Aranya Kanda Sarga 3 – அரண்யகாண்ட³ த்ருதீய꞉ ஸர்க³꞉ (3)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ த்ருதீய꞉ ஸர்க³꞉ (3)

॥ விராத⁴ப்ரஹார꞉ ॥

அதோ²வாச புநர்வாக்யம் விராத⁴꞉ பூரயந்வநம் ।
ஆத்மாநம் ப்ருச்ச²தே ப்³ரூதம் கௌ யுவாம் க்வ க³மிஷ்யத²꞉ ॥ 1 ॥

தமுவாச ததோ ராமோ ராக்ஷஸம் ஜ்வலிதாநநம் ।
ப்ருச்ச²ந்தம் ஸுமஹாதேஜா இக்ஷ்வாகுகுலமாத்மந꞉ ॥ 2 ॥

க்ஷத்ரியௌ வ்ருத்தஸம்பந்நௌ வித்³தி⁴ நௌ வநகோ³சரௌ ।
த்வாம் து வேதி³துமிச்சா²வ꞉ கஸ்த்வம் சரஸி த³ண்ட³கான் ॥ 3 ॥

தமுவாச விராத⁴ஸ்து ராமம் ஸத்யபராக்ரமம் ।
ஹந்த வக்ஷ்யாமி தே ராஜந்நிபோ³த⁴ மம ராக⁴வ ॥ 4 ॥

புத்ர꞉ கில ஜயஸ்யாஹம் மம மாதா ஶதஹ்ரதா³ ।
விராத⁴ இதி மாமாஹு꞉ ப்ருதி²வ்யாம் ஸர்வராக்ஷஸா꞉ ॥ 5 ॥

தபஸா சாபி மே ப்ராப்தா ப்³ரஹ்மணோ ஹி ப்ரஸாத³ஜா ।
ஶஸ்த்ரேணாவத்⁴யதா லோகே(அ)ச்சே²த்³யாபே⁴த்³யத்வமேவ ச ॥ 6 ॥

உத்ஸ்ருஜ்ய ப்ரமதா³மேநாமநபேக்ஷௌ யதா²க³தம் ।
த்வரமாணௌ பலாயேதா²ம் ந வாம் ஜீவிதமாத³தே³ ॥ 7 ॥

தம் ராம꞉ ப்ரத்யுவாசேத³ம் கோபஸம்ரக்தலோசந꞉ ।
ராக்ஷஸம் விக்ருதாகாரம் விராத⁴ம் பாபசேதஸம் ॥ 8 ॥

க்ஷுத்³ர தி⁴க்த்வாம் து ஹீநார்த²ம் ம்ருத்யுமந்வேஷஸே த்⁴ருவம் ।
ரணே ஸம்ப்ராப்ஸ்யஸே திஷ்ட² ந மே ஜீவந்க³மிஷ்யஸி ॥ 9 ॥

தத꞉ ஸஜ்யம் த⁴நு꞉ க்ருத்வா ராம꞉ ஸுநிஶிதான் ஶரான் ।
ஸுஶீக்⁴ரமபி⁴ஸந்தா⁴ய ராக்ஷஸம் நிஜகா⁴ந ஹ ॥ 10 ॥

த⁴நுஷா ஜ்யாகு³ணவதா ஸப்த பா³ணாந்முமோச ஹ ।
ருக்மபுங்கா²ன் மஹாவேகா³ன் ஸுபர்ணாநிலதுல்யகா³ன் ॥ 11 ॥

தே ஶரீரம் விராத⁴ஸ்ய பி⁴த்த்வா ப³ர்ஹிணவாஸஸ꞉ ।
நிபேது꞉ ஶோணிதாதி³க்³தா⁴ த⁴ரண்யாம் பாவகோபமா꞉ ॥ 12 ॥

ஸ வித்³தோ⁴ ந்யஸ்ய வைதே³ஹீம் ஶூலமுத்³யம்ய ராக்ஷஸ꞉ ।
அப்⁴யத்³ரவத்ஸுஸங்க்ருத்³த⁴ஸ்ததா³ ராமம் ஸலக்ஷ்மணம் ॥ 13 ॥

ஸ விநத்³ய மஹாநாத³ம் ஶூலம் ஶக்ரத்⁴வஜோபமம் ।
ப்ரக்³ருஹ்யாஶோப⁴த ததா³ வ்யாத்தாநந இவாந்தக꞉ ॥ 14 ॥

அத² தௌ ப்⁴ராதரௌ தீ³ப்தம் ஶரவர்ஷம் வவர்ஷது꞉ ।
விராதே⁴ ராக்ஷஸே தஸ்மிந்காலாந்தகயமோபமே ॥ 15 ॥

ஸ ப்ரஹஸ்ய மஹாரௌத்³ர꞉ ஸ்தி²த்வா(அ)ஜ்ரும்ப⁴த ராக்ஷஸ꞉ ।
ஜ்ரும்ப⁴மாணஸ்ய தே பா³ணா꞉ காயாந்நிஷ்பேதுராஶுகா³꞉ ॥ 16 ॥

ஸ்பர்ஶாத்து வரதா³நேந ப்ராணான் ஸம்ரோத்⁴ய ராக்ஷஸ꞉ । [ப³லாத்து]
விராத⁴꞉ ஶூலமுத்³யம்ய ராக⁴வாவப்⁴யதா⁴வத ॥ 17 ॥

தச்சூ²லம் வஜ்ரஸங்காஶம் க³க³நே ஜ்வலநோபமம் ।
த்³வாப்⁴யாம் ஶராப்⁴யாம் சிச்சே²த³ ராம꞉ ஶஸ்த்ரப்⁴ருதாம் வர꞉ ॥ 18 ॥

தத்³ராமவிஶிக²ச்சி²ந்நம் ஶூலம் தஸ்ய கராத்³பு⁴வி ।
பபாதாஶநிநா சி²ந்நம் மேரோரிவ ஶிலாதலம் ॥ 19 ॥

தௌ க²ட்³கௌ³ க்ஷிப்ரமுத்³யம்ய க்ருஷ்ணஸர்போபமௌ ஶுபௌ⁴ ।
தூர்ணமாபததஸ்தஸ்ய ததா³ ப்ராஹரதாம் ப³லாத் ॥ 20 ॥

ஸ வத்⁴யமாந꞉ ஸுப்⁴ருஶம் பா³ஹுப்⁴யாம் பரிரப்⁴ய தௌ ।
அப்ரகம்ப்யௌ நரவ்யாக்⁴ரௌ ரோத்³ர꞉ ப்ரஸ்தா²துமைச்ச²த ॥ 21 ॥

தஸ்யாபி⁴ப்ராயமாஜ்ஞாய ராமோ லக்ஷ்மணமப்³ரவீத் ।
வஹத்வயமலம் தாவத்பதா²(அ)நேந து ராக்ஷஸ꞉ ॥ 22 ॥

யதா² சேச்ச²தி ஸௌமித்ரே ததா² வஹது ராக்ஷஸ꞉ ।
அயமேவ ஹி ந꞉ பந்தா² யேந யாதி நிஶாசர꞉ ॥ 23 ॥

ஸ து ஸ்வப³லவீர்யேண ஸமுத்க்ஷிப்ய நிஶாசர꞉ ।
பா³லாவிவ ஸ்கந்த⁴க³தௌ சகாராதிப³லௌ தத꞉ ॥ 24 ॥

தாவாரோப்ய தத꞉ ஸ்கந்த⁴ம் ராக⁴வௌ ரஜநீசர꞉ ।
விராதோ⁴ நிநத³ந்கோ⁴ரம் ஜகா³மாபி⁴முகோ² வநம் ॥ 25 ॥

வநம் மஹாமேக⁴நிப⁴ம் ப்ரவிஷ்டோ
த்³ருமைர்மஹத்³பி⁴ர்விவிதை⁴ருபேதம் ।
நாநாவிதை⁴꞉ பக்ஷிஶதைர்விசித்ரம்
ஶிவாயுதம் வ்யாளம்ருகை³ர்விகீர்ணம் ॥ 26 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ த்ருதீய꞉ ஸர்க³꞉ ॥ 3 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.