Read in తెలుగు / ಕನ್ನಡ / தமிழ் / देवनागरी / English (IAST)
நாராயணீயம் ஏகவிம்ஶத³ஶகம் (21) – நவ வர்ஷா꞉ ததா² ஸப்தத்³வீபா꞉ । ஜம்பூ³த்³வீபாதி³ஷு உபாஸநாபத்³த⁴தி꞉ ।
மத்⁴யோத்³ப⁴வே பு⁴வ இலாவ்ருதநாம்நி வர்ஷே
கௌ³ரீப்ரதா⁴நவநிதாஜநமாத்ரபா⁴ஜி ।
ஶர்வேண மந்த்ரநுதிபி⁴꞉ ஸுமுபாஸ்யமாநம்
ஸங்கர்ஷணாத்மகமதீ⁴ஶ்வர ஸம்ஶ்ரயே த்வாம் ॥ 21-1 ॥
ப⁴த்³ராஶ்வநாமக இலாவ்ருதபூர்வவர்ஷே
ப⁴த்³ரஶ்ரவோபி⁴ர்ருஷிபி⁴꞉ பரிணூயமாநம் ।
கல்பாந்தகூ³ட⁴நிக³மோத்³த⁴ரணப்ரவீணம்
த்⁴யாயாமி தே³வ ஹயஶீர்ஷதநும் ப⁴வந்தம் ॥ 21-2 ॥
த்⁴யாயாமி த³க்ஷிணக³தே ஹரிவர்ஷவர்ஷே
ப்ரஹ்லாத³முக்²யபுருஷை꞉ பரிஷேவ்யமாணம் ।
உத்துங்க³ஶாந்தத⁴வளாக்ருதிமேகஶுத்³த⁴-
-ஜ்ஞாநப்ரத³ம் நரஹரிம் ப⁴க³வந் ப⁴வந்தம் ॥ 21-3 ॥
வர்ஷே ப்ரதீசி லலிதாத்மநி கேதுமாலே
லீலாவிஶேஷலலிதஸ்மிதஶோப⁴நாங்க³ம் ।
லக்ஷ்ம்யா ப்ரஜாபதிஸுதைஶ்ச நிஷேவ்யமாணம்
தஸ்யா꞉ ப்ரியாய த்⁴ருதகாமதநும் ப⁴ஜே த்வாம் ॥ 21-4 ॥
ரம்யே ஹ்யுதீ³சி க²லு ரம்யகநாம்நி வர்ஷே
தத்³வர்ஷநாத²மநுவர்யஸபர்யமாணம் ।
ப⁴க்தைகவத்ஸலமமத்ஸரஹ்ருத்ஸு பா⁴ந்தம்
மத்ஸ்யாக்ருதிம் பு⁴வநநாத² ப⁴ஜே ப⁴வந்தம் ॥ 21-5 ॥
வர்ஷம் ஹிரண்மயஸமாஹ்வயமௌத்தராஹ-
-மாஸீநமத்³ரித்⁴ருதிகர்மட²காமடா²ங்க³ம் ।
ஸம்ஸேவதே பித்ருக³ணப்ரவரோ(அ)ர்யமா யம்
தம் த்வாம் ப⁴ஜாமி ப⁴க³வந் பரசிந்மயாத்மந் ॥ 21-6 ॥
கிம் சோத்தரேஷு குருஷு ப்ரியயா த⁴ரண்யா
ஸம்ஸேவிதோ மஹிதமந்த்ரநுதிப்ரபே⁴தை³꞉ ।
த³ம்ஷ்ட்ராக்³ரக்⁴ருஷ்டக⁴நப்ருஷ்ட²க³ரிஷ்ட²வர்ஷ்மா
த்வம் பாஹி விஜ்ஞநுத யஜ்ஞவராஹமூர்தே ॥ 21-7 ॥
யாம்யாம் தி³ஶம் ப⁴ஜதி கிம்புருஷாக்²யவர்ஷே
ஸம்ஸேவிதோ ஹநுமதா த்³ருட⁴ப⁴க்திபா⁴ஜா ।
ஸீதாபி⁴ராமபரமாத்³பு⁴தரூபஶாலீ
ராமாத்மக꞉ பரிலஸந் பரிபாஹி விஷ்ணோ ॥ 21-8 ॥
ஶ்ரீநாரதே³ந ஸஹ பா⁴ரதக²ண்ட³முக்²யை-
-ஸ்த்வம் ஸாங்க்²யயோக³நுதிபி⁴꞉ ஸமுபாஸ்யமாந꞉ ।
ஆகல்பகாலமிஹ ஸாது⁴ஜநாபி⁴ரக்ஷீ
நாராயணோ நரஸக²꞉ பரிபாஹி பூ⁴மந் ॥ 21-9 ॥
ப்லாக்ஷே(அ)ர்கரூபமயி ஶால்மல இந்து³ரூபம்
த்³வீபே ப⁴ஜந்தி குஶநாமநி வஹ்நிரூபம் ।
க்ரௌஞ்சே(அ)ம்பு³ரூபமத² வாயுமயம் ச ஶாகே
த்வாம் ப்³ரஹ்மரூபமயி புஷ்கரநாம்நி லோகா꞉ ॥ 21-10 ॥
ஸர்வைர்த்⁴ருவாதி³பி⁴ருடு³ப்ரகரைர்க்³ரஹைஶ்ச
புச்சா²தி³கேஷ்வவயவேஷ்வபி⁴கல்ப்யமாநை꞉ ।
த்வம் ஶிம்ஶுமாரவபுஷா மஹதாமுபாஸ்ய꞉
ஸந்த்⁴யாஸு ருந்தி⁴ நரகம் மம ஸிந்து⁴ஶாயிந் ॥ 21-11 ॥
பாதாலமூலபு⁴வி ஶேஷதநும் ப⁴வந்தம்
லோலைககுண்ட³லவிராஜிஸஹஸ்ரஶீர்ஷம் ।
நீலாம்ப³ரம் த்⁴ருதஹலம் பு⁴ஜகா³ங்க³நாபி⁴-
-ர்ஜுஷ்டம் ப⁴ஜே ஹர க³தா³ந் கு³ருகே³ஹநாத² ॥ 21-12 ॥
இதி ஏகவிம்ஶத³ஶகம் ஸமாப்தம் ॥
ஸம்பூர்ண நாராயணீயம் பார்க்க.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.