Kishkindha Kanda Sarga 12 – கிஷ்கிந்தா⁴காண்ட³ த்³வாத³ஶ꞉ ஸர்க³꞉ (12)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ த்³வாத³ஶ꞉ ஸர்க³꞉ (12)

॥ ஸுக்³ரீவப்ரத்யயதா³நம் ॥

ஏதச்ச வசநம் ஶ்ருத்வா ஸுக்³ரீவேண ஸுபா⁴ஷிதம் ।
ப்ரத்யயார்த²ம் மஹாதேஜா ராமோ ஜக்³ராஹ கார்முகம் ॥ 1 ॥

ஸ க்³ருஹீத்வா த⁴நுர்கோ⁴ரம் ஶரமேகம் ச மாநத³꞉ ।
ஸாலமுத்³தி³ஶ்ய சிக்ஷேப ஜ்யாஸ்வநை꞉ பூரயந் தி³ஶ꞉ ॥ 2 ॥

ஸ விஸ்ருஷ்டோ ப³லவதா பா³ண꞉ ஸ்வர்ணபரிஷ்க்ருத꞉ ।
பி⁴த்த்வா ஸாலாந் கி³ரிப்ரஸ்தே² ஸப்த பூ⁴மிம் விவேஶ ஹ ॥ 3 ॥

ப்ரவிஷ்டஶ்ச முஹூர்தேந த⁴ராம் பி⁴த்த்வா மஹாஜவ꞉ ।
நிஷ்பத்ய ச புநஸ்தூர்ணம் ஸ்வதூணீம் ப்ரவிவேஶ ஹ ॥ 4 ॥

தாந் த்³ருஷ்ட்வா ஸப்த நிர்பி⁴ந்நாந் ஸாலாந் வாநரபுங்க³வ꞉ ।
ராமஸ்ய ஶரவேகே³ந விஸ்மயம் பரமம் க³த꞉ ॥ 5 ॥

ஸ மூர்த்⁴நா ந்யபதத்³பூ⁴மௌ ப்ரளம்பீ³க்ருதபூ⁴ஷண꞉ ।
ஸுக்³ரீவ꞉ பரமப்ரீதோ ராக⁴வாய க்ருதாஞ்ஜலி꞉ ॥ 6 ॥

இத³ம் சோவாச த⁴ர்மஜ்ஞம் கர்மணா தேந ஹர்ஷித꞉ ।
ராமம் ஸர்வாஸ்த்ரவிது³ஷாம் ஶ்ரேஷ்ட²ம் ஶூரமவஸ்தி²தம் ॥ 7 ॥

ஸேந்த்³ராநபி ஸுராந் ஸர்வாம்ஸ்த்வம் பா³ணை꞉ புருஷர்ஷப⁴ ।
ஸமர்த²꞉ ஸமரே ஹந்தும் கிம் புநர்வாலிநம் ப்ரபோ⁴ ॥ 8 ॥

யேந ஸப்த மஹாஸாலா கி³ரிர்பூ⁴மிஶ்ச தா³ரிதா꞉ ।
பா³ணேநைகேந காகுத்ஸ்த² ஸ்தா²தா தே கோ ரணாக்³ரத꞉ ॥ 9 ॥

அத்³ய மே விக³த꞉ ஶோக꞉ ப்ரீதிரத்³ய꞉ பரா மம ।
ஸுஹ்ருத³ம் த்வாம் ஸமாஸாத்³ய மஹேந்த்³ரவருணோபமம் ॥ 10 ॥

தமத்³யைவ ப்ரியார்த²ம் மே வைரிணம் ப்⁴ராத்ருரூபிணம் ।
வாலிநம் ஜஹி காகுத்ஸ்த² மயா ப³த்³தோ⁴(அ)யமஞ்ஜலி꞉ ॥ 11 ॥

ததோ ராம꞉ பரிஷ்வஜ்ய ஸுக்³ரீவம் ப்ரியத³ர்ஶநம் ।
ப்ரத்யுவாச மஹாப்ராஜ்ஞோ லக்ஷ்மணாநுமதம் வச꞉ ॥ 12 ॥

அஸ்மாத்³க³ச்சே²ம கிஷ்கிந்தா⁴ம் க்ஷிப்ரம் க³ச்ச² த்வமக்³ரத꞉ ।
க³த்வா சாஹ்வய ஸுக்³ரீவ வாலிநம் ப்⁴ராத்ருக³ந்தி⁴நம் ॥ 13 ॥

ஸர்வே தே த்வரிதம் க³த்வா கிஷ்கிந்தா⁴ம் வாலிந꞉ புரீம் ।
வ்ருக்ஷைராத்மாநமாவ்ருத்ய வ்யதிஷ்ட²ந் க³ஹநே வநே ॥ 14 ॥

ஸுக்³ரீவோ வ்யநத³த்³கோ⁴ரம் வாலிநோ ஹ்வாநகாரணாத் ।
கா³ட⁴ம் பரிஹிதோ வேகா³ந்நாதை³ர்பி⁴ந்த³ந்நிவாம்ப³ரம் ॥ 15 ॥

நநாத³ ஸுமஹாநாத³ம் பூரயந்வை நப⁴꞉ ஸ்த²லம் ।
தம் ஶ்ருத்வா நிநத³ம் ப்⁴ராது꞉ க்ருத்³தோ⁴ வாலீ மஹாப³ல꞉ ॥ 16 ॥

நிஷ்பபாத ஸுஸம்ரப்³தோ⁴ பா⁴ஸ்கரோ(அ)ஸ்ததடாதி³வ ।
தத꞉ ஸுதுமுலம் யுத்³த⁴ம் வாலிஸுக்³ரீவயோரபூ⁴த் ॥ 17 ॥

க³க³நே க்³ரஹயோர்கோ⁴ரம் பு³தா⁴ங்கா³ரகயோரிவ ।
தலைரஶநிகல்பைஶ்ச வஜ்ரகல்பைஶ்ச முஷ்டிபி⁴꞉ ॥ 18 ॥

ஜக்⁴நது꞉ ஸமரே(அ)ந்யோந்யம் ப்⁴ராதரௌ க்ரோத⁴மூர்சி²தௌ ।
ததோ ராமோ த⁴நுஷ்பாணிஸ்தாவுபௌ⁴ ஸமுதீ³க்ஷ்ய து ॥ 19 ॥

அந்யோந்யஸத்³ருஶௌ வீராவுபௌ⁴ தே³வாவிவாஶ்விநௌ ।
யந்நாவக³ச்ச²த் ஸுக்³ரீவம் வாலிநம் வா(அ)பி ராக⁴வ꞉ ॥ 20 ॥

ததோ ந க்ருதவாந் பு³த்³தி⁴ம் மோக்துமந்தகரம் ஶரம் ।
ஏதஸ்மிந்நந்தரே ப⁴க்³ந꞉ ஸுக்³ரீவஸ்தேந வாலிநா ॥ 21 ॥

அபஶ்யந் ராக⁴வம் நாத²ம்ருஶ்யமூகம் ப்ரது³த்³ருவே ।
க்லாந்தோ ருதி⁴ரஸிக்தாங்க³꞉ ப்ரஹாரைர்ஜர்ஜரீக்ருத꞉ ॥ 22 ॥

வாலிநா(அ)பி⁴த்³ருத꞉ க்ரோதா⁴த் ப்ரவிவேஶ மஹாவநம் ।
தம் ப்ரவிஷ்டம் வநம் த்³ருஷ்ட்வா வாலீ ஶாபப⁴யார்தி³த꞉ ॥ 23 ॥

முக்தோ ஹ்யஸி த்வமித்யுக்த்வா ஸந்நிவ்ருத்தோ மஹாத்³யுதி꞉ ।
ராக⁴வோ(அ)பி ஸஹ ப்⁴ராத்ரா ஸஹ சைவ ஹநூமதா ॥ 24 ॥

ததே³வ வநமாக³ச்ச²த் ஸுக்³ரீவோ யத்ர வாநர꞉ ।
தம் ஸமீக்ஷ்யாக³தம் ராமம் ஸுக்³ரீவ꞉ ஸஹலக்ஷ்மணம் ॥ 25 ॥

ஹ்ரீமாந் தீ³நமுவாசேத³ம் வஸுதா⁴மவலோகயந் ।
ஆஹ்வயஸ்வேதி மாமுக்த்வா த³ர்ஶயித்வா ச விக்ரமம் ॥ 26 ॥

வைரிணா கா⁴தயித்வா ச கிமிதா³நீம் த்வயா க்ருதம் ।
தாமேவ வேலாம் வக்தவ்யம் த்வயா ராக⁴வ தத்த்வத꞉ ॥ 27 ॥

வாலிநம் ந நிஹந்மீதி ததோ நாஹமிதோ வ்ரஜே ।
தஸ்ய சைவம் ப்³ருவாணஸ்ய ஸுக்³ரீவஸ்ய மஹாத்மந꞉ ॥ 28 ॥

கருணம் தீ³நயா வாசா ராக⁴வ꞉ புநரப்³ரவீத் ।
ஸுக்³ரீவ ஶ்ரூயதாம் தாத க்ரோத⁴ஶ்ச வ்யபநீயதாம் ॥ 29 ॥

காரணம் யேந பா³ணோ(அ)யம் ந மயா ஸ விஸர்ஜித꞉ ।
அலங்காரேண வேஷேண ப்ரமாணேந க³தேந ச ॥ 30 ॥

த்வம் ச ஸுக்³ரீவ வாலீ ச ஸத்³ருஶௌ ஸ்த²꞉ பரஸ்பரம் ।
ஸ்வரேண வர்சஸா சைவ ப்ரேக்ஷிதேந ச வாநர ॥ 31 ॥

விக்ரமேண ச வாக்யைஶ்ச வ்யக்திம் வாம் நோபலக்ஷயே ।
ததோ(அ)ஹம் ரூபஸாத்³ருஶ்யாந்மோஹிதோ வாநரோத்தம ॥ 32 ॥

நோத்ஸ்ருஜாமி மஹாவேக³ம் ஶரம் ஶத்ருநிப³ர்ஹணம் ।
ஜீவிதாந்தகரம் கோ⁴ரம் ஸாத்³ருஶ்யாத்து விஶங்கித꞉ ॥ 33 ॥

மூலகா⁴தோ ந நௌ ஸ்யாத்³தி⁴ த்³வயோரபி க்ருதோ மயா ।
த்வயி வீரே விபந்நே ஹி அஜ்ஞாநால்லாக⁴வாந்மயா ॥ 34 ॥

மௌட்⁴யம் ச மம பா³ல்யம் ச க்²யாபிதம் ஸ்யாத்³த⁴ரீஶ்வர ।
த³த்தாப⁴யவதோ⁴ நாம பாதகம் மஹது³ச்யதே ॥ 35 ॥

அஹம் ச லக்ஷ்மணஶ்சைவ ஸீதா ச வரவர்ணிநீ ।
த்வத³தீ⁴நா வயம் ஸர்வே வநே(அ)ஸ்மிந் ஶரணம் ப⁴வாந் ॥ 36 ॥

தஸ்மாத்³யுத்⁴யஸ்வ பூ⁴யஸ்த்வம் நிஶ்ஶங்கோ வாநரேஶ்வர ।
அஸ்மிந்முஹூர்தே ஸுக்³ரீவ பஶ்ய வாலிநமாஹவே ॥ 37 ॥

நிரஸ்தமிஷுணைகேந வேஷ்டமாநம் மஹீதலே ।
அபி⁴ஜ்ஞாநம் குருஷ்வ த்வமாத்மநோ வாநரேஶ்வர ॥ 38 ॥

யேந த்வாமபி⁴ஜாநீயாம் த்³வந்த்³வயுத்³த⁴முபாக³தம் ।
க³ஜபுஷ்பீமிமாம் பு²ல்லாமுத்பாட்ய ஶுப⁴லக்ஷணாம் ॥ 39 ॥

குரு லக்ஷ்மண கண்டே²(அ)ஸ்ய ஸுக்³ரீவஸ்ய மஹாத்மந꞉ ।
ததோ க³ரிதடே ஜாதாமுத்பாட்ய குஸுமாகுலாம் ॥ 40 ॥

லக்ஷ்மணோ க³ஜபுஷ்பீம் தாம் தஸ்ய கண்டே² வ்யஸர்ஜயத் ।
ஸ தயா ஶுஶுபே⁴ ஶ்ரீமாந் லதயா கண்ட²ஸக்தயா ॥ 41 ॥

மாலயேவ ப³லாகாநாம் ஸஸந்த்⁴ய இவ தோயத³꞉ ।
விப்⁴ராஜமாநோ வபுஷா ராமவாக்யஸமாஹித꞉ ।
ஜகா³ம ஸஹ ராமேண கிஷ்கிந்தா⁴ம் வாலிபாலிதாம் ॥ 42 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ த்³வாத³ஶ꞉ ஸர்க³꞉ ॥ 12 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.