Read in తెలుగు / ಕನ್ನಡ / தமிழ் / देवनागरी / English (IAST)
(గమనిక: ఈ స్తోత్రము “శ్రీ గణేశ స్తోత్రనిధి” పారాయణ గ్రంథములో కూడా ఉన్నది. Click here to buy.)
క్రోధాసుర ఉవాచ |
లంబోదర నమస్తుభ్యం శాంతియోగస్వరూపిణే |
సర్వశాంతిప్రదాత్రే తే విఘ్నేశాయ నమో నమః || ౧ ||
అసంప్రజ్ఞాతరూపేయం శుండా తే నాత్ర సంశయః |
సంప్రజ్ఞాతమయో దేహో దేహధారిన్నమో నమః || ౨ ||
స్వానందే యోగిభిర్నిత్యం దృష్టస్త్వం బ్రహ్మనాయకః |
తేన స్వానందవాసీ త్వం నమః సంయోగధారిణే || ౩ ||
సముత్పన్నం త్వదుదరాజ్జగన్నానావిధం ప్రభో |
బ్రహ్మ తద్వన్న సందేహో లంబోదర నమోఽస్తు తే || ౪ ||
త్వదీయ కృపయా దేవ మయా జ్ఞాతం మహోదర |
త్వత్తః పరతరం నాస్తి పరేశాయ నమో నమః || ౫ ||
హేరంబాయ నమస్తుభ్యం విఘ్నహర్త్రే కృపాలవే |
ఆదిమధ్యాంతహీనాయ తన్మయాయ నమో నమః || ౬ ||
సిద్ధిబుద్ధివిహారజ్ఞ సిద్ధిబుద్ధిపతే నమః |
సిద్ధిబుద్ధిప్రదాత్రే తే వక్రతుండాయ వై నమః || ౭ ||
సర్వాత్మకాయ సర్వాదిపూజ్యాయ తే నమో నమః |
సర్వపూజ్యాయ వై తుభ్యం భక్తసంరక్షకాయ చ || ౮ ||
అతః ప్రసీద విఘ్నేశ దాసోఽహం తే గజానన |
లంబోదరాయ నిత్యం నమో నమస్తే మహాత్మనే || ౯ ||
స్వత ఉత్థానపరత ఉత్థానే బ్రహ్మ ధారయన్ |
తవోదరాత్ సముత్పన్నం తం కిం స్తౌమి పరాత్పరమ్ || ౧౦ ||
ఇతి స్తుత్వా మహాదైత్యః ప్రణనామ గజాననమ్ |
తమువాచ గణాధ్యక్షో భక్తం భక్తజనప్రియః || ౧౧ ||
లంబోదర ఉవాచ |
వరం వృణు మహాభాగ క్రోధాసుర హృదీప్సితమ్ |
దాస్యామి భక్తిభావేన స్తోత్రేణాఽహం హి తోషితః || ౧౨ ||
త్వయా కృతమిదం స్తోత్రం సర్వసిద్ధిప్రదం భవేత్ |
యః పఠిష్యతి తస్యైవ క్రోధజం న భయం భవేత్ || ౧౩ ||
శృణుయాత్తస్య తద్వచ్చ భవిష్యతి న సంశయః |
యద్యదిచ్ఛతి తత్తద్వై దాస్యామి స్తోత్రపాఠతః || ౧౪ ||
ఇతి శ్రీమన్ముద్గలే మహాపురాణే లంబోదరచరితే అష్టమోఽధ్యాయే క్రోధాసురకృత లంబోదరస్తోత్రమ్ |
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ గణేశ స్తోత్రనిధి
(నిత్య పారాయణ గ్రంథము)
మరిన్ని శ్రీ గణేశ స్తోత్రాలు చూడండి.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.