Kishkindha Kanda Sarga 10 – கிஷ்கிந்தா⁴காண்ட³ த³ஶம꞉ ஸர்க³꞉ (10)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ த³ஶம꞉ ஸர்க³꞉ (10)

॥ ராஜ்யநிர்வாஸகத²நம் ॥

தத꞉ க்ரோத⁴ஸமாவிஷ்டம் ஸம்ரப்³த⁴ம் தமுபாக³தம் ।
அஹம் ப்ரஸாத³யாஞ்சக்ரே ப்⁴ராதரம் ப்ரியகாம்யயா ॥ 1 ॥

தி³ஷ்ட்யா(அ)ஸி குஶலீ ப்ராப்தோ தி³ஷ்ட்யாபி நிஹதோ ரிபு꞉ ।
அநாத²ஸ்ய ஹி மே நாத²ஸ்த்வமேகோ(அ)நாத²நந்த³ந꞉ ॥ 2 ॥

இத³ம் ப³ஹுஶலாகம் தே பூர்ணசந்த்³ரமிவோதி³தம் ।
ச²த்ரம் ஸவாலவ்யஜநம் ப்ரதீச்ச²ஸ்வ மயோத்³யதம் ॥ 3 ॥

ஆர்தஶ்சாத² பி³லத்³வாரி ஸ்தி²த꞉ ஸம்வத்ஸரம் ந்ருப ।
த்³ருஷ்ட்வாஹம் ஶோணிதம் த்³வாரி பி³லாச்சாபி ஸமுத்தி²தம் ॥ 4 ॥

ஶோகஸம்விக்³நஹ்ருத³யோ ப்⁴ருஶம் வ்யாகுலிதேந்த்³ரிய꞉ ।
அபிதா⁴ய பி³லத்³வாரம் கி³ரிஶ்ருங்கே³ண தத்ததா² ॥ 5 ॥

தஸ்மாத்³தே³ஶாத³பாக்ரம்ய கிஷ்கிந்தா⁴ம் ப்ராவிஶம் புந꞉ ।
விஷாதா³த்த்விஹ மாம் த்³ருஷ்ட்வா பௌரைர்மந்த்ரிபி⁴ரேவ ச ॥ 6 ॥

அபி⁴ஷிக்தோ ந காமேந தந்மே த்வம் க்ஷந்துமர்ஹஸி ।
த்வமேவ ராஜா மாநார்ஹ꞉ ஸதா³ சாஹம் யதா²புரம் ॥ 7 ॥

ராஜபா⁴வநியோகோ³(அ)யம் மயா த்வத்³விரஹாத்க்ருத꞉ ।
ஸாமாத்யபௌரநக³ரம் ஸ்தி²தம் நிஹதகண்டகம் ॥ 8 ॥

ந்யாஸபூ⁴தமித³ம் ராஜ்யம் தவ நிர்யாதயாம்யஹம் ।
மா ச ரோஷம் க்ருதா²꞉ ஸௌம்ய மயி ஶத்ருநிப³ர்ஹண ॥ 9 ॥

யாசே த்வாம் ஶிரஸா ராஜந் மயா ப³த்³தோ⁴(அ)யமஞ்ஜலி꞉ ।
ப³லாத³ஸ்மி ஸமாக³ம்ய மந்த்ரிபி⁴꞉ புரவாஸிபி⁴꞉ ॥ 10 ॥

ராஜபா⁴வே நியுக்தோ(அ)ஹம் ஶூந்யதே³ஶஜிகீ³ஷயா ।
ஸ்நிக்³த⁴மேவம் ப்³ருவாணம் மாம் ஸ து நிர்ப⁴ர்த்ஸ்ய வாநர꞉ ॥ 11 ॥

தி⁴க் த்வாமிதி ச மாமுக்த்வா ப³ஹு தத்தது³வாச ஹ ।
ப்ரக்ருதீஶ்ச ஸமாநீய மந்த்ரிணஶ்சைவ ஸம்மதாந் ॥ 12 ॥

மாமாஹ ஸுஹ்ருதா³ம் மத்⁴யே வாக்யம் பரமக³ர்ஹிதம் ।
விதி³தம் வோ யதா² ராத்ரௌ மாயாவீ ஸ மஹாஸுர꞉ ॥ 13 ॥

மாம் ஸமாஹ்வயத க்ரூரோ யுத்³த⁴காங்க்ஷீ ஸுது³ர்மதி꞉ ।
தஸ்ய தத்³க³ர்ஜிதம் ஶ்ருத்வா நி꞉ஸ்ருதோ(அ)ஹம் ந்ருபாலயாத் ॥ 14 ॥

அநுயாதஶ்ச மாம் தூர்ணமயம் ப்⁴ராதா ஸுதா³ருண꞉ ।
ஸ து த்³ருஷ்டைவ மாம் ராத்ரௌ ஸத்³விதீயம் மஹாப³ல꞉ ॥ 15 ॥

ப்ராத்³ரவத்³ப⁴யஸந்த்ரஸ்தோ வீக்ஷ்யாவாம் தமநுத்³ருதௌ ।
அநுத்³ருதஶ்ச வேகே³ந ப்ரவிவேஶ மஹாபி³லம் ॥ 16 ॥

தம் ப்ரவிஷ்டம் விதி³த்வா து ஸுகோ⁴ரம் ஸுமஹத்³பி³லம் ।
அயமுக்தோ(அ)த² மே ப்⁴ராதா மயா து க்ரூரத³ர்ஶந꞉ ॥ 17 ॥

அஹத்வா நாஸ்தி மே ஶக்தி꞉ ப்ரதிக³ந்துமித꞉ புரீம் ।
பி³லத்³வாரி ப்ரதீக்ஷ த்வம் யாவதே³நம் நிஹந்ம்யஹம் ॥ 18 ॥

ஸ்தி²தோ(அ)யமிதி மத்வா து ப்ரவிஷ்டோ(அ)ஹம் து³ராஸத³ம் ।
தம் ச மே மார்க³மாணஸ்ய க³த꞉ ஸம்வத்ஸரஸ்ததா³ ॥ 19 ॥

ஸ து த்³ருஷ்டோ மயா ஶத்ருரநிர்வேதா³த்³ப⁴யாவஹ꞉ ।
நிஹதஶ்ச மயா தத்ர ஸோ(அ)ஸுரோ ப³ந்து⁴பி⁴꞉ ஸஹ ॥ 20 ॥

தஸ்யாஸ்யாத்து ப்ரவ்ருத்தேந ருதி⁴ரௌகே⁴ண தத்³பி³லம் ।
பூர்ணமாஸீத்³து³ராக்ராமம் ஸ்தநதஸ்தஸ்ய பூ⁴தலே ॥ 21 ॥

ஸூத³யித்வா து தம் ஶத்ரும் விக்ராந்தம் தம் மஹாஸுரம் ।
நிஷ்க்ராமந்நைவ பஶ்யாமி பி³லஸ்யாபிஹிதம் முக²ம் ॥ 22 ॥

விக்ரோஶமாநஸ்ய து மே ஸுக்³ரீவேதி புந꞉ புந꞉ ।
யதா³ ப்ரதிவசோ நாஸ்தி ததோ(அ)ஹம் ப்⁴ருஶது³꞉கி²த꞉ ॥ 23 ॥

பாத³ப்ரஹாரைஸ்து மயா ப³ஹுபி⁴ஸ்தத்³விதா³ரிதம் ।
ததோ(அ)ஹம் தேந நிஷ்க்ரம்ய பதா² புரமுபாக³த꞉ ॥ 24 ॥

அத்ராநேநாஸ்மி ஸம்ருத்³தோ⁴ ராஜ்யம் ப்ரார்த²யதா(ஆ)த்மந꞉ ।
ஸுக்³ரீவேண ந்ருஶம்ஸேந விஸ்ம்ருத்ய ப்⁴ராத்ருஸௌஹ்ருத³ம் ॥ 25 ॥

ஏவமுக்த்வா து மாம் தத்ர வஸ்த்ரேணைகேந வாநர꞉ ।
ததா³ நிர்வாஸயாமாஸ வாலீ விக³தஸாத்⁴வஸ꞉ ॥ 26 ॥

தேநாஹமபவித்³த⁴ஶ்ச ஹ்ருததா³ரஶ்ச ராக⁴வ ।
தத்³ப⁴யாச்ச மஹீ க்ருத்ஸ்நா க்ராந்தேயம் ஸவநார்ணவா ॥ 27 ॥

ருஶ்யமூகம் கி³ரிவரம் பா⁴ர்யாஹரணது³꞉கி²த꞉ ।
ப்ரவிஷ்டோ(அ)ஸ்மி து³ராத⁴ர்ஷம் வாலிந꞉ காரணாந்தரே ॥ 28 ॥

ஏதத்தே ஸர்வமாக்²யாதம் வைராநுகத²நம் மஹத் ।
அநாக³ஸா மயா ப்ராப்தம் வ்யஸநம் பஶ்ய ராக⁴வ ॥ 29 ॥

வாலிநஸ்து ப⁴யார்தஸ்ய ஸர்வலோகாப⁴யங்கர ।
கர்துமர்ஹஸி மே வீர ப்ரஸாத³ம் தஸ்ய நிக்³ரஹாத் ॥ 30 ॥

ஏவமுக்தஸ்து தேஜஸ்வீ த⁴ர்மஜ்ஞோ த⁴ர்மஸம்ஹிதம் ।
வசநம் வக்துமாரேபே⁴ ஸுக்³ரீவம் ப்ரஹஸந்நிவ ॥ 31 ॥

அமோகா⁴꞉ ஸூர்யஸங்காஶா மமைதே நிஶிதா꞉ ஶரா꞉ ।
தஸ்மிந் வாலிநி து³ர்வ்ருத்தே நிபதிஷ்யந்தி வேகி³தா꞉ ॥ 32 ॥

யாவத்தம் நாபி⁴பஶ்யாமி தவ பா⁴ர்யாபஹாரிணம் ।
தாவத்ஸ ஜீவேத் பாபாத்மா வாலீ சாரித்ரதூ³ஷக꞉ ॥ 33 ॥

ஆத்மாநுமாநாத் பஶ்யாமி மக்³நம் த்வாம் ஶோகஸாக³ரே ।
த்வாமஹம் தாரயிஷ்யாமி காமம் ப்ராப்ஸ்யஸி புஷ்களம் ॥ 34 ॥

தஸ்ய தத்³வசநம் ஶ்ருத்வா ராக⁴வஸ்யாத்மநோ ஹிதம் ।
ஸுக்³ரிவ꞉ பரமப்ரீத꞉ ஸுமஹத்³வாக்யமப்³ரவீத் ॥ 35 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ த³ஶம꞉ ஸர்க³꞉ ॥ 10 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.