Kishkindha Kanda Sarga 35 – கிஷ்கிந்தா⁴காண்ட³ பஞ்சத்ரிம்ஶ꞉ ஸர்க³꞉ (35)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ பஞ்சத்ரிம்ஶ꞉ ஸர்க³꞉ (35)

॥ தாராஸமாதா⁴நம் ॥

ததா² ப்³ருவாணம் ஸௌமித்ரிம் ப்ரதீ³ப்தமிவ தேஜஸா ।
அப்³ரவீல்லக்ஷ்மணம் தாரா தாராதி⁴பநிபா⁴நநா ॥ 1 ॥

நைவம் லக்ஷ்மண வக்தவ்யோ நாயம் பருஷமர்ஹதி ।
ஹரீணாமீஶ்வர꞉ ஶ்ரோதும் தவ வக்த்ராத்³விஶேஷத꞉ ॥ 2 ॥

நைவாக்ருதஜ்ஞ꞉ ஸுக்³ரீவோ ந ஶடோ² நாபி தா³ருண꞉ ।
நைவாந்ருதகதோ² வீர ந ஜிஹ்மஶ்ச கபீஶ்வர꞉ ॥ 3 ॥

உபகாரம் க்ருதம் வீரோ நாப்யயம் விஸ்ம்ருத꞉ கபி꞉ ।
ராமேண வீர ஸுக்³ரீவோ யத³ந்யைர்து³ஷ்கரம் ரணே ॥ 4 ॥

ராமப்ரஸாதா³த்கீர்திம் ச கபிராஜ்யம் ச ஶாஶ்வதம் ।
ப்ராப்தவாநிஹ ஸுக்³ரீவோ ருமாம் மாம் ச பரந்தப ॥ 5 ॥

ஸுது³꞉க²ம் ஶயித꞉ பூர்வம் ப்ராப்யேத³ம் ஸுக²முத்தமம் ।
ப்ராப்தகாலம் ந ஜாநீதே விஶ்வாமித்ரோ யதா² முநி꞉ ॥ 6 ॥

க்⁴ருதாச்யாம் கில ஸம்ஸக்தோ த³ஶ வர்ஷாணி லக்ஷ்மண ।
அஹோ(அ)மந்யத த⁴ர்மாத்மா விஶ்வாமித்ரோ மஹாமுநி꞉ ॥ 7 ॥

ஸ ஹி ப்ராப்தம் ந ஜாநீதே காலம் காலவிதா³ம் வர꞉ ।
விஶ்வாமித்ரோ மஹாதேஜா꞉ கிம் புநர்ய꞉ ப்ருத²க்³ஜந꞉ ॥ 8 ॥

தே³ஹத⁴ர்மம் க³தஸ்யாஸ்ய பரிஶ்ராந்தஸ்ய லக்ஷ்மண ।
அவித்ருப்தஸ்ய காமேஷு காமம் க்ஷந்துமிஹார்ஹஸி ॥ 9 ॥

ந ச ரோஷவஶம் தாத க³ந்துமர்ஹஸி லக்ஷ்மண ।
நிஶ்சயார்த²மவிஜ்ஞாய ஸஹஸா ப்ராக்ருதோ யதா² ॥ 10 ॥

ஸத்த்வயுக்தா ஹி புருஷாஸ்த்வத்³விதா⁴꞉ புருஷர்ஷப⁴ ।
அவிம்ருஶ்ய ந ரோஷஸ்ய ஸஹஸா யாந்தி வஶ்யதாம் ॥ 11 ॥

ப்ரஸாத³யே த்வாம் த⁴ர்மஜ்ஞ ஸுக்³ரீவார்தே² ஸமாஹிதா ।
மஹாந் ரோஷஸமுத்பந்ந꞉ ஸம்ரம்ப⁴ஸ்த்யஜ்யதாமயம் ॥ 12 ॥

ருமாம் மாம் கபிராஜ்யம் ச த⁴நதா⁴ந்யவஸூநி ச ।
ராமப்ரியார்த²ம் ஸுக்³ரீவஸ்த்யஜேதி³தி மதிர்மம ॥ 13 ॥

ஸமாநேஷ்யதி ஸுக்³ரீவ꞉ ஸீதயா ஸஹ ராக⁴வம் ।
ஶஶாங்கமிவ ரோஹிண்யா நிஹத்வா ராவணம் ரணே ॥ 14 ॥

ஶதகோடிஸஹஸ்ராணி லங்காயாம் கில ராக்ஷஸா꞉ ।
அயுதாநி ச ஷட்த்ரிம்ஶத்ஸஹஸ்ராணி ஶதாநி ச ॥ 15 ॥

அஹத்வா தாம்ஶ்ச து³ர்த⁴ர்ஷாந் ராக்ஷஸாந் காமரூபிண꞉ ।
ந ஶக்யோ ராவணோ ஹந்தும் யேந ஸா மைதி²லீ ஹ்ருதா ॥ 16 ॥

தே ந ஶக்யா ரணே ஹந்துமஸஹாயேந லக்ஷ்மண ।
ராவண꞉ க்ரூரகர்மா ச ஸுக்³ரீவேண விஶேஷத꞉ ॥ 17 ॥

ஏவமாக்²யாதவாந் வாலீ ஸ ஹ்யபி⁴ஜ்ஞோ ஹரீஶ்வர꞉ ।
ஆக³மஸ்து ந மே வ்யக்த꞉ ஶ்ரவணாத்தத்³ப்³ரவீம்யஹம் ॥ 18 ॥

த்வத்ஸஹாயநிமித்தம் வை ப்ரேஷிதா ஹரிபுங்க³வா꞉ ।
ஆநேதும் வாநராந் யுத்³தே⁴ ஸுப³ஹூந் ஹரியூத²பாந் ॥ 19 ॥

தாம்ஶ்ச ப்ரதீக்ஷமாணோ(அ)யம் விக்ராந்தாந் ஸுமஹாப³லாந் ।
ராக⁴வஸ்யார்த²ஸித்³த்⁴யர்த²ம் ந நிர்யாதி ஹரீஶ்வர꞉ ॥ 20 ॥

க்ருதா(அ)த்ர ஸம்ஸ்தா² ஸௌமித்ரே ஸுக்³ரீவேண யதா² புரா ।
அத்³ய தைர்வாநரை꞉ ஸர்வைராக³ந்தவ்யம் மஹாப³லை꞉ ॥ 21 ॥

ருக்ஷகோடிஸஹஸ்ராணி கோ³ளாங்கூ³ளஶதாநி ச ।
அத்³ய த்வாமுபயாஸ்யந்தி ஜஹி கோபமரிந்த³ம ।
கோட்யோ(அ)நேகாஸ்து காகுத்ஸ்த² கபீநாம் தீ³ப்ததேஜஸாம் ॥ 22 ॥

தவ ஹி முக²மித³ம் நிரீக்ஷ்ய கோபாத்
க்ஷதஜநிபே⁴ நயநே நிரீக்ஷமாணா꞉ ।
ஹரிவரவநிதா ந யாந்தி ஶாந்திம்
ப்ரத²மப⁴யஸ்ய ஹி ஶங்கிதா꞉ ஸ்ம ஸர்வா꞉ ॥ 23 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ பஞ்சத்ரிம்ஶ꞉ ஸர்க³꞉ ॥ 35 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.