Read in తెలుగు / ಕನ್ನಡ / தமிழ் / देवनागरी / English (IAST)
సురాసురశిరోరత్నకాంతివిచ్ఛురితాంఘ్రయే |
నమస్త్రిభువనేశాయ హరయే సింహరూపిణే || ౧ ||
శత్రోః ప్రాణానిలాః పంచ వయం దశ జయోఽత్ర కః |
ఇతి కోపాదివాతామ్రాః పాంతు వో నృహరేర్నఖాః || ౨ ||
ప్రోజ్జ్వలజ్జ్వలనజ్వాలావికటోరుసటాచ్ఛటః |
శ్వాసక్షిప్తకులక్ష్మాభృత్పాతు వో నరకేసరీ || ౩ ||
వ్యాధూతకేసరసటావికరాలవక్త్రం
హస్తాగ్రవిస్ఫురితశంఖగదాసిచక్రమ్ |
ఆవిష్కృతం సపది యేన నృసింహరూపం
నారాయణం తమపి విశ్వసృజం నమామి || ౪ ||
దైత్యాస్థిపంజరవిదారణలబ్ధరంధ్ర-
-రక్తాంబునిర్జరసరిద్ధనజాతపంకాః |
బాలేందుకోటికుటిలాః శుకచంచుభాసా
రక్షంతు సింహవపుషో నఖరా హరేర్వః || ౫ ||
దిశ్యాత్సుఖం నరహరిర్భువనైకవీరో
యస్యాహవే దితిసుతోద్దలనోద్యతస్య |
క్రోధోద్ధతం ముఖమవేక్షితుమక్షమత్వం
జానేఽభవన్నిజనఖేష్వపి యన్నతాస్తే || ౬ ||
వపుర్దలనసంభ్రమాత్స్వనఖరం ప్రవిష్టే రిపౌ
క్వ యాత ఇతి విస్మయాత్ప్రహితలోచనః సర్వతః |
వృథేతి కరతాడనాన్నిపతితం పురో దానవం
నిరీక్ష్య భువి రేణువజ్జయతి జాతహాసో హరిః || ౭ ||
చటచ్చటితి చర్మణి చ్ఛమితి చోచ్ఛలచ్ఛోణితే
ధగద్ధగితి మేదసి స్ఫుటరవేఽస్థిని ష్ఠాగితి |
పునాతు భవతో హరేరమరవైరివక్షఃస్థల
క్వణత్కరజపంజరక్రకచకాషజన్మాఽనలః || ౮ ||
ససత్వరమితస్తతస్తతవిహస్తహస్తాటవీ-
-నికృత్తసురశత్రుహృత్క్షతజసిక్తవక్షఃస్థలః |
స్ఫురద్వరగభస్తిభిః స్థగితసప్తసప్తిద్యుతిః
సమస్తనిగమస్తుతో నృహరిరస్తు నః స్వస్తయే || ౯ ||
చంచచ్చండనఖాగ్రభేదవిగలద్దైత్యేంద్రవక్షఃక్షర-
-ద్రక్తాభ్యక్తసుపాటలోద్భటసదాసంభ్రాంతభీమాననః |
తిర్యక్కంఠకఠోరఘోషఘటనాసర్వాంగఖర్వీభవ-
-ద్దిఙ్మాతంగనిరీక్షితో విజయతే వైకుంఠకంఠీరవః || ౧౦ ||
దంష్ట్రాసంకటవక్త్రకందరలలజ్జిహ్వస్య హవ్యాశన-
-జ్వాలాభాసురభూరికేసరసటాభారస్య దైత్యద్రుహః |
వ్యావల్గద్బలవద్ధిరణ్యకశిపుక్రోడస్థలాస్ఫాలన
స్ఫారప్రస్ఫుటదస్థిపంజరరవక్రూరా నఖాః పాంతు వః || ౧౧ ||
సోమార్ధాయితనిష్పధానదశనః సంధ్యాయితాంతర్ముఖో
బాలార్కాయితలోచనః సురధనుర్లేఖాయితభ్రూలతః |
అంతర్నాదనిరోధపీవరగలత్త్వక్కూపనిర్యత్తడి-
-త్తారస్ఫారసటావరుద్ధగగనః పాయాన్నృసింహః స వః || ౧౨ ||
విద్యుచ్చక్రకరాలకేసరసటాభారస్య దైత్యద్రుహః
శోణన్నేత్రహుతాశడంబరభృతః సింహాకృతేః శార్ఙ్గిణః |
విస్ఫూర్జద్గలగర్జితర్జితకకుమ్మాతంగదర్పోదయాః
సంరంభాః సుఖయంతు వః ఖరనఖక్షుణ్ణద్విషద్వక్షసః || ౧౩ ||
దైత్యానామధిపే నఖాంకురకుటీకోణప్రవిష్టాత్మని
స్ఫారీభూతకరాలకేసరసటాసంఘాతఘోరాకృతేః |
సక్రోధం చ సవిస్మయం చ సగురువ్రీడం చ సాంతఃస్మితం
క్రీడాకేసరిణో హరేర్విజయతే తత్కాలమాలోకితమ్ || ౧౪ ||
కిం కిం సింహస్తతః కిం నరసదృశవపుర్దేవ చిత్రం గృహీతో
నైతాదృక్క్వాపి జీవోఽద్భుతముపనయ మే దేవ సంప్రాప్త ఏషః |
చాపం చాపం న చాపీత్యహహహహహహా కర్కశత్వం నఖానాం
ఇత్థం దైత్యేంద్రవక్షః ఖరనఖముఖరైర్జఘ్నివాన్యః స వోఽవ్యాత్ || ౧౫ ||
భూయః కంఠావధూతివ్యతికరతరలోత్తంసనక్షత్రమాలా-
-బాలేందుక్షుద్రఘంటారణితదశదిశాదంతచీత్కారకారీ |
అవ్యాద్వో దైత్యరాజప్రథమయమపురీయానఘంటానినాదో
నాదో దిగ్భిత్తిభేదప్రసరసరభసః కూటకంఠీరవస్య || ౧౬ ||
అంతఃక్రోధోజ్జిహానజ్వలనభవశిఖాకారజిహ్వావలీఢ
ప్రౌఢబ్రహ్మాండభాండః పృథుభువనగుహాగర్భగంభీరనాదః |
దృప్యత్పారీంద్రమూర్తిర్మురజిదవతు వః సుప్రభామండలీభిః
కుర్వన్నిర్ధూమధూమధ్వజనిచితమివ వ్యోమ రోమచ్ఛటానామ్ || ౧౭ ||
పాయాన్మాయామృగేంద్రో జగదఖిలమసౌ యత్తనూదర్చిరర్చిః
జ్వాలాజాలావలీఢం బత భువి సకలం వ్యాకులం కిం న భూయాత్ |
న స్యాచ్చేదాశు తస్యాధికవికటసటాకోటిభిః పాట్యమానాత్
ఇందోరానందకందాత్తదుపరి తుహినాసారసందోహవృష్టిః || ౧౮ ||
ఆదిత్యాః కిం దశైతే ప్రలయభయకృతః స్వీకృతాకాశదేశాః
కిం వోల్కామండలాని త్రిభువనదహనాయోద్యతానీతి భీతైః |
పాయాసుర్నారసింహం వపురమరగణైర్బిభ్రతః శార్ఙ్గపాణేః
దృష్టాదృప్తాసురోరస్థలదరణగలద్రక్తరక్తా నఖా వః || ౧౯ ||
ఇతి శ్రీ నృసింహ స్తుతిః |
మరిన్ని శ్రీ నృసింహ స్తోత్రాలు చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.