருபேண பரார்திஶீலோ
மந்த³ம் ஜகா³ம யமுநாம் நியமாந் விதா⁴ஸ்யந் ॥ 33-4 ॥

ராஜ்ஞா(அ)த² பாரணமுஹூர்தஸமாப்திகே²தா³-
-த்³வாரைவ பாரணமகாரி ப⁴வத்பரேண ।
ப்ராப்தோ முநிஸ்தத³த² தி³வ்யத்³ருஶா விஜாநந்
க்ஷிப்யந் க்ருதோ⁴த்³த்⁴ருதஜடோ விததாந க்ருத்யாம் ॥ 33-5 ॥

க்ருத்யாம் ச தாமஸித⁴ராம் பு⁴வநம் த³ஹந்தீ-
-மக்³ரே(அ)பி⁴வீக்ஷ்யந்ருபதிர்ந பதா³ச்சகம்பே ।
த்வத்³ப⁴க்தபா³த⁴மபி⁴வீக்ஷ்ய ஸுத³ர்ஶநம் தே
க்ருத்யாநலம் ஶலப⁴யந்முநிமந்வதா⁴வீத் ॥ 33-6 ॥

தா⁴வந்நஶேஷபு⁴வநேஷு பி⁴யா ஸ பஶ்யந்
விஶ்வத்ர சக்ரமபி தே க³தவாந் விரிஞ்சம் ।
க꞉ காலசக்ரமதிலங்க⁴யதீத்யபாஸ்த꞉
ஶர்வம் யயௌ ஸ ச ப⁴வந்தமவந்த³தைவ ॥ 33-7 ॥

பூ⁴யோ ப⁴வந்நிலயமேத்ய முநிம் நமந்தம்
ப்ரோசே ப⁴வாநஹம்ருஷே நநு ப⁴க்ததா³ஸ꞉ ।
ஜ்ஞாநம் தபஶ்ச விநயாந்விதமேவ மாந்யம்
யாஹ்யம்ப³ரீஷபத³மேவ ப⁴ஜேதி பூ⁴மந் ॥ 33-8 ॥

தாவத் ஸமேத்ய முநிநா ஸ க்³ருஹீதபாதோ³
ராஜா(அ)பஸ்ருத்ய ப⁴வத³ஸ்த்ரமஸாவநௌஷீத் ।
சக்ரே க³தே முநிரதா³த³கி²லாஶிஷோ(அ)ஸ்மை
த்வத்³ப⁴க்திமாக³ஸி க்ருதே(அ)பி க்ருபாம் ச ஶம்ஸந் ॥ 33-9 ॥

ராஜா ப்ரதீக்ஷ்ய முநிமேகஸமாமநாஶ்வாந்
ஸம்போ⁴ஜ்ய ஸாது⁴ தம்ருஷிம் விஸ்ருஜந் ப்ரஸந்நம் ।
பு⁴க்த்வா ஸ்வயம் த்வயி ததோ(அ)பி த்³ருட⁴ம் ரதோ(அ)பூ⁴த்
ஸாயுஜ்யமாப ச ஸ மாம் பவநேஶ பாயா꞉ ॥ 33-10 ॥

இதி த்ரயஸ்த்ரிம்ஶத³ஶகம் ஸமாப்தம் ॥

---

ஸம்பூர்ண நாராயணீயம் பார்க்க.