Read in తెలుగు / ಕನ್ನಡ / தமிழ் / देवनागरी / English (IAST)
ಯೋ ದೇವಃ ಸರ್ವಭೂತಾನಾಮಾತ್ಮಾ ಹ್ಯಾರಾಧ್ಯ ಏವ ಚ |
ಗುಣಾತೀತೋ ಗುಣಾತ್ಮಾ ಚ ಸ ಮೇ ನಾಗಃ ಪ್ರಸೀದತು || ೧ ||
ಹೃದಯಸ್ಥೋಽಪಿ ದೂರಸ್ಥಃ ಮಾಯಾವೀ ಸರ್ವದೇಹಿನಾಮ್ |
ಯೋಗಿನಾಂ ಚಿತ್ತಗಮ್ಯಸ್ತು ಸ ಮೇ ನಾಗಃ ಪ್ರಸೀದತು || ೨ ||
ಸಹಸ್ರಶೀರ್ಷಃ ಸರ್ವಾತ್ಮಾ ಸರ್ವಾಧಾರಃ ಪರಃ ಶಿವಃ |
ಮಹಾವಿಷಸ್ಯಜನಕಃ ಸ ಮೇ ನಾಗಃ ಪ್ರಸೀದತು || ೩ ||
ಕಾದ್ರವೇಯೋಮಹಾಸತ್ತ್ವಃ ಕಾಲಕೂಟಮುಖಾಂಬುಜಃ |
ಸರ್ವಾಭೀಷ್ಟಪ್ರದೋ ದೇವಃ ಸ ಮೇ ನಾಗಃ ಪ್ರಸೀದತು || ೪ ||
ಪಾತಾಳನಿಲಯೋ ದೇವಃ ಪದ್ಮನಾಭಸುಖಪ್ರದಃ |
ಸರ್ವಾಭೀಷ್ಟಪ್ರದೋ ಯಸ್ತು ಸ ಮೇ ನಾಗಃ ಪ್ರಸೀದತು || ೫ ||
ನಾಗನಾರೀರತೋ ದಕ್ಷೋ ನಾರದಾದಿ ಸುಪೂಜಿತಃ |
ಸರ್ವಾರಿಷ್ಟಹರೋ ಯಸ್ತು ಸ ಮೇ ನಾಗಃ ಪ್ರಸೀದತು || ೬ ||
ಪೃದಾಕುದೇವಃ ಸರ್ವಾತ್ಮಾ ಸರ್ವಶಾಸ್ತ್ರಾರ್ಥಪಾರಗಃ |
ಪ್ರಾರಬ್ಧಪಾಪಹಂತಾ ಚ ಸ ಮೇ ನಾಗಃ ಪ್ರಸೀದತು || ೭ ||
ಲಕ್ಷ್ಮೀಪತೇಃ ಸಪರ್ಯಂಕಃ ಶಂಭೋಃ ಸರ್ವಾಂಗಭೂಷಣಃ |
ಯೋ ದೇವಃ ಪುತ್ರದೋ ನಿತ್ಯಂ ಸ ಮೇ ನಾಗಃ ಪ್ರಸೀದತು || ೮ ||
ಫಣೀಶಃ ಪರಮೋದಾರಃ ಶಾಪಪಾಪನಿವಾರಕಃ |
ಸರ್ವಪಾಪಹರೋ ಯಸ್ತು ಸ ಮೇ ನಾಗಃ ಪ್ರಸೀದತು || ೯ ||
ಸರ್ವಮಂಗಳದೋ ನಿತ್ಯಂ ಸುಖದೋ ಭುಜಗೇಶ್ವರಃ |
ಯಶಃ ಕೀರ್ತಿಂ ಚ ವಿಪುಲಾಂ ಶ್ರಿಯಮಾಯುಃ ಪ್ರಯಚ್ಛತು || ೧೦ ||
ಮನೋವಾಕ್ಕಾಯಜನಿತಂ ಜನ್ಮಜನ್ಮಾಂತರಾರ್ಜಿತಮ್ |
ಯತ್ಪಾಪಂ ನಾಗದೇವೇಶ ವಿಲಯಂ ಯಾತು ಸಂಪ್ರತಿ || ೧೧ ||
ನೀರೋಗಂ ದೇಹಪುಷ್ಟಿಂ ಚ ಸರ್ವವಶ್ಯಂ ಧನಾಗಮಮ್ |
ಪಶುಧಾನ್ಯಾಭಿವೃದ್ಧಿಂ ಚ ಯಶೋವೃದ್ಧಿಂ ಚ ಶಾಶ್ವತಮ್ || ೧೨ ||
ಪರವಾಕ್ ಸ್ತಂಭಿನೀಂ ವಿದ್ಯಾಂ ವಾಗ್ಮಿತ್ವಂ ಸೂಕ್ಷ್ಮಬುದ್ಧಿತಾಮ್ |
ಪುತ್ರಂ ವಂಶಕರಂ ಶ್ರೇಷ್ಠಂ ದೇಹಿ ಮೇ ಭಕ್ತವತ್ಸಲ || ೧೩ ||
ಇತಿ ಶ್ರೀ ನಾಗೇಶ್ವರ ಸ್ತುತಿಃ ||
ಇನ್ನಷ್ಟು ನಾಗದೇವತ ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.