Read in తెలుగు / ಕನ್ನಡ / தமிழ் / देवनागरी / English (IAST)
(ఈ స్తోత్రం సూర్య భగవానుని త్రిమూర్తి స్వరూపంగా (బ్రహ్మ, విష్ణు, మహేశ్వర) అభివర్ణిస్తుంది. సూర్యుడు కేవలం వెలుగునిచ్చే గ్రహం మాత్రమే కాదు, ఈ చరాచర జగత్తు అంతటికీ ఆత్మ వంటివాడని, కాల స్వరూపుడని ఈ శ్లోకాలు తెలియజేస్తాయి. శివుడు స్వయంగా ఈ స్తోత్రాన్ని చెప్పడం దీని విశేషం. పారాయణ ఫలితం: వ్యాధి నివారణ, భయ నాశనం, ఐశ్వర్యం, కార్య సిద్ధి)
ధ్యానం –
ధ్యాయేత్సూర్యమనంతకోటికిరణం తేజోమయం భాస్కరం
భక్తానామభయప్రదం దినకరం జ్యోతిర్మయం శంకరమ్ |
ఆదిత్యం జగదీశమచ్యుతమజం త్రైలోక్యచూడామణిం
భక్తాభీష్టవరప్రదం దినమణిం మార్తాండమాద్యం శుభమ్ || ౧ ||
అనంతకోటి కిరణములు కలిగినవాడు, తేజోమయుడు, ప్రకాశాన్ని ఇచ్చే భాస్కరుడు, భక్తులకు అభయాన్ని ఇచ్చేవాడు, జ్యోతి స్వరూపుడు, శుభాలను కలిగించే శంకరుడు, అచ్యుతుడు, పుట్టుక లేనివాడు (అజుడు), మూడు లోకాలకు శిరోమణి వంటివాడు, భక్తుల కోరికలను తీర్చేవాడు, ఆదిపురుషుడు, శుభప్రదుడు అయిన మార్తాండుని ధ్యానిస్తున్నాను.
కాలాత్మా సర్వభూతాత్మా వేదాత్మా విశ్వతోముఖః |
జన్మమృత్యుజరావ్యాధిసంసారభయనాశనః || ౨ ||
కాల స్వరూపుడు, సర్వ ప్రాణులలో ఆత్మగా ఉన్నవాడు, వేద స్వరూపుడు, అంతటా ముఖములు కలవాడు (విశ్వతోముఖుడు) అయిన సూర్యుడు.. జన్మ, మృత్యువు, ముసలితనం, వ్యాధి మరియు సంసారమనే భయాలను నశింపజేయుగాక!
బ్రహ్మస్వరూప ఉదయే మధ్యాహ్నే తు మహేశ్వరః |
అస్తకాలే స్వయం విష్ణుస్త్రయీమూర్తిర్దివాకరః || ౩ ||
ఉదయకాలంలో బ్రహ్మ స్వరూపంగా, మధ్యాహ్న కాలంలో మహేశ్వరునిగా, అస్తమయ కాలంలో స్వయంగా విష్ణు స్వరూపంగా వెలిగే వేదత్రయీ మూర్తి అయిన దివాకరునికి నమస్కారం.
ఏకచక్రరథో యస్య దివ్యః కనకభూషితః |
సోఽయం భవతు నః ప్రీతః పద్మహస్తో దివాకరః || ౪ ||
బంగారు ఆభరణాలతో అలంకరింపబడి, ఒకే చక్రం కలిగిన దివ్యమైన రథం ఎవరికి ఉన్నదో, చేతిలో పద్మమును ధరించిన ఆ దివాకరుడు మాపై ప్రసన్నుడు (ప్రీతుడు) అవుగాక!
పద్మహస్తః పరంజ్యోతిః పరేశాయ నమో నమః |
అండయోనిర్మహాసాక్షీ ఆదిత్యాయ నమో నమః || ౫ ||
హస్తమున పద్మము కలవాడు, పరమ జ్యోతి స్వరూపుడు, పరమేశ్వరుడు అయిన నీకు నమస్కారం. బ్రహ్మాండమే పుట్టుకగా కలవాడు (అండయోని), లోకానికి సాక్షి అయిన ఆదిత్యునికి నమస్కారం.
కమలాసన దేవేశ భానుమూర్తే నమో నమః |
ధర్మమూర్తిర్దయామూర్తిస్తత్త్వమూర్తిర్నమో నమః || ౬ ||
పద్మమున ఆసీనుడైనవాడా, దేవదేవా, భానుమూర్తివి అయిన నీకు నమస్కారం. ధర్మ స్వరూపుడు, దయా స్వరూపుడు, తత్త్వ స్వరూపుడు అయిన నీకు మాటిమాటికీ నమస్కారం.
సకలేశాయ సూర్యాయ క్షాంతేశాయ నమో నమః | [ఛాయేశాయ]
క్షయాపస్మారగుల్మాదిదుర్దోషవ్యాధినాశనమ్ || ౭ ||
సమస్తమునకు ప్రభువు, క్షమా గుణము కలవాడు (లేదా ఛాయాదేవికి భర్త) అయిన సూర్యునికి నమస్కారం. ఈ స్తోత్రం క్షయ వ్యాధిని, అపస్మారమును, కడుపులోని గడ్డలు (గుల్మము) మొదలైన దుష్ట వ్యాధులను నశింపజేస్తుంది.
సర్వజ్వరహరం చైవ కుక్షిరోగనివారణమ్ |
ఏతత్ స్తోత్రం శివ ప్రోక్తం సర్వసిద్ధికరం పరమ్ |
సర్వసంపత్కరం చైవ సర్వాభీష్టప్రదాయకమ్ || ౮ ||
అన్ని రకముల జ్వరాలను హరించేది, కడుపు నొప్పిని నివారించేది అయిన ఈ స్తోత్రము శివునిచే చెప్పబడినది. ఇది శ్రేష్ఠమైనది, సర్వ సిద్ధులను, సంపదలను ఇచ్చేది మరియు కోరిన కోరికలన్నింటినీ నెరవేర్చేది.
ఇతి శ్రీ సూర్య స్తోత్రమ్ |
మరిన్ని శ్రీ సూర్య స్తోత్రాలు చూడండి. మరిన్ని నవగ్రహ స్తోత్రాలు చూడండి.
మా తదుపరి ప్రచురణ: తెలుగు తాత్పర్యాలతో "శ్రీ బగళాముఖీ స్తోత్రనిధి" పుస్తకము ముద్రించుటకు ఆలోచన చేయుచున్నాము.
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.