Ayodhya Kanda Sarga 61 – அயோத்⁴யாகாண்ட³ ஏகஷஷ்டி²தம꞉ ஸர்க³꞉ (61)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே அயோத்⁴யகாண்ட³ → அயோத்⁴யாகாண்ட³ ஏகஷஷ்டி²தம꞉ ஸர்க³꞉ (61)

॥ கௌஸல்யோபாலம்ப⁴꞉ ॥

வநம் க³தே த⁴ர்மபரே ராமே ரமயதாம் வரே ।
கௌஸல்யா ருத³தீ ஸ்வார்தா ப⁴ர்தாரமித³மப்³ரவீத் ॥ 1 ॥

யத்³யபி த்ரிஷு லோகேஷு ப்ரதி²தம் தே மயத்³யஶ꞉ ।
ஸாநுக்ரோஶோ வதா³ந்யஶ்ச ப்ரியவாதீ³ ச ராக⁴வ꞉ ॥ 2 ॥

கத²ம் நரவரஶ்ரேஷ்ட² புத்ரௌ தௌ ஸஹ ஸீதயா ।
து³꞉கி²தௌ ஸுக²ஸம்வ்ருத்³தௌ⁴ வநே து³꞉க²ம் ஸஹிஷ்யத꞉ ॥ 3 ॥

ஸா நூநம் தருணீ ஶ்யாமா ஸுகுமாரீ ஸுகோ²சிதா ।
கத²முஷ்ணம் ச ஶீதம் ச மைதி²லீ ப்ரஸஹிஷ்யதே ॥ 4 ॥

பு⁴க்த்வா(அ)ஶநம் விஶாலாக்ஷீ ஸூபத³ம் ஶாந்விதம் ஶுப⁴ம் ।
வந்யம் நைவாரமாஹாரம் கத²ம் ஸீதோபபோ⁴க்ஷ்யதே ॥ 5 ॥

கீ³தவாதி³த்ரநிர்கோ⁴ஷம் ஶ்ருத்வா ஶுப⁴மநிந்தி³தா ।
கத²ம் க்ரவ்யாத³ஸிம்ஹாநாம் ஶப்³த³ம் ஶ்ரோஷ்யத்யஶோப⁴நம் ॥ 6 ॥

மஹேந்த்³ரத்⁴வஜஸங்காஶ꞉ க்வ நு ஶேதே மஹாபு⁴ஜ꞉ ।
பு⁴ஜம் பரிக⁴ஸங்காஶமுபதா⁴ய மஹாப³ல꞉ ॥ 7 ॥

பத்³மவர்ணம் ஸுகேஶாந்தம் பத்³ம நிஶ்ஶ்வாஸமுத்தமம் ।
கதா³ த்³ரக்ஷ்யாமி ராமஸ்ய வத³நம் புஷ்கரேக்ஷணம் ॥ 8 ॥

வஜ்ரஸாரமயம் நூநம் ஹ்ருத³யம் மே ந ஸம்ஶய꞉ ।
அபஶ்யந்த்யா ந தம் யத்³வை ப²லதீத³ம் ஸஹஸ்ரதா⁴ ॥ 9 ॥

யத்த்வயா(அ)கருணம் கர்ம வ்யபோஹ்ய மம பா³ந்த⁴வா꞉ ।
நிரஸ்தா꞉ பரிதா⁴வந்தி ஸுகா²ர்ஹ꞉ க்ருபணா வநே ॥ 10 ॥

யதி³ பஞ்சத³ஶே வர்ஷே ராக⁴வ꞉ புநரேஷ்யதி ।
ஜஹ்யாத்³ராஜ்யம் ச கோஶம் ச ப⁴ரதோ நோபலக்ஷயதே ॥ 11 ॥

போ⁴ஜயந்தி கில ஶ்ராத்³தே⁴ கேசித்ஸ்வாநேவ பா³ந்த⁴வாந் ।
தத꞉ பஶ்சாத்ஸமீக்ஷந்தே க்ருதகார்யா த்³விஜர்ஷபா⁴ந் ॥ 12 ॥

தத்ர யே கு³ணவந்தஶ்ச வித்³வாம்ஸஶ்ச த்³விஜாதய꞉ ।
ந பஶ்சாத்தே(அ)பி⁴மந்யந்தே ஸுதா⁴மபி ஸுரோபமா꞉ ॥ 13 ॥

ப்³ராஹ்மணேஷ்வபி த்ருப்தேஷு பஶ்சாத்³போ⁴க்தும் த்³விஜர்ஷபா⁴꞉ ।
நாப்⁴யுபைதுமலம் ப்ராஜ்ஞா꞉ ஶ்ருங்க³ச்சே²த³மிவர்ஷபா⁴꞉ ॥ 14 ॥

ஏவம் கநீயஸா ப்⁴ராத்ரா பு⁴க்தம் ராஜ்யம் விஶாம்பதே ।
ப்⁴ராதா ஜ்யேஷ்டோ² வரிஷ்ட²ஶ்ச கிமர்த²ம் நாவமம்ஸ்யதே ॥ 15 ॥

ந பரேணாஹ்ருதம் ப⁴க்ஷ்யம் வ்யாக்⁴ர꞉ கா²தி³துமிச்சதி ।
ஏவமேதந்நரவ்யாக்⁴ர꞉ பரளீட⁴ம் ந மந்யதே ॥ 16 ॥

ஹவிராஜ்யம் புரோடா³ஶா꞉ குஶா யூபாஶ்ச கா²தி³ரா꞉ ।
நைதாநி யாதயாமாநி குர்வந்தி புநரத்⁴வரே ॥ 17 ॥

ததா² ஹ்யாத்தமித³ம் ராஜ்யம் ஹ்ருதஸாராம் ஸுராமிவ ।
நாபி⁴மந்துமலம் ராமர்நஷ்ட ஸோமமிவாத்⁴வரம் ॥ 18 ॥

நைவம் வித⁴மஸத்காரம் ராக⁴வோ மர்ஷயிஷ்யதி ।
ப³லவாநிவ ஶார்தூ³ளோ வாலதே⁴ரபி⁴மர்ஶநம் ॥ 19 ॥

நைதஸ்ய ஸஹிதா லோகா꞉ ப⁴யம் குர்யுர்மஹாம்ருதே⁴ ।
அத⁴ர்மம் த்விஹ த⁴ர்மாத்மா லோகம் த⁴ர்மேண யோஜயேத் ॥ 20 ॥

நந்வஸௌ காஞ்சநைர்பா³ணைர்மஹாவீர்யோ மஹாபு⁴ஜ꞉ ।
யுகா³ந்த இவ பூ⁴தாநி ஸாக³ராநபி நிர்த³ஹேத் ॥ 21 ॥

ஸ தாத்³ருஶ꞉ ஸிம்ஹப³லோ வ்ருஷபா⁴க்ஷோ நரர்ஷப⁴꞉ ।
ஸ்வயமேவ ஹத꞉ பித்ரா ஜலஜேநாத்மஜோ யதா² ॥ 22 ॥

த்³விஜாதிசரிதோ த⁴ர்ம꞉ ஶாஸ்த்ரத்³ருஷ்ட꞉ ஸநாதந꞉ ।
யதி³ தே த⁴ர்மநிரதே த்வயா புத்ரே விவாஸிதே ॥ 23 ॥

க³திரேகா பதிர்நார்யா த்³விதீயா க³திராத்மஜ꞉ ।
த்ருதீயா ஜ்ஞாதயோ ராஜந் சதுர்தீ² நேஹ வித்³யதே ॥ 24 ॥

தத்ர த்வம் சைவ மே நாஸ்தி ராமஶ்ச வநமாஶ்ரித꞉ ।
ந வநம் க³ந்துமிச்சா²மி ஸர்வதா² நிஹதா த்வயா ॥ 25 ॥

ஹதம் த்வயா ராஜ்யமித³ம் ஸராஷ்ட்ரம்
ஹதஸ்ததா²(ஆ)த்மா ஸஹ மந்த்ரிபி⁴ஶ்ச ।
ஹதா ஸபுத்ரா(அ)ஸ்மி ஹதாஶ்ச பௌரா꞉
ஸுதஶ்ச பா⁴ர்யா ச தவ ப்ரஹ்ருஷ்டௌ ॥ 26 ॥

இமாம் கி³ரம் தா³ருணஶப்³த³ஸம்ஶ்ரிதாம்
நிஶம்ய ராஜா(அ)பி முமோஹ து³꞉கி²த꞉ ।
தத꞉ ஸ ஶோகம் ப்ரவிவேஶ பார்தி²வ꞉
ஸ்வது³ஷ்க்ருதம் சாபி புநஸ்ததா³ ஸ்மரந் ॥ 27 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அயோத்⁴யாகாண்டே³ ஏகஷஷ்டி²தம꞉ ஸர்க³꞉ ॥ 61 ॥

அயோத்⁴யாகாண்ட³ த்³விஷஷ்டி²தம꞉ ஸர்க³꞉ (62) >>

---

ஸம்பூர்ண வால்மீகி ராமாயணே அயோத்⁴யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.