Aranya Kanda Sarga 62 – அரண்யகாண்ட³ த்³விஷஷ்டிதம꞉ ஸர்க³꞉ (62)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ த்³விஷஷ்டிதம꞉ ஸர்க³꞉ (62)

॥ ராக⁴வவிளாப꞉ ॥

ஸீதாமபஶ்யந் த⁴ர்மாத்மா காமோபஹதசேதந꞉ ।
விளலாப மஹாபா³ஹூ ராம꞉ கமலலோசந꞉ ॥ 1 ॥

பஶ்யந்நிவ ஸ தாம் ஸீதாமபஶ்யந்மத³நார்தி³த꞉ ।
உவாச ராக⁴வோ வாக்யம் விளாபாஶ்ரயது³ர்வசம் ॥ 2 ॥

த்வமஶோகஸ்ய ஶாகா²பி⁴꞉ புஷ்பப்ரியதயா ப்ரியே ।
ஆவ்ருணோஷி ஶரீரம் தே மம ஶோகவிவர்த⁴நீ ॥ 3 ॥

கத³ளீகாண்ட³ஸத்³ருஶௌ கத³ல்யா ஸம்வ்ருதாவுபௌ⁴ ।
ஊரூ பஶ்யாமி தே தே³வி நாஸி ஶக்தா நிகூ³ஹிதும் ॥ 4 ॥

கர்ணிகாரவநம் ப⁴த்³ரே ஹஸந்தீ தே³வி ஸேவஸே ।
அலம் தே பரிஹாஸேந மம பா³தா⁴வஹேந வை ॥ 5 ॥

பரிஹாஸேந கிம் ஸீதே பரிஶ்ராந்தஸ்ய மே ப்ரியே ।
அயம் ஸ பரிஹாஸோ(அ)பி ஸாது⁴ தே³வி ந ரோசதே ॥ 6 ॥

விஶேஷேணாஶ்ரமஸ்தா²நே ஹாஸோ(அ)யம் ந ப்ரஶஸ்யதே ।
அவக³ச்சா²மி தே ஶீலம் பரிஹாஸப்ரியம் ப்ரியே ॥ 7 ॥

ஆக³ச்ச² த்வம் விஶாலாக்ஷி ஶூந்யோ(அ)யமுடஜஸ்தவ ।
ஸுவ்யக்தம் ராக்ஷஸை꞉ ஸீதா ப⁴க்ஷிதா வா ஹ்ருதா(அ)பி வா ॥ 8 ॥

ந ஹி ஸா விளபந்தம் மாமுபஸம்ப்ரைதி லக்ஷ்மண ।
ஏதாநி ம்ருக³யூதா²நி ஸாஶ்ருநேத்ராணி லக்ஷ்மண ॥ 9 ॥

ஶம்ஸந்தீவ ஹி வைதே³ஹீம் ப⁴க்ஷிதாம் ரஜநீசரை꞉ ।
ஹா மமார்யே க்வ யாதாஸி ஹா ஸாத்⁴வி வரவர்ணிநி ॥ 10 ॥

ஹா ஸகாமா த்வயா தே³வீ கைகேயீ ஸா ப⁴விஷ்யதி ।
ஸீதயா ஸஹ நிர்யாதோ விநா ஸீதாமுபாக³த꞉ ॥ 11 ॥

கத²ம் நாம ப்ரவேக்ஷ்யாமி ஶூந்யமந்த꞉புரம் புந꞉ ।
நிர்வீர்ய இதி லோகோ மாம் நிர்த³யஶ்சேதி வக்ஷ்யதி ॥ 12 ॥

காதரத்வம் ப்ரகாஶம் ஹி ஸீதாபநயநேந மே ।
நிவ்ருத்தவநவாஸஶ்ச ஜநகம் மிதி²லாதி⁴பம் ॥ 13 ॥

குஶலம் பரிப்ருச்ச²ந்தம் கத²ம் ஶக்ஷ்யே நிரீக்ஷிதும் ।
விதே³ஹராஜோ நூநம் மாம் த்³ருஷ்ட்வா விரஹிதம் தயா ॥ 14 ॥

ஸுதாஸ்நேஹேந ஸந்தப்தோ மோஹஸ்ய வஶமேஷ்யதி ।
அத²வா ந க³மிஷ்யாமி புரீம் ப⁴ரதபாலிதாம் ॥ 15 ॥

ஸ்வர்கோ³(அ)பி ஸீதயா ஹீந꞉ ஶூந்ய ஏவ மதோ மம ।
மாமிஹோத்ஸ்ருஜ்ய ஹி வநே க³ச்சா²யோத்⁴யாம் புரீம் ஶுபா⁴ம் ॥ 16 ॥

ந த்வஹம் தாம் விநா ஸீதாம் ஜீவேயம் ஹி கத²ஞ்சந ।
கா³ட⁴மாஶ்லிஷ்ய ப⁴ரதோ வாச்யோ மத்³வசநாத்த்வயா ॥ 17 ॥

அநுஜ்ஞாதோ(அ)ஸி ராமேண பாலயேதி வஸுந்த⁴ராம் ।
அம்பா³ ச மம கைகேயீ ஸுமித்ரா ச த்வயா விபோ⁴ ॥ 18 ॥

கௌஸல்யா ச யதா²ந்யாயமபி⁴வாத்³யா மமாஜ்ஞயா ।
ரக்ஷணீயா ப்ரயத்நேந ப⁴வதா ஸூக்தகாரிணா ॥ 19 ॥

ஸீதாயாஶ்ச விநாஶோ(அ)யம் மம சாமித்ரகர்ஶந ।
விஸ்தரேண ஜநந்யா மே விநிவேத்³யஸ்த்வயா ப⁴வேத் ॥ 20 ॥

இதி விளபதி ராக⁴வே ஸுதீ³நே
வநமுபக³ம்ய தயா விநா ஸுகேஶ்யா ।
ப⁴யவிகலமுக²ஸ்து லக்ஷ்மணோ(அ)பி
வ்யதி²தமநா ப்⁴ருஶமாதுரோ ப³பூ⁴வ ॥ 21 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ த்³விஷஷ்டிதம꞉ ஸர்க³꞉ ॥ 62 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.