Read in తెలుగు / ಕನ್ನಡ / தமிழ் / देवनागरी / English (IAST)
॥ ஶூர்பணகா²பா⁴வாவிஷ்கரணம் ॥
க்ருதாபி⁴ஷேகோ ராமஸ்து ஸீதா ஸௌமித்ரிரேவ ச ।
தஸ்மாத்³கோ³தா³வரீதீராத்ததோ ஜக்³மு꞉ ஸ்வமாஶ்ரமம் ॥ 1 ॥
ஆஶ்ரமம் தமுபாக³ம்ய ராக⁴வ꞉ ஸஹலக்ஷ்மண꞉ ।
க்ருத்வா பௌர்வாஹ்ணிகம் கர்ம பர்ணஶாலாமுபாக³மத் ॥ 2 ॥
உவாஸ ஸுகி²தஸ்தத்ர பூஜ்யமாநோ மஹர்ஷிபி⁴꞉ ।
லக்ஷ்மணேந ஸஹ ப்⁴ராத்ரா சகார விவிதா⁴꞉ கதா²꞉ ॥ 3 ॥
ஸ ராம꞉ பர்ணஶாலாயாமாஸீந꞉ ஸஹ ஸீதயா ।
விரராஜ மஹாபா³ஹுஶ்சித்ரயா சந்த்³ரமா இவ ॥ 4 ॥
ததா²ஸீநஸ்ய ராமஸ்ய கதா²ஸம்ஸக்தசேதஸ꞉ ।
தம் தே³ஶம் ராக்ஷஸீ காசிதா³ஜகா³ம யத்³ருச்ச²யா ॥ 5 ॥
ஸா து ஶூர்பணகா² நாம த³ஶக்³ரீவஸ்ய ரக்ஷஸ꞉ ।
ப⁴கி³நீ ராமமாஸாத்³ய த³த³ர்ஶ த்ரித³ஶோபமம் ॥ 6 ॥
ஸிம்ஹோரஸ்கம் மஹாபா³ஹும் பத்³மபத்ரநிபே⁴க்ஷணம் ।
ஆஜாநுபா³ஹும் தீ³ப்தாஸ்யமதீவ ப்ரியத³ர்ஶநம் ॥ 7 ॥
க³ஜவிக்ராந்தக³மநம் ஜடாமண்ட³லதா⁴ரிணம் ।
ஸுகுமாரம் மஹாஸத்த்வம் பார்தி²வவ்யஞ்ஜநாந்விதம் ॥ 8 ॥
ராமமிந்தீ³வரஶ்யாமம் கந்த³ர்பஸத்³ருஶப்ரப⁴ம் ।
ப³பூ⁴வேந்த்³ரோபமம் த்³ருஷ்ட்வா ராக்ஷஸீ காமமோஹிதா ॥ 9 ॥
ஸுமுக²ம் து³ர்முகீ² ராமம் வ்ருத்தமத்⁴யம் மஹோத³ரீ ।
விஶாலாக்ஷம் விரூபாக்ஷீ ஸுகேஶம் தாம்ரமூர்த⁴ஜா ॥ 10 ॥
ப்ரீதிரூபம் விரூபா ஸா ஸுஸ்வரம் பை⁴ரவஸ்வரா ।
தருணம் தா³ருணா வ்ருத்³தா⁴ த³க்ஷிணம் வாமபா⁴ஷிணீ ॥ 11 ॥
ந்யாயவ்ருத்தம் ஸுது³ர்வ்ருத்தா ப்ரியமப்ரியத³ர்ஶநா ।
ஶரீரஜஸமாவிஷ்டா ராக்ஷஸீ வாக்யமப்³ரவீத் ॥ 12 ॥
ஜடீ தாபஸரூபேண ஸபா⁴ர்ய꞉ ஶரசாபத்⁴ருத் ।
ஆக³தஸ்த்வமிமம் தே³ஶம் கத²ம் ராக்ஷஸஸேவிதம் ॥ 13 ॥
கிமாக³மநக்ருத்யம் தே தத்த்வமாக்²யாதுமர்ஹஸி ।
ஏவமுக்தஸ்து ராக்ஷஸ்யா ஶூர்பணக்²யா பரந்தப꞉ ॥ 14 ॥
ருஜுபு³த்³தி⁴தயா ஸர்வமாக்²யாதுமுபசக்ரமே ।
அந்ருதம் ந ஹி ராமஸ்ய கதா³சித³பி ஸம்மதம் ॥ 15 ॥
விஶேஷேணாஶ்ரமஸ்த²ஸ்ய ஸமீபே ஸ்த்ரீஜநஸ்ய ச ।
ஆஸீத்³த³ஶரதோ² நாம ராஜா த்ரித³ஶவிக்ரம꞉ ॥ 16 ॥
தஸ்யாஹமக்³ரஜ꞉ புத்ரோ ராமோ நாம ஜநை꞉ ஶ்ருத꞉ ।
ப்⁴ராதாயம் லக்ஷ்மணோ நாம யவீயான் மாமநுவ்ரத꞉ ॥ 17 ॥
இயம் பா⁴ர்யா ச வைதே³ஹீ மம ஸீதேதி விஶ்ருதா ।
நியோகா³த்து நரேந்த்³ரஸ்ய பிதுர்மாதுஶ்ச யந்த்ரித꞉ ॥ 18 ॥
த⁴ர்மார்த²ம் த⁴ர்மகாங்க்ஷீ ச வநம் வஸ்துமிஹாக³த꞉ ।
த்வாம் து வேதி³துமிச்சா²மி கத்²யதாம் கா(அ)ஸி கஸ்ய வா ॥ 19 ॥
ந ஹி தாவந்மநோஜ்ஞாங்கீ³ ராக்ஷஸீ ப்ரதிபா⁴ஸி மே ।
இஹ வா கிம் நிமித்தம் த்வமாக³தா ப்³ரூஹி தத்த்வத꞉ ॥ 20 ॥
ஸா(அ)ப்³ரவீத்³வசநம் ஶ்ருத்வா ராக்ஷஸீ மத³நார்தி³தா ।
ஶ்ரூயதாம் ராம வக்ஷ்யாமி தத்த்வார்த²ம் வசநம் மம ॥ 21 ॥
அஹம் ஶூர்பணகா² நாம ராக்ஷஸீ காமரூபிணீ ।
அரண்யம் விசராமீத³மேகா ஸர்வப⁴யங்கரா ॥ 22 ॥
ராவணோ நாம மே ப்⁴ராதா ப³லீயான் ராக்ஷஸேஶ்வர꞉ ।
வீரோ விஶ்ரவஸ꞉ புத்ரோ யதி³ தே ஶ்ரோத்ரமாக³த꞉ ॥ 23 ॥
ப்ரவ்ருத்³த⁴நித்³ரஶ்ச ஸதா³ கும்ப⁴கர்ணோ மஹாப³ல꞉ ।
விபீ⁴ஷணஸ்து த⁴ர்மாத்மா ந து ராக்ஷஸசேஷ்டித꞉ ॥ 24 ॥
ப்ரக்²யாதவீர்யௌ ச ரணே ப்⁴ராதரௌ க²ரதூ³ஷணௌ ।
தாநஹம் ஸமதிக்ராந்தா ராம த்வாபூர்வத³ர்ஶநாத் ॥ 25 ॥
ஸமுபேதா(அ)ஸ்மி பா⁴வேந ப⁴ர்தாரம் புருஷோத்தமம் ।
அஹம் ப்ரபா⁴வஸம்பந்நா ஸ்வச்ச²ந்த³ப³லகா³மிநீ ॥ 26 ॥
சிராய ப⁴வ மே ப⁴ர்தா ஸீதயா கிம் கரிஷ்யஸி ।
விக்ருதா ச விரூபா ச ந சேயம் ஸத்³ருஶீ தவ ॥ 27 ॥
அஹமேவாநுரூபா தே பா⁴ர்யாரூபேண பஶ்ய மாம் ।
இமாம் விரூபாமஸதீம் கராளாம் நிர்ணதோத³ரீம் ॥ 28 ॥
அநேந தே ஸஹ ப்⁴ராத்ரா ப⁴க்ஷயிஷ்யாமி மாநுஷீம் ।
தத꞉ பர்வதஶ்ருங்கா³ணி வநாநி விவிதா⁴நி ச ॥ 29 ॥
பஶ்யந்ஸஹ மயா காந்த த³ண்ட³காந்விசரிஷ்யஸி ।
இத்யேவமுக்த꞉ காகுத்ஸ்த²꞉ ப்ரஹஸ்ய மதி³ரேக்ஷணாம் ॥ 30 ॥
இத³ம் வசநமாரேபே⁴ வக்தும் வாக்யவிஶாரத³꞉ ॥ 31 ॥
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ ஸப்தத³ஶ꞉ ஸர்க³꞉ ॥ 17 ॥
ஸம்பூர்ண வால்மீகி ராமாயணே அரண்யகாண்ட³ பார்க்க.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.