Read in తెలుగు / ಕನ್ನಡ / தமிழ் / देवनागरी / English (IAST)
శివానందపీయూషరత్నాకరస్థాం
శివబ్రహ్మవిష్ణ్వామరేశాభివంద్యామ్ |
శివధ్యానలగ్నాం శివజ్ఞానమూర్తిం
శివాఖ్యామతీతాం భజే పాండ్యబాలామ్ || ౧ ||
శివాదిస్ఫురత్పంచమంచాధిరూఢాం
ధనుర్బాణపాశాంకుశోద్భాసిహస్తామ్ |
నవీనార్కవర్ణాం నవీనేందుచూడాం
పరబ్రహ్మపత్నీం భజే పాండ్యబాలామ్ || ౨ ||
కిరీటాంగదోద్భాసిమాంగళ్యసూత్రాం
స్ఫురన్మేఖలాహారతాటంకభూషామ్ |
పరామంత్రకాం పాండ్యసింహాసనస్థాం
పరంధామరూపాం భజే పాండ్యబాలామ్ || ౩ ||
లలామాంచితస్నిగ్ధఫాలేందుభాగాం
లసన్నీరజోత్ఫుల్లకల్హారసంస్థామ్ |
లలాటేక్షణార్ధాంగలగ్నోజ్జ్వలాంగీం
పరంధామరూపాం భజే పాండ్యబాలామ్ || ౪ ||
త్రిఖండాత్మవిద్యాం త్రిబిందుస్వరూపాం
త్రికోణే లసంతీం త్రిలోకావనమ్రామ్ |
త్రిబీజాధిరూఢాం త్రిమూర్త్యాత్మవిద్యాం
పరబ్రహ్మపత్నీం భజే పాండ్యబాలామ్ || ౫ ||
సదా బిందుమధ్యోల్లసద్వేణిరమ్యాం
సముత్తుంగవక్షోజభారావనమ్రామ్ |
క్వణన్నూపురోపేతలాక్షారసార్ద్ర-
-స్ఫురత్పాదపద్మాం భజే పాండ్యబాలామ్ || ౬ ||
యమాద్యష్టయోగాంగరూపామరూపా-
-మకారాత్క్షకారాంతవర్ణామవర్ణామ్ |
అఖండామనన్యామచింత్యామలక్ష్యా-
-మమేయాత్మవిద్యాం భజే పాండ్యబాలామ్ || ౭ ||
సుధాసాగరాంతే మణిద్వీపమధ్యే
లసత్కల్పవృక్షోజ్జ్వలద్బిందుచక్రే |
మహాయోగపీఠే శివాకారమంచే
సదా సన్నిషణ్ణాం భజే పాండ్యబాలామ్ || ౮ ||
సుషుమ్నాంతరంధ్రే సహస్రారపద్మే
రవీంద్వగ్నిసమ్యుక్తచిచ్చక్రమధ్యే |
సుధామండలస్థే సునిర్వాణపీఠే
సదా సంచరంతీం భజే పాండ్యబాలామ్ || ౯ ||
షడంతే నవాంతే లసద్ద్వాదశాంతే
మహాబిందుమధ్యే సునాదాంతరాళే |
శివాఖ్యే కళాతీతనిశ్శబ్దదేశే
సదా సంచరంతీం భజే పాండ్యబాలామ్ || ౧౦ ||
చతుర్మార్గమధ్యే సుకోణాంతరంగే
ఖరంధ్రే సుధాకారకూపాంతరాళే |
నిరాలంబపద్మే కళాషోడశాంతే
సదా సంచరంతీం భజే పాండ్యబాలామ్ || ౧౧ ||
పుటద్వంద్వనిర్ముక్తవాయుప్రలీన-
-ప్రకాశాంతరాళే ధ్రువోపేతరమ్యే |
మహాషోడశాంతే మనోనాశదేశే
సదా సంచరంతీం భజే పాండ్యబాలామ్ || ౧౨ ||
చతుష్పత్రమధ్యే సుకోణత్రయాంతే
త్రిమూర్త్యాధివాసే త్రిమార్గాంతరాళే |
సహస్రారపద్మోచితాం చిత్ప్రకాశ-
-ప్రవాహప్రలీనాం భజే పాండ్యబాలామ్ || ౧౩ ||
లసద్ద్వాదశాంతేందుపీయూషధారా-
-వృతాం మూర్తిమానందమగ్నాంతరంగామ్ |
పరాం త్రిస్తనీం తాం చతుష్కూటమధ్యే
పరంధామరూపాం భజే పాండ్యబాలామ్ || ౧౪ ||
సహస్రారపద్మే సుషుమ్నాంతమార్గే
స్ఫురచ్చంద్రపీయూషధారాం పిబంతీమ్ |
సదా స్రావయంతీం సుధామూర్తిమంబాం
పరంజ్యోతిరూపాం భజే పాండ్యబాలామ్ || ౧౫ ||
నమస్తే సదా పాండ్యరాజేంద్రకన్యే
నమస్తే సదా సుందరేశాంకవాసే |
నమస్తే నమస్తే సుమీనాక్షి దేవి
నమస్తే నమస్తే పునస్తే నమోఽస్తు || ౧౬ ||
ఇతి అగస్త్య కృత శ్రీ యోగమీనాక్షీ స్తోత్రమ్ |
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.